ଗାଁଗୁଡ଼ିକୁ ସ୍ମାର୍ଟ ସେବା ଓ ଇ-ବ୍ୟବସାୟ ସୁବିଧା ଯୋଗାଇ ଦେବା ଲାଗି ଦୁଇ ଛାତ୍ର ସୋଲାର ଇଲେକ୍ଟ୍ରିକ ଟ୍ରାଇସାଇକେଲ ବା ସୌର ବିଦ୍ୟୁତ୍ ଚାଳିତ ଟ୍ରଲି ନିର୍ମାଣ କରିଛନ୍ତି। ନିଖିଲ ମୁକ୍କାର ଏବଂ ହୋ ଜିଙ୍ଗ ଏନ୍ ଟ୍ରଲିିରେ ସ୍ମାର୍ଟ ସିଷ୍ଟମର ସୁବିଧା ରଖିଛନ୍ତି। ନିଖିଲଙ୍କ ଘର ଆନ୍ଧ୍ରପ୍ରଦେଶରେ। ସେ ସିଙ୍ଗାପୁରର ନାୟଙ୍ଗ ଟେକ୍ନୋଲୋଜି ୟୁନିଭର୍ସିଟିରେ ପଢ଼ିବା ସମୟରେ ହୋ ଜିଙ୍ଗଙ୍କ ସହ ଏହି ଟେକ୍ନୋଲୋଜି ବିକାଶ କରିଥିଲେ। ସ୍ମାର୍ଟ ଟ୍ରଲିିିକୁ ସେ ତାଙ୍କ ଗାଁ ଅନୁମପଲ୍ଲୀରେ ରଖିଛନ୍ତି। ଏଥିପାଇଁ ସେମାନେ ୯୫,୦୦୦ ଟଙ୍କା ଖର୍ଚ୍ଚ କରିଛନ୍ତି। ଏଥିତ୍ରେ ଉଭୟ ପେଡାଲ ଓ ମୋଟର ବ୍ୟବସ୍ଥା ରହିଛି ଓ ଏହାକୁ ସହଜରେ ବିଭିନ୍ନ ଗାଁକୁ ନିଆଯାଇପାରୁଛି। ଥରେ ମୋଟର ଚାର୍ଜ ହେଲେ ଏହା ୩୫ କି.ମି. ଯାଇପାରୁଛି । ପ୍ରତିମାସରେ ଦୁର୍ଗମ ଗାଁଗୁଡ଼ିକରୁ ପାଖାପାଖି ୮୦୦ ଲୋକ ଏହାଦ୍ୱାରା ଉପକୃତ ହେଉଛନ୍ତି। ସ୍ମାର୍ଟ ଟ୍ରଲିକୁ ସେମାନେ ବିଭିନ୍ନ ଗାଁକୁ ନେଉଛନ୍ତି। ଏଥିରୁ ଲୋକମାନେ ସରକାରୀ ଯୋଜନା ସମ୍ପର୍କରେ ଜାଣିପାରୁଛନ୍ତି। ସେମାନେ ଟଙ୍କା ଉଠାଇବା ଓ ଦେବା କାର୍ଯ୍ୟ ସୁରୁଖୁରୁରେ କରୁଛନ୍ତି।
