ବାଉଁଶରେ ତିଆରି ଟିଫିନ୍ ବକ୍ସ କଥା ଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ସତ। ମଣିପୁରର ଜିଙ୍ଗଖାଁପଉ ତିଆରି କରୁଛନ୍ତି ଏମିତିକା ଟିିଫିନ ବକ୍ସ। ଶୁଖିଲା ଓ ରନ୍ଧା ଖାଦ୍ୟକୁ ଏଥିରେ ଗରମ କିମ୍ବା ଥଣ୍ଡା ରଖିବା ଲାଗି ବି ପୃଥକ୍ ବ୍ୟବସ୍ଥା ରହିଛି। ଦ୍ୱାଦଶ ପାସ୍ କରିବା ପରେ ଜିଙ୍ଗଖାଁପଉ ବାଉଁଶରେ ବିଭିନ୍ନ ସାମଗ୍ରୀ ତିଆରି କରିବା ଆରମ୍ଭ କରିଥିଲେ। କଲମ ଓ ପାଣି ବୋତଲ ପରେ ଏବେ ଟିଫିନ ବକ୍ସ ତିଆରି କରିବାରେ ସଫଳ ହୋଇଛନ୍ତି। ସେ ଚୌରାଚନ୍ଦ୍ରପୁର ଜିଲା ଲମ୍ବକା ଟାଉନ୍ରେ ‘ଜୁଗମ୍ ବାମ୍ବୋ ଓ୍ବାର୍କ୍ସ’ ଷ୍ଟାର୍ଟଅପ୍ ଆରମ୍ଭ କରି ଏହା ତିଆରି କରୁଛନ୍ତି। ପରେ ୨୦୧୭ରେ ତାଙ୍କର ଜଣେ ବନ୍ଧୁ ଗୋଲାନ ନୌଲକ୍ ତାଙ୍କ ସହ ଯୋଗ ଦେଇଥିଲେ। ଏବେ ସେ ଏହି କାର୍ଯ୍ୟରେ ୫ ଜଣଙ୍କୁ ନିଯୁକ୍ତି ଦେଇଛନ୍ତି। ଟିଫିନ୍ ବକ୍ସରେ ପ୍ରାକୃତିକ ଉପତ୍ାଦ ବ୍ୟବହାର କରାଯାଉଛି ବୋଲି କହନ୍ତି ୨୭ ବର୍ଷୀୟ ଜିଙ୍ଗଖାଁପଉ। ଅନ୍ଲାଇନରେ ଏବେ ଅଧିକରୁ ଅଧିକ ଅର୍ଡର ପାଉଛନ୍ତି। ତିନିଥାକିଆ ଟିଫିନ ବକ୍ସର ପ୍ରତି ଥାକକୁ ବନ୍ଦ କରିବା ଲାଗି ଲକ୍ ସିଷ୍ଟମ ରହିଛି। ଏହାଦ୍ୱାରା ଏଥିରୁ ସହଜରେ ଖାଦ୍ୟ ଲିକ୍ ହେଉନି। ଦୁଇ ପ୍ରକାର ବକ୍ସ ତିଆରି ହେଉଛିି। ଗୋଟିକରେ ରହୁଛି ଶୁଖିଲା ଖାଦ୍ୟ ଓ ଏହାର ମୂଲ୍ୟ ରହିଛି ୫୯୯ ଟଙ୍କା। ସେହିଭଳି ରନ୍ଧା ଖାଦ୍ୟ ରହୁଥିବା ଟିଫିନର ଦାମ୍ ୭୯୯ ଟଙ୍କା। ମଣିପୁରର ସେମିଲୁଙ୍ଗ ନାମକ ବ୍ୟକ୍ତି ପ୍ରଥମେ ଏହିି ଟିଫିନ ବକ୍ସ କିଣିଛନ୍ତି। ଏହାର କାରିଗରି ଉପରେ ସେ ଆଶ୍ଚର୍ଯ୍ୟପ୍ରକଟ କରିଛନ୍ତି।
