କିଶୋର ବୟସରେ ସ୍ବପ୍ନକୁ ସାକାର କରିବାରେ ଅରଣ୍ୟୋ ରାୟ ଏକ ଦୃଷ୍ଟାନ୍ତ। ତାଙ୍କ ଦ୍ୱାରା ପ୍ରସ୍ତୁତ କୀଟନାଶକ କୃଷି ଓ କୃଷକଙ୍କୁୁ ବେଶ୍ ଲାଭ ପହଞ୍ଚାଇଛି। ଅରଣ୍ୟୋଙ୍କ ବୟସ ୧୬ ଓ ସେ ହାଇସ୍କୁଲରେ ପଢୁଛନ୍ତି। ରହୁଛନ୍ତି କୋଲକାତା ନିକଟସ୍ଥ ବରସାତ ସହରରେ। ସେ ଝୋଟ ଚାଷୀମାନଙ୍କ ପାଇଁ ପ୍ରସ୍ତୁତ କରିଛନ୍ତି ଏକ ପ୍ରକାର କୀଟନାଶକ (ନାନୋ ପେଷ୍ଟିସାଇଡ୍ସ)।
ଏହା ପରିବେଶକୁ ପ୍ରଭାବିତ କରୁନାହିଁ କିି କୃଷକମାନଙ୍କର କୌଣସି ସ୍ବାସ୍ଥ୍ୟଗତ ସମସ୍ୟା ସୃଷ୍ଟି କରୁନାହିଁ। ଏହି ପରିବେଶ ଉପଯୋଗୀ କୀଟନାଶକ ଉପଯୋଗ କରି ୧,୦୦୦ ଝୋଟ ଚାଷୀ ଉପକୃତ ହେଉଛନ୍ତି। ଉକ୍ତ କୀଟନାଶକ ଦ୍ୱାରା ସେମାନେ ଅଧିତ୍ତ୍କ ଅମଳ କରୁଛନ୍ତି, ଯାହାଦ୍ୱାରା ସେମାନଙ୍କ ଆର୍ଥିକ ସ୍ଥିତି ମଜଭୁତ ହୋଇପାରିଛି। ଅରଣ୍ୟୋ ମଧ୍ୟ ‘ନାନୋସାଇଡ’ ସଂସ୍ଥା ପ୍ରତିଷ୍ଠା କରି ଏହା ମାଧ୍ୟମରେ କୃଷକମାନଙ୍କୁ ଅନ୍ୟାନ୍ୟ ସହାୟତା ଯୋଗାଇ ଦେଉଛନ୍ତି। ସେ ସାମାଜିକ ଗଣମାଧ୍ୟମ ଜରିଆରେ ଚାଷୀମାନଙ୍କୁ କୀଟନାଶକର ପ୍ରଭାବ ସମ୍ପର୍କରେ ସଚେତନ କରୁଛନ୍ତି। ପ୍ରାୟ ୨୦୦ କୃଷକ ପରିବାର ‘ନାନୋସାଇଡ’ ସହ ଯୋଡ଼ି ହୋଇସାରିଲେଣି। ୨୦୧୯ରେ ତାଙ୍କ ପ୍ରସ୍ତୁତ କୀଟନାଶକର କ୍ଷେତ୍ର ପରୀକ୍ଷା ଶେଷ ହେବା ପରେ ତାହାକୁ ବ୍ୟବହାର ଯୋଗ୍ୟ ବୋଲି ଘୋଷଣା କରାଯାଇଥିଲା।
