ଶାଢ଼ି ଲାଇବ୍ରେରି କଥା କେବେ ଶୁଣିଥିଲେ କି? ଏମିତିକା ଲାଇବ୍ରେରି ଦେଖିବାକୁ ପାଇବେ ଗୁଜରାଟର ବରୋଦାରେ। ଏହାକୁ ଜୁନ୍ ୨୦୨୦ରେ ୮ ଜଣ ମହିଲା ଏକାଠି ଖୋଲିଥିଲେ। ସେମାନେ ଏହାର ନାମ ରଖିଛନ୍ତି ‘ଅଷ୍ଟ ସହେଲି ଶାଢ଼ି ଲାଇବ୍ରେରି’। ବରୋଦା ସହରର ଗଡ୍ରା ରୋଡସ୍ଥିତ ମହ୍ଲାର ପଏଣ୍ଟରେ ଥିବା ଏହି ଲାଇବ୍ରେରିର ସଂସ୍ଥାପକ ହେଉଛନ୍ତି ହେମା ଚୌହାନ। କାଞ୍ଜିବରମ୍, ରେଶମ, ବନାରସୀ, କୋଟା ଚେକ୍, ବାନ୍ଧଶାଢ଼ିଠାରୁ ଆରମ୍ଭ କରି ଶିଫନର ପ୍ରାୟ ୪୦୦ ଶାଢ଼ି ରହିଛି ଏହି ଲାଇବ୍ରେରିରେ। ଏଠାରୁ ସବୁ ବର୍ଗର ମହିଳା ୫ ଦିନ ଲାଗି କମ୍ ମୂଲ୍ୟରେ ଏକ ସଙ୍ଗରେ ତିନୋଟି ଶାଢ଼ି ନେଇପାରୁଛନ୍ତି। ଏ ବାବଦରେ ସେମାନଙ୍କୁ ୫୦୦ ଟଙ୍କାର ଟୋକନ୍ ମନି ପଇଠ କରିବାକୁ ହେଉଛି। ଭାରତର ବିଭିନ୍ନ ସହରରୁ ମହିଳାମାନେ ଲାଇବ୍ରେରିକୁ ଶାଢ଼ି ଦାନ କରୁଛନ୍ତି। ଲାଇବ୍ରେରିରୁ ଏବେ ସୁଦ୍ଧା ୧୦୦ରୁ ଊର୍ଦ୍ଧ୍ୱ ମହିଳା ଶାଢ଼ି ନେଇସାରିଛନ୍ତି। ଏହା ଅପରାହ୍ନ ୩ଟାରୁ ସନ୍ଧ୍ୟା ୬ଟା ଯାଏ ଖୋଲା ରହୁଛି। ଲାଇବ୍ରେରିର ଅନଲାଇନ ଗ୍ରୁପ୍ରେ ୧,୩୦୦ ସଦସ୍ୟ ରହିଛନ୍ତି।
