ନୂଆଦିଲ୍ଲୀ, ୨୪।୯ : ଭାରତୀୟ ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ ଥାଇଲାଣ୍ଡରେ ଲାଭଜନକ ଆଇଟି କ୍ଷେତ୍ରରେ ଚାକିରି ଯୋଗାଇବାର ବାହାନା କରି ଭାରତୀୟ ଯୁବବର୍ଗଙ୍କୁ ନକଲି ଅଫର ପ୍ରଦାନ କରାଯାଉଥିବା ନେଇ ଉପରେ ଏକଆଡଭାଇଜରୀ ଜାରି କରିଛି। ବହିର୍ବ୍ୟାପାର ମନ୍ତ୍ରଣାଳୟ କହିଛି ଯେ ଆଇଟି କ୍ଷେତ୍ର ସହ ଜଡିତ ଭାରତୀୟ ଯୁବବର୍ଗମାନଙ୍କୁ ସୋସିଆଲ ମିଡିଆ ବିଜ୍ଞାପନ ମାଧ୍ୟମରେ ଦୁବାଇ ଏବଂ ଭାରତରେ ଅବସ୍ଥିତ ଏଜେଣ୍ଟମାନଙ୍କ ଦ୍ୱାରା ଥାଇଲାଣ୍ଡରେ ଚାକିରିର ଆକର୍ଷଣୀୟ ଅଫର ଦେଇ ପ୍ରତାରଣା କରୁଛନ୍ତି।
ଥାଇଲାଣ୍ଡରେ ଡିଜିଟାଲ ସେଲ୍ ଏବଂ ମାର୍କେଟିଂ କାର୍ଯ୍ୟନିର୍ବାହୀ ପଦବୀ ପ୍ରଦାନ କରୁଥିବା ଏକ ନକଲି ଚାକିରି ର଼୍ୟାକେଟ କଲ୍ ସେଣ୍ଟର ସ୍କାମ ଏବଂ କ୍ରିପ୍ଟୋ-ମୁଦ୍ରା ଠକେଇରେ ଜଡିତ। ବ୍ୟାଙ୍କକ ଏବଂ ମ୍ୟାନମାରରେ ଭାରତୀୟ ଦୂତାବାସ ପକ୍ଷରୁ ଏଭଳି ସୂଚନା ମିଳିଥିବା ବହିର୍ବ୍ୟାପାର ମନ୍ତ୍ରଣାଳୟ କହିଛି।
ମନ୍ତ୍ରଣାଳୟର କହିବାନୁସାରେ, ଏହି ରାକେଟରେ ସମ୍ପୃକ୍ତ ପୀଡ଼ିତଙ୍କୁ ବେଆଇନ ଭାବେ ସୀମା ପାର କରି ମ୍ୟାନମାରକୁ ନିଆଯାଇଥିବା ଅଭିଯୋଗ ହୋଇଛି ଏବଂ ସେଠାରେ ସେମାନଙ୍କଚ ବନ୍ଦୀ ଅବସ୍ଥାରେ କଠିନ ଏବଂ ବିପଦପୂର୍ଣ୍ଣ ପରିବେଶରେ କାମ କରିବାକୁ ବାଧ୍ୟ ହେଉଛନ୍ତି। ତେଣୁ ଭାରତୀୟ ନାଗରିକମାନଙ୍କୁ ଏ ସମ୍ପର୍କରେ ପରାମର୍ଶ ଦିଆଯାଉଛି। ସୋସିଆଲ ମିଡିଆ ପ୍ଲାଟଫର୍ମ କିମ୍ବା ଅନ୍ୟାନ୍ୟ ଉତ୍ସ ମାଧ୍ୟମରେ ଦିଆଯାଉଥିବା ଏପରି ନକଲି ଚାକିରି ଅଫରର ଶିକାର ହୁଅ ନାହିଁ। କୌଣସି ଚାକିରି ଅଫର ଗ୍ରହଣ କରିବା ପୂର୍ବରୁ ବିଦେଶରେ ଥିବା ସମ୍ପୃକ୍ତ ଭାରତୀୟ ଦୂତାବାସ ମାଧ୍ୟମରେ ବିଦେଶୀ ନିଯୁକ୍ତିଦାତାଙ୍କ ପରିଚୟପତ୍ର ଯାଞ୍ଚ କରିବାକୁ ଭାରତୀୟମାନଙ୍କୁ ପରାମର୍ଶ ଦିଆଯାଇଛି।
ବାସ୍ତବରେ, ଏହିପରି ଠକେଇର ଶିକାର ହୋଇଥିବା ୩୦ ଜଣ ଭାରତୀୟଙ୍କୁ ମ୍ୟାନମାରରୁ ଉଦ୍ଧାର କରାଯାଇଥିଲା। ବହିର୍ବ୍ୟାପାର ମନ୍ତ୍ରଣାଳୟ ଏକ ଭିଡିଓ ପାଇବା ପରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି ଭିଡିଓକୁ ତାମିଲନାଡୁର ଯୁବକମାନେ ପଠାଇଛନ୍ତି। ଏଥିରେ ଜଣେ ଭାରତୀୟ ଯୁବକ ତାଙ୍କ ଅବସ୍ଥା ବିଷୟରେ କହିଥିଲେ ଯେ ସେମାନଙ୍କୁ ଚାକିରି ନାମରେ ବନ୍ଦୀ କରାଯାଇଛି। ଏହି ଭିଡିଓ ସାମ୍ନାକୁ ଆସିବା ପରେ ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚିଠି ଲେଖି ଏହି ପ୍ରସଙ୍ଗରେ ବହିର୍ବ୍ୟାପାର ମନ୍ତ୍ରଣାଳୟର ହସ୍ତକ୍ଷେପ ଲୋଡିଥିଲେ। ଏହା ପରେ ବହିର୍ବ୍ୟାପାର ମନ୍ତ୍ରଣାଳୟ ସମ୍ପୃକ୍ତ ଯୁବବର୍ଗଙ୍କୁ ଉଦ୍ଧାର କରଥିଲେ।
