ଏଇ ଭାରତରେ
7:01 amJune 28, 2021June 28, 2021 / 21

ଦୃଢ଼ ଇଚ୍ଛାଶକ୍ତି ଓ ନିରନ୍ତର ପ୍ରୟାସ ଦ୍ୱାରା ସବୁ ସମ୍ଭବ। ଯାହା ପ୍ରମାଣିତ ହୋଇଛି ଋତ୍ୱିକ ଭଟ୍ଟାଚାର୍ଯ୍ୟଙ୍କ କ୍ଷେତ୍ରରେ। ଜଣେ ପ୍ରତିଷ୍ଠିତ ସ୍କ୍ବାଶ୍‌ ଖେଳାଳି ଭାବେ ବହୁ ଖ୍ୟାତି ଅର୍ଜନ କରିବା ପରେ ଆଦିବାସୀ ପିଲାମାନଙ୍କୁ ଏହି ଖେଳ ପ୍ରତି ଆକୃଷ୍ଟ କରିବାକୁ ଉଦ୍ୟମ କରିଛନ୍ତି ା ସେ ମହାରାଷ୍ଟ୍ରର ରାୟଗଡ ବ୍ଲକର କାଲୋଟେ-ମୋକ୍ଷୀ ଗାଁରେ ଏକ ଏକାଡେମୀ ଗଠନ କରି ସେଠାକାର ପିଲାମାନଙ୍କୁ ପ୍ରଶିକ୍ଷଣ ଦେଉଛନ୍ତି। ଏହି ଗଁାର ଲୋକ ସଂଖ୍ୟା ୨୦୦୦। ଗଁା ପିଲାମାନଙ୍କର ଆଗ୍ରହ ଦେଖି ଆଖପାଖ ଅଞ୍ଚଳର ପିଲାମାନେ ବି ଏଠାରେ ପ୍ରଶିକ୍ଷଣ ନେଉଛନ୍ତି। ମୋଟ ପ୍ରଶିକ୍ଷଣ ନେଉଥିବା ୨୦୦ ପିଲାଙ୍କ ମଧ୍ୟରୁ କାଲୋଟେ-ମୋକ୍ଷୀର ୧୦୦ ଜଣ ଅଛନ୍ତି। ପଢିବା ସମୟକୁ ଛାଡିଦେଲେ ଯେ କୌଣସି ସମୟରେ ପିଲାମାନେ ଏଠାକୁ ଆସୁଛନ୍ତି। ଭୋର ୩ଟାରୁ ରାତି ୧୧ଟା ଯାଏ ଏହା ଖୋଲା ରହୁଛି ା ଗରିବ ପିଲାଙ୍କୁ ଏଥିପାଇଁ କୌଣସି ଦେୟ ଦେବାକୁ ପଡୁନି ା କେବଳ ସ୍କ୍ବାଶ୍‌ ନୁହେଁ ଫୁଟବଲ ଓ ଅନ୍ୟ ଖେଳ ଉପରେ ମଧ୍ୟ ପ୍ରଶିକ୍ଷଣ ଦେବା ଲାଗି ଋତ୍ୱିକ ବ୍ୟବସ୍ଥା କରିଛନ୍ତି ା ଏହି ସବୁ ଖେଳରେ ତାଙ୍କ ଏକାଡେମୀ ପିଲାମାନେ ରାଜ୍ୟ ଓ ଜାତୀୟ ସ୍ତରରେ ଖୁବ୍‌ ଭଲ ପ୍ରଦର୍ଶନ କରୁଛନ୍ତି। ଏବେ କାଲୋଟ-ମୋକ୍ଷୀ ଗଁା କ୍ୱାଶ କ୍ୟାପିଟାଲ ପାଲଟିଯାଇଛି। ଋତ୍ୱିକ ମଧ୍ୟ ଆଦିବାସୀମାନଙ୍କ ସାମାଜିକ ଓ ଅର୍ଥନୈତିକ ବିକାଶ ଲାଗି କାର୍ଯ୍ୟ କରୁଛନ୍ତି। ତାଙ୍କ ଏକାଡେମୀର ନାମ ରଖିଛନ୍ତି ସ୍କ୍ବାଶ ଟେମ୍ପଲ ଆଣ୍ଡ ରୟାଲ ଟ୍ରେନିଂ ଏକାଡେମୀ। ବାସ୍ତବରେ ଏହି ଏକାଡେମୀ ଗରିବ ଆଦିବାସୀ ପିଲାଙ୍କ ପାଇଁ ଏକ ମନ୍ଦିର ହୋଇଯାଇଛି। ଏବେ ସୁଦ୍ଧା ଏଠାରୁ ବିଭିନ୍ନ ଖେଳରେ ୪୦ରୁ ଊର୍ଦ୍ଧ୍ୱ ପିଲା ଜାତୀୟ ସ୍ତରରେ ପ୍ରତିନିଧିତ୍ୱ କରିସାରିଲେଣି। ମୁଖ୍ୟତଃ ସ୍କ୍ବାଶରୁ ଅଧିକ ପିଲା ସେମାନଙ୍କ ପ୍ରତିଭା ପ୍ରଦର୍ଶନ କରିଛନ୍ତି।