ଆଇଟି ଚାକିରି ଛାଡ଼ି ପାର୍ଥସାରଥୀ ନାରା ନିଜ ଅଞ୍ଚଳରେ କମ୍ୟୁନିଟି ଫାର୍ମିଂ ବା ଗୋଷ୍ଠୀଗତ କୃଷିର ବିକାଶ କରୁଛନ୍ତି। ନିଜର ୨୦ ଏକର ଫାର୍ମରୁ ବର୍ଷକୁ ସେ ୧ କୋଟି ଟଙ୍କା ବ୍ୟବସାୟ କରି ୧୨ ଲକ୍ଷ ଟଙ୍କା ପାଖାପାଖି ଲାଭ ପାଉଛନ୍ତି। ଆନ୍ଧ୍ରପ୍ରଦେଶର ଅନନ୍ତପୁର ଜିଲା ଉପନେସିନାପଲ୍ଲୀ ଗାଁରେ ପାର୍ଥସାରଥିଙ୍କ ଘର। ୨୦୦୧ରେ କମ୍ପ୍ୟୁଟର ସାଇନ୍ସରେ ଡିଗ୍ରୀ ହାସଲ କରିବା ପରେ ଚାଷ ଆରମ୍ଭ କରିଦେଇଥିଲେ। କିନ୍ତୁ ତା’ ଭିତରେ ତାଙ୍କୁ ଆମେରିକାରେ ଚାକିରି ମିଳିଥିଲା। ୨୦୦୮ରେ ଭାରତ ଫେରି ପୁଣି ଚାଷ ଆରମ୍ଭ କରିଥିଲେ। ସେ ତାଙ୍କ ଗାଁ ଆଖପାଖରେ ଋଣରେ ବୁଡ଼ିଥିବା ଚାଷୀମାନଙ୍କୁ ଉଦ୍ଧାର କରିବାକୁ କମ୍ୟୁନିଟି ଫାର୍ମିଂ ପଦ୍ଧତି ଆପଣାଇଛନ୍ତି। ୧୫୦ କୃଷକଙ୍କୁ ସେ ତାଙ୍କ ନେଟଓ୍ବର୍କରେ ଯୋଡ଼ି ସାରିଛନ୍ତି। ସେମାନଙ୍କୁ ସବୁପ୍ରକାର ସାହାଯ୍ୟ ଯୋଗାଉଛନ୍ତି ପାର୍ଥସାରଥି। ତାଙ୍କ ଗାଁର ୪୦ କି.ମି. ଭିତରେ କୃଷକମାନଙ୍କ ସଂଗଠିତ କରି ଉପତ୍ାଦ ବିକ୍ରିର ବ୍ୟବସ୍ଥା କରୁଛନ୍ତି। ଏବେ ତାଙ୍କ ମାର୍କେଟକୁ ବେଙ୍ଗାଲୁରକୁ ସମ୍ପ୍ରସାରଣ କରିଛନ୍ତି। ଏହାଦ୍ୱାରା ପାର୍ଥସାରଥିଙ୍କ ସମେତ ସବୁ ଚାଷୀ ଲକ୍ଷାଧିକ ଟଙ୍କା ରୋଜଗାର କରିବାକୁ ସକ୍ଷମ ହୋଇ ସେମାନେ ଋଣମୁକ୍ତ ହୋଇଛନ୍ତି।
