ଜୀବନ ସଭିଙ୍କ ପାଇଁ ସମାନ । ଯେକୌଣସି ଧର୍ମ ବିଚାରରେ ବି ଜୀବନର ମୂଲ୍ୟ ଅକଳନୀୟ। ଯେଉଁଥିତ୍ପାଇଁ ଜଣେ ହିନ୍ଦୁ ମହିଳା ଓ ଜଣେ ମୁସଲମାନ ମହିଳା ସେମାନଙ୍କ କିଡ୍ନୀ ଦାନ କରି ପରସ୍ପରର ସ୍ବାମୀଙ୍କ ଜୀବନ ବଞ୍ଚାଇ ଏକ ଉଦାହରଣ ସୃଷ୍ଟି କରିଛନ୍ତି। ଏହି ମହତ୍ କାର୍ଯ୍ୟରେ ସେମାନେ ସର୍ବଧର୍ମ ସମନ୍ବୟ ବାର୍ତ୍ତା ମଧ୍ୟ ଦେଇଛନ୍ତି। ଡେରାଡୁନ୍ର ବିକାଶ ଉନିୟାଲ ଏବଂ ଅସରଫ ଅଲି କିଡ୍ନୀ ରୋଗରେ ଆକ୍ରାନ୍ତ ହୋଇଥିତ୍ତ୍ଲେ। ଅସରଫ୍ଙ୍କ ବୟସ ୫୧ ହୋଇଥିବାବେଳେ ବିକାଶଙ୍କ ବୟସ ୫୦। ସେମାନେ କିଡ୍ନୀ ଡୋନର୍ ସନ୍ଧାନରେ ମଧ୍ୟ ଥିତ୍ଲେ। ହେଲେ ତାହା ପାଇବାକୁ ସକ୍ଷମ ହୋଇ ପାରି ନ ଥିଲେ କାରଣ ସେମାନଙ୍କ ନିକଟରେ ଅର୍ଥାଭାବ ରହିଥିତ୍ଲା। ଡାକ୍ତରୀ ପରୀକ୍ଷା ପରେ ବିକାଶଙ୍କ ସ୍ତ୍ରୀ ସୁଷମାଙ୍କର କିଡ୍ନୀ ଅସରଫଙ୍କ ସହ ମ୍ୟାଚ ହୋଇଥିଲା। ଅସରଫଙ୍କ ସ୍ତ୍ରୀ ସୁଲତାନାଙ୍କର କିଡ୍ନୀ ମଧ୍ୟ ବିକାଶଙ୍କ ସହ ମ୍ୟାଚ୍ ହୋଇଯାଇଥିତ୍ଲା। ଫଳରେ ଦୁଇଜଣଙ୍କ ଜୀବନର ଆଶା ସଞ୍ଚାର ହୋଇଥିଲା। ପରେ ଡେରାଡୁନର ହିମାଳୟାନ ହସ୍ପିଟାଲରେ ସୁଷମାଙ୍କ କିଡ୍ନୀ ଅସରଫଙ୍କ ଶରୀରରେ ଓ ସୁଲତାନାଙ୍କ କିଡ୍ନୀ ବିକାଶଙ୍କଠାରେ ପ୍ରତିରୋପଣ କରାଯାଇଛି। ଏହାଦ୍ୱାରା ଉଭୟ ପରିବାର ଆର୍ଥିକ କଷ୍ଟରୁ ମୁକ୍ତି ପାଇବା ସହ ମାନସିକ ଶାନ୍ତି ପାଇଛନ୍ତି।
