ଯାଜପୁରରେ ବିକାଶ ନାଁରେ ୩ ପରିବାରର ଲୁଟ୍‌ ପ୍ରସଙ୍ଗ:ଜୋର୍‌ ଧରିଛି ଆରୋପ ପ୍ରତ୍ୟାରୋପ

ଯାଜପୁର,୫ା୧୦(ହର୍ଷବର୍ଦ୍ଧନ ବେହେରା):ଯାଜପୁର ଜିଲାରେ ବିକାଶ ନାମରେ ୩ ପରିବାର ଲୁଟ୍‌ କରିଥିବା ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ମନ୍ତବ୍ୟ ପରେ ଉଭୟ ବିଜେଡି ଓ ଭାଜପା ମଧ୍ୟରେ ଆରୋପ ଏବଂ ପ୍ରତ୍ୟାରୋପ ଜୋର ଧରିଛି। ମୁଖ୍ୟମନ୍ତ୍ରୀ ମାଝୀ ୩ ପରିବାରଙ୍କ ନାମ ନେଇ ନ ଥିଲେ ସୁଦ୍ଧା ତାଙ୍କୁ ସୁକିନ୍ଦା ବ୍ଲକର ନଗଡ଼ା ବୁଲି ଆସି ବିକାଶର ଚିତ୍ର ଦେଖିବାକୁ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡେଇ ଆହ୍ବାନ ଦେଇଛନ୍ତି। ତେବେ ଏହି ଆହ୍ବାନ ଉପରେ ବରିଷ୍ଠ ଭାଜପା ନେତା ଚନ୍ଦ୍ରଶେଖର ପଣ୍ଡା କହିଛନ୍ତି, ୨୦୧୬ରେ ନଗଡ଼ାରେ ଅପପୁଷ୍ଟି କାରଣରୁ ୧୫ରୁ ଊର୍ଦ୍ଧ୍ୱ ଶିଶୁଙ୍କ ଜୀବନ ଯିବାପରେ ନିଜର ଦୋଷ ଦୁର୍ବଳତାକୁ ଲୁଚାଇବାକୁ ଯାଇ ବିକାଶ ପ୍ରକ୍ରିୟାକୁ ତ୍ୱରାନ୍ବିତ କରାଯାଇଛି ସତ। କିନ୍ତୁ ନଗଡ଼ାର ବାମ ଓ ଡାହାଣ ପାର୍ଶ୍ୱ ଗ୍ରାମ ତୁମୁଣି, ତଳଡିହ ଓ ଗୁହିଆଶାଳ ଗ୍ରାମବାସୀଙ୍କ ଜୀବନଧାରଣର ମାନ ଏବେ ବି ବହୁପଛରେ ରହିଛି। ପାହାଡ଼ ଶୀର୍ଷରେ ଥିବା ଏହି ଗ୍ରାମଗୁଡ଼ିକୁ ବିଜେଡି ସରକାର ସମୟରେ କାହିଁକି ବିକାଶ ପହଞ୍ଚିପାରିଲା ନାହିଁ ବୋଲି ସେ ପ୍ରଶ୍ନ କରିଛନ୍ତି। ଡିଏମ୍‌ଏଫ୍‌ ପାଣ୍ଠିର ଦୁରୁପଯୋଗ ହୋଇଛି। ଏଯାଏ ଉପଯୁକ୍ତ ଚିକିତ୍ସା ସୁବିଧା ପାଇବାରୁ ଅଞ୍ଚଳବାସୀ ବଞ୍ଚିତ ରହିଛନ୍ତି ବୋଲି ସେ ଆହୁରି ମତ ରଖିଛନ୍ତି।
ଜିଲା ବିଜେଡି ମହିଳା ସଭାନେତ୍ରୀ ସବିତା ରାଉତ କହିଛନ୍ତି, ଯାଜପୁର ଜିଲା ସାରା ବିକାଶ ଓଡ଼ିଶା ଦେଖୁଛି। ସେଥିମଧ୍ୟରୁ ମେଡିକାଲ କଲେଜ ଅନ୍ୟତମ। ବିରଜା ମନ୍ଦିରର ଉନ୍ନତୀକରଣ ଓ ସୌନ୍ଦର୍ଯ୍ୟକରଣ କାର୍ଯ୍ୟ ବହୁତ ସୁନ୍ଦର ହୋଇଛି। ନଗଡ଼ାର ବିକାଶ କଥା ଯଦି କହିବା ତେବେ ସେଠାକୁ ଶିକ୍ଷା, ସ୍ବାସ୍ଥ୍ୟ, ଗମନାଗମନ, ବିଜୁଳି ଇତ୍ୟାଦି ପହଞ୍ଚିସାରିଛି। ଅପପୁଷ୍ଟି ଦୂରେଇ ଯାଇଛି। ତେଣୁ ମୁଖ୍ୟମନ୍ତ୍ରୀଙ୍କ ମନ୍ତବ୍ୟ ଭିତ୍ତିହୀନ। ତେଣୁ କୌଣସି ନକାରାତ୍ମକ ମନ୍ତବ୍ୟ ନ ଦେଇ ଯେଉଁସବୁ କାର୍ଯ୍ୟ ବାକି ଅଛି, ସେହିସବୁକୁ ଏବର ସରକାର ପୂରଣ କରିବାର କଥା ବୋଲି ରାଉତ କହିଛନ୍ତି।
ଜିଲା କଂଗ୍ରେସ ସଭାପତି ମନୋଜ କୁମାର ରାଉତ କହିଛନ୍ତି, ବିଜେଡି ଓ ଭାଜପା ସରକାର ଗୋଟିଏ ମୁଦ୍ରାର ଦୁଇ ପାର୍ଶ୍ୱ। ୨୪ ବର୍ଷର ନବୀନ ସରକାରଙ୍କ ମଧ୍ୟରେ ଭାଜପା ଓ ବିଜେଡି ୯ ବର୍ଷ ମିଳିମିଶି ଶାସନ କରିଥିଲା। ଗତ ୫ ବର୍ଷର ନବୀନ ଶାସନକୁ ଦେଖିଲେ କେନ୍ଦ୍ର ସରକାରଙ୍କୁ ବିଜେଡି ସମସ୍ତ କ୍ଷେତ୍ରରେ ସହଯୋଗ କରିଆସୁଥିଲା। ଏବେ ଯେଉଁ ବୟାନବାଜି ଚାଲିଛି ସେହିସବୁ କେବଳ ଲୋକଦେଖାଣିଆ। ବାସ୍ତବରେ ସୁକିନ୍ଦା ଅଞ୍ଚଳର ତୁମୁଣି, ଗୁହିଆଶାଳ, ତଳଡିହ ପ୍ରଭୃତି ଗ୍ରାମର ବିକାଶ ପାଇଁ କାହାରି ଆଗ୍ରହ ନାହିଁ। ଯେଉଁ କିଛି ବିକାଶ ହୋଇଛି ସେସବୁ କେବଳ କଂଗ୍ରେସ ଶାସନ ସମୟରେ ହୋଇଥିଲା। ବର୍ତ୍ତମାନର ଭାଜପା ବିଧାୟକ କେବଳ ବ୍ୟବସାୟରେ ମାତିଛନ୍ତି। ତାଙ୍କର ସମ୍ପର୍କୀୟମାନେ କିଭଳି ଖଣି ଲିଜ୍‌ ପାଇବେ ସେଥିପାଇଁ ଲାଗି ପଡ଼ିଛନ୍ତି। ଏକ ବଡ଼ ସରକାରୀ ଖଣି କମ୍ପାନୀକୁ ଭାଜପାର ପାର୍ଟି ଅଫିସ ଭାବେ ବ୍ୟବହାର କରୁଛନ୍ତି। ଲୋକଙ୍କ ବିକାଶ ପାଇଁ କେବଳ କୁମ୍ଭୀର କାନ୍ଦଣା କାନ୍ଦୁଛନ୍ତି।
ସରକାରୀ ଏବଂ ରାଜନୈତିକସ୍ତରରେ ନିଜର ବାହୁସ୍ଫୋଟ ମାରିବା ପାଇଁ କେବଳ ନଗଡ଼ାକୁ କେନ୍ଦ୍ରୀଭୂତ କରି ପାର୍ଶ୍ୱ ଅଞ୍ଚଳ ପ୍ରତି ଆଖି ବୁଜିଦେବା ବିିକାଶ ପ୍ରତି ଅଣଦେଖା ବୋଲି ଭାଜପା ଓ କଂଗ୍ରେସ ନେତାମାନେ ମତପ୍ରକାଶ କରିଛନ୍ତି। ବିକାଶ ହେଲେ କେତେଜଣ ପ୍ରଭାବଶାଳୀ ନେତାଙ୍କ ପାଇଁ ବିପଦ ହୋଇପାରେ ବୋଲି ଏଭଳି ଜାଣିଶୁଣି ଦଶନ୍ଧି ଧରି ଅବହେଳା କରାଯାଇଥିବା ସେମାନେ କହୁଛନ୍ତି।
ସାମାଜିକ କର୍ମୀ ମଣ୍ଟୁ ଦାସ କହିଛନ୍ତି ତୁମୁଣି, ତଳଡ଼ିହ ଓ ଗୁହିଆଶାଳ ଗ୍ରାମବାସୀ ପାଦଚଲା ରାସ୍ତାରେ ଏବେବି ଯିବା ଆସିବା କରୁଛନ୍ତି। କୌଣସି କାର୍ଯ୍ୟରେ ପାହାଡ଼ ପାଦଦେଶକୁ ଆସିଲେ ସେହି ଦିନ ପୁଣି ନିଜ ଗ୍ରାମକୁ ଫେରିବା କଷ୍ଟକର ହୋଇପଡୁଛି। ପୁଣି ବନ୍ୟପ୍ରାଣୀଙ୍କ ଭୟ ରହୁଛି। ଗୁହିଆଶାଳରେ କେତେଜଣ ଛାତ୍ରୀଛାତ୍ର ମାଟ୍ରିକ ପାସ କରିଛନ୍ତି। କିନ୍ତୁ ସେମାନଙ୍କୁ ଆଉ ଉଚ୍ଚଶିକ୍ଷା ଗ୍ରହଣ କରିବାକୁ ପ୍ରୋତ୍ସାହନ କିମ୍ବା ସୁବିଧା ମିଳିପାରୁନାହିଁ। ପାହାଡ଼ ଶୀର୍ଷରେ ଏହି ଅବହେଳିତ ଗ୍ରାମଗୁଡିକର ପରିସ୍ଥିତି କ୍ରମଶଃ ଆହୁରି ସଙ୍ଗିନ ହୋଇ ପଡୁଛି ବୋଲି ଦାସ କହିଛନ୍ତି।
ସୂଚନାଥାଉ କି, ନଗଡ଼ାରେ ପୁଷ୍ଟିହୀନତାର ଶିକାର ଶିଶୁମୃତ୍ୟୁ ଘଟଣାକୁ ପାଖାପାଖି ୮ ବର୍ଷ ଅତିକ୍ରାନ୍ତ ହୋଇଛି। ଇତିମଧ୍ୟରେ ନଗଡ଼ା ମୌଜାର ସାମଗ୍ରିକ ବିକାଶ ନିମନ୍ତେ ପ୍ରାୟ ୧୩ କୋଟି ଟଙ୍କା ଖର୍ଚ୍ଚ କରି ପାହାଡ଼ ଚିରି ରାସ୍ତା ନିର୍ମାଣ ହୋଇଛି। କିନ୍ତୁ ନଗଡ଼ାଠାରୁ ୨.୭ କିମି ଦୂର ବାମପାର୍ଶ୍ୱରେ ଥିବା ତୁମୁଣି ଗ୍ରାମକୁ ଏଯାଏ ରାସ୍ତା ନିର୍ମାଣ ହୋଇ ପାରିନାହିଁ। ତୁମୁଣି ଗଁାଟି ପାହାଡ଼ ଶିଖରର ସମତଳ ଭୂମିରେ ରହିଛି। ଭଲ ରାସ୍ତା ନ ଥିବାରୁ ସେଠାରେ ସରକାରୀ ସୁବିଧା ସୁଯୋଗ ଅପହଞ୍ଚ ରହିଛି। ଏବେ ବି ମାତୃ ମୃତ୍ୟୁହାର ଓ ଶିଶୁ ଅପପୁଷ୍ଟିରେ ଲଗାମ ଲାଗିପାରିନାହିଁ। ଅନୁରୂପ ପରିସ୍ଥିତି ଦେଖାଦେଇଛି ନଗଡା ଡାହାଣ ପାର୍ଶ୍ୱ ୩ କି.ମି. ଦୂର ଗୁହିଆଶାଳ ଓ ତଳଡିହ ଗ୍ରାମରେ। ସୁକିନ୍ଦା ନିର୍ବାଚନମଣ୍ଡଳୀରୁ ବିଭିନ୍ନ ସମୟରେ ପ୍ରତିନିଧିତ୍ୱ କରୁଥିବା ନେତାଙ୍କ ଦୁର୍ବଳ ନେତୃତ୍ୱ ତୁମୁଣି ତଳଡିହ ଏବଂ ଗୁହିଆଶାଳ ଗ୍ରାମରେ ସ୍ପଷ୍ଟ ପ୍ରତିଫଳିତ ହେଉଛି ବୋଲି କେତେଜଣ ମତ ଦେଉଛନ୍ତି।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?