ଦେଶରେ ବାଛବିଚାରର ଶିକାର ହେଉଥିବା ଟ୍ରାନ୍ସ ଓମେନଙ୍କୁ ଲୋକମାନେ ବିଭିନ୍ନ କାର୍ଯ୍ୟରେ ନିଯୁକ୍ତି ଦେବା ଲାଗି ଅମଙ୍ଗ ହେଉଥିବାବେଳେ କେରଳରେ ଏମାନେ ଏକ କ୍ୟାଣ୍ଟିନ କରି ଆମତ୍ ନିଯୁକ୍ତିର ବାର୍ତ୍ତା ଦେଇଛନ୍ତି। ୧୦ ଜଣ ଟ୍ରାନ୍ସ ଓମେନ ଲାକ୍କଡରେ ଓରୁମା କ୍ୟାଣ୍ଟିନକୁ ଚଳାଉଛନ୍ତି। ୨୦୧୯ ଡିସେମ୍ବରରେ ସେମାନେ ଏହି କ୍ୟାଣ୍ଟିନ ଆରମ୍ଭ କରିଥିଲେ। କରୋନା ମହାମାରୀ ଯୋଗୁ କ୍ଷତି ସହି ମଧ୍ୟ ଏହାକୁ ଏବେ ଚଳାଉଛନ୍ତି। ସକାଳ ୧୦ଟାରେ ସେମାନେ କାମ ଆରମ୍ଭ କରୁଛନ୍ତି। କ୍ୟାଣ୍ଟିନ ବନ୍ଦ କରୁଛନ୍ତି ସନ୍ଧ୍ୟା ୬ଟାରେ। ବ୍ରେକ୍ଫାଷ୍ଟ, ଲଞ୍ଚ ଓ ସ୍ନାକ୍ସ ପ୍ରସ୍ତୁତ କରୁଛନ୍ତି। ସେମାନେ ଏହି କ୍ୟାଣ୍ଟିନକୁ ଓପନ ଷ୍ଟାଇଲ୍ରେ ନିର୍ମାଣ କରିଛନ୍ତି, ଯାହା ଫଳରେ ଗ୍ରାହକମାନେ ସେମାନଙ୍କ ଖାଦ୍ୟ ପ୍ରସ୍ତୁତିର ପ୍ରଣାଳୀ ଦେଖିବା ସହ ଖାଦ୍ୟରେ ଯାହା ଉପଯୋଗ କରୁଛନ୍ତି ତାହା ମଧ୍ୟ ଜାଣିପାରୁଛନ୍ତି। ଖାଦ୍ୟ ପାଇଁ ଆବଶ୍ୟକ ମସଲା ଓ ଅନ୍ୟ ଉପକରଣ ବାହାରୁ ନ କିଣି ସେମାନେ ନିଜେ ପ୍ରସ୍ତୁତ କରୁଛନ୍ତି। ଏହାଦ୍ୱାରା ସେମାନଙ୍କ ଖାଦ୍ୟର ଚାହିଦା ଭଲ ରହିଛି। ଏହି ୧୦ ଜଣ ଟ୍ରାନ୍ସ ଓମେନ କେରଳ ସରକାରଙ୍କ ଦାରଦ୍ର୍ୟ ଦୂରୀକରଣ ଯୋଜନା କୁଡୁମ୍ବଶ୍ରୀ ଅଧୀନରେ ପ୍ରଶିକ୍ଷଣ ନେଇଛନ୍ତି। କ୍ୟାଣ୍ଟିନ କରିବା ଲାଗି ପାଲାକ୍କଡ ଜିଲା ପ୍ରଶାସନ ସେମାନଙ୍କୁ ଜାଗା ବି ଦେଇଛି। ଏବେ ପ୍ରତିଦିନ ୯,୦୦୦ରୁ ୧୦,୦୦୦ ଟଙ୍କାର ଖାଦ୍ୟ ବିକ୍ରି କରୁଛନ୍ତି ବୋଲି କହିଛନ୍ତି କ୍ୟାଣ୍ଟିନର ମୁଖ୍ୟ ମୀରା।
