ପ୍ରକୃତି ଓ ପରିବେଶକୁ ଭଲ ପାଇବାର କେତେ ଗଭୀର ହୋଇପାରେ ତାହାର ଦୃଷ୍ଟାନ୍ତ ଦେଖିବାକୁ ମିଳିଛଖି ଜଣେ ଇଞ୍ଜିନିୟରଙ୍କ ଜୀବନରେ। କମ୍ପୁଟର ସାଇନ୍ସ ଇଞ୍ଜିନିୟର ଆଭା ପାଣ୍ଡେ ରହନ୍ତି ଗୁରୁଗ୍ରାମରରେ । ସେ ରହୁଥିବା ଘର ଅଗଣାରେ ପରିବା ଚାଷ କରୁଛନ୍ତି ଫୁଲ ଚାଷ କରୁଛନ୍ତି । ୩୩ କିସମର ଫୁଲ ଫୁଟାଉଛନ୍ତି। ବର୍ଜ୍ୟ ଭାବେ ଲୋକାମାନେ ଫିଙ୍ଗି ଦେଉଥିବା ବାଥ୍ଟବ, ଡବା, ବାଲ୍ଟି ଆଦିରେ ଗଛ ଲଗାଇଛନ୍ତି। ଘରମାଲିକ ମଧ୍ୟ ଏହି କାର୍ଯ୍ୟରେ ତାଙ୍କ ସହ ସାମିଲ ହୋଇଛନ୍ତି। କେବଳ ଏତିକକି ନୁହେଁ, ଆଭା ରହୁଥିବା ଘର ସାମ୍ନାରେ ଥିବା କମ୍ୟୁନିଟି ପାର୍କର ସୌନ୍ଦର୍ଯ୍ୟ ବୃଦ୍ଧି କରିବାରେ ସକ୍ଷମ ହୋଇଛନ୍ତି। ପାର୍କରେ ଲୋକମାନେ ପକାଉଥିବା ଅଳିଆ ସଫା କରି ପାର୍କର ଶୋଭା ବଢ଼ାଇଛନ୍ତି। ନଗର ନିଗମ କର୍ମଚାରୀଙ୍କୁ ମଧ୍ୟ ପାର୍କ ତଥା ସେ ରହୁଥିବା ଆଖପାଖ ଅଞ୍ଚଳକୁ କିଭଳି ସଫା ରଖାଯାଇପାରିବ ସେଥିପ୍ରତି ସଚେତନତା ସୃଷ୍ଟି କରୁଛନ୍ତି। ଲୋକମାନେ ଅଳିଆ ଫିଙ୍ଗୁଥିବା ସ୍ଥାନଗୁଡିକରେ ଗଛ ଲଗାଇ ତାହାକୁ ବନ୍ଦ କରୁଛନ୍ତି। ଆଭାଙ୍କ ଏଭଳି ଅଭିଯାନକୁ ଲକ୍ଷ୍ୟ କରି ସେଠାକାର ଲୋକାମାନେ ତାଙ୍କ ସହ ସାମିଲ ହୋଇଛନ୍ତି। ସେମାନେ ପାର୍କରେ ଖାଲି ଜାଗା ଓ ଅନ୍ୟ ସ୍ଥାନ ଗୁଡ଼ିକରେ ଗଛ ଲଗାଇବା ଆରମ୍ଭ କରିଦେଇଛନ୍ତି।
