ପିଢ଼ି ପରେ ପିଢ଼ି ୧୦୩ ବର୍ଷ ହେବ ସୁରୁଖୁରୁରେ ଚାଲିଥିବା ଏକ ଭୋଜନାଳୟ କଥା ଭାବିଲେ ଆଶ୍ଚର୍ଯ୍ୟ ଲାଗେ। ଏହି ଭୋଜନାଳୟ ରହିଛି କୋଲକାତାର କଲେଜ ଷ୍ଟ୍ରିଟ୍ରେ। ଏହାକୁ ୧୯୧୮ରେ ସ୍ବାଧୀନତା ସଂଗ୍ରାମୀ ନୀହାର ରଞ୍ଜନ ମଜୁମ୍ଦାର ଆରମ୍ଭ କରିଥିଲେ। ଏହାର ନାମ ‘ଦାମ ସର୍ବତ’। ଏହାକୁ ବର୍ତ୍ତମାନ ତାଙ୍କ ନାତି ପାର୍ଥ ପ୍ରତୀମ ମଜୁମ୍ଦାର ଚଳାଉଛନ୍ତି। ଏଠାରେ ସ୍ବାଧୀନତା ସଂଗ୍ରାମୀମାନେ ରହି ବୈଠକ କରିବା ସହ ସୁସ୍ବାଦୁ ପାନୀୟ ପିଉଥିଲେ ଓ ଖାଉଥିଲେ। ଏହା ମଧ୍ୟ ଥିତ୍ଲା ସଂଗ୍ରାମୀମାନଙ୍କର ଗୁପ୍ତସ୍ଥାନ। ଏବେ ସୁଦ୍ଧା ଭୋଜନାଳୟ ପଛରେ ବୈଠକର ଗୁପ୍ତ କୋଠରି ରହିଛି। ଅଦ୍ୟାବଧି ଭୋଜନାଳୟ ଲୋକମାନଙ୍କୁ ସୁସ୍ବାଦୁ ବ୍ୟଞ୍ଜନ ପରଷି ଆସୁଛି। କିନ୍ତୁ ଏଠାର ଆକର୍ଷଣ ହେଉଛି ବିଭିନ୍ନ ପ୍ରକାର ପାନୀୟ ବା ସର୍ବତ। ପ୍ରାୟ ୩୦ ପ୍ରକାର ପାନୀୟ ପ୍ରସ୍ତୁତ କରାଯାଉଛି। ଏହାବାଦ୍ ବିଭିନ୍ନ ଦୁଗ୍ଧଜାତୀୟ ଖାଦ୍ୟ ମଧ୍ୟ ମିଳୁଛି। ଖାଦ୍ୟ ଓ ପାନୀୟ ପାଇଁ ଲୋକମାନେ ଧାଡ଼ି ଲଗାଉଛନ୍ତି। ଏଠାକୁ ସୁଭାଷ ଚନ୍ଦ୍ର ବୋଷ ଓ ରବୀନ୍ଦ୍ରନାଥ ଠାକୁର ଆସିଥିଲେ । ଏହା ବ୍ୟତୀତ ସୁଚିତ୍ରା ସେନ୍, ପିସି ସରକାର, ସତ୍ୟଜିତ୍ ରାୟ,ଏସ୍.ଡି. ବର୍ମନଙ୍କ ପାଦ ମଧ୍ୟ ଏହି ଭୋଜନାଳୟରେ ପଡ଼ିଛି। ସେତେବେଳେ ଏହା ଯେମିତି ଥିତ୍ଲା ଏବେ ସେମିତି ରଖିବାକୁ ଚେଷ୍ଟା କରିଛନ୍ତି ପାର୍ଥ। ଭୋଜନାଳୟରେ ୧୦୦ ବର୍ଷ ତଳର ଚେୟାର ଓ ଟେବୁଲ ଶୋଭାପାଉଛି ଓ କାନ୍ଥରେ ପୁରୁଣା ଫଟୋଗୁଡ଼ିକ ବି ଝୁଲୁଛି।
