ସହରରେ ରହି ଘରେ ସୁନ୍ଦର ବଗିଚା କରିଛନ୍ତି, ଅଥଚ ଛୁଟିରେ ବାହାରକୁ ଚାଲିଗଲେ ଗଛ ଚିନ୍ତା ଘାରୁଛି। ଏବେ ଆଉ ଏମିତି ଚିନ୍ତା କରିବାକୁ ପଡ଼ିବନି, କାରଣ ଏଥିପାଇଁ ସମାଧାନର ପନ୍ଥା ସାମ୍ନାକୁ ଆଣିଛନ୍ତି ପାର୍ଥ ଶାହା। ଗୁଜରାଟର ଅନନ୍ତ ନ୍ୟାଶନାଲ ୟୁନିଭର୍ସିଟିରେ ଶାହା ସହକାରୀ ପ୍ରାଧ୍ୟାପକ ଭାବେ କାର୍ଯ୍ୟ କରନ୍ତି। ଶାହାଙ୍କ ବୟସ ୩୦। ସେ ବଗିଚାର ଦେଖାରଖା କରିବା ଲାଗି ଏକ ସ୍ମାର୍ଟ କ୍ଲାଇମେଟ୍ କଣ୍ଟ୍ରୋଲ୍ ସିଷ୍ଟମ୍ ବିକାଶ କରିଛନ୍ତି। ଦୂରରେ ରହି ଏହି ସିଷ୍ଟମ୍ ମାଧ୍ୟମରେ ମାଟିର ଆର୍ଦ୍ରତା ବଜାୟ ରଖାଯାଇପାରିବ। ମାଟିର ଆର୍ଦ୍ରତା, ତାପମାତ୍ରା ଆଦି ସମୀକ୍ଷା କରି ଏ ସମ୍ପର୍କିତ ତଥ୍ୟ ଜଣାଇବା ଲାଗି ସେ ଇଣ୍ଟରନେଟ ଅଫ୍ ଥିଙ୍ଗସ୍ ଓ ସେନ୍ସର ଉପଯୋଗ କରିଛନ୍ତି। ଏକ ଆଣ୍ଡ୍ରଏଡ୍ ଆପ୍ ଦ୍ୱାରା ମାଟିର ଆର୍ଦ୍ରତା ସମ୍ପର୍କରେ ସେନ୍ସର ପଠାଉଥିତ୍ବା ତଥ୍ୟକୁ ସ୍ମାର୍ଟ ଫୋନ୍ରୁ ଜାଣି ହେଉଛି। ମାଟିର ଆର୍ଦ୍ରତା ୧୦ ପ୍ରତିଶତରୁ କମ୍ ହେଲେ ସେନ୍ସର ସ୍ମାର୍ଟଫୋନ୍କୁ ସତର୍କ ସୂଚନା ଦେଉଛି। ପରେ ଆପ୍ ଆପଣାଛାଏଁ ପାଣି ପମ୍ପର୍ ସୁଇଚ ଅନ୍ହେବାର ସଙ୍କେତ ଦେଉଛି ଓ ଗଛରେ ପାଣି ଦିଆଯାଇପାରୁଛି। ଏହି ପଦ୍ଧତିରେ ମାଟିର ଆର୍ଦ୍ରତା ଠିକ୍ ରହିବା ଦ୍ୱାରା ଗଛ ଆଉ ମରୁନାହିଁ। ୨୦ ଦିନରେ ପାର୍ଥ ଏହି ସିଷ୍ଟମ୍ ୧,୧୦୦ ଟଙ୍କା ବ୍ୟୟରେ ବିକାଶ କରିଛନ୍ତି। ଏବେ ଏହାର ବ୍ୟବସାୟିକ ଦିଗ ଉପରେ ସେ ଗୁରୁତ୍ୱ ଦେଉଛନ୍ତି।
