ମଧୁର ସମ୍ପର୍କ ଅନ୍ତରାଳେ…

ମିଛ, ସବୁ କଥାରେ ଯେମିତି ସ୍ପଷ୍ଟ ବାରିହୁଏ ମିଛକୁ। ହେଲେ ଇଏ ଏମିତି ଏକ ମିଛ ଯାହା ସମ୍ପର୍କକୁ ନିବିଡ଼ କରିଥାଏ, ଆଉ ସମସ୍ତଙ୍କୁ ଏକାଠି କରି ରଖିଥାଏ ତା’ ମୋହର ଶିକୁଳିରେ। ମିଠା ଏଇ ମିଛ, ଶିଖାଇଥାଏ ତ୍ୟାଗ ଓ ଭଲପାଇବା।
କାହାକୁ କେତେବେଳେ କେମିତି ମିଛ କହି ନିଜର କରିହେବ ସେଇ କଳାରେ ନିପୁଣ ହୋଇ ଗୃହିଣୀମାନେ ବେଶ୍‌ ସହଜରେ ଚଲାଇଥାନ୍ତି ସଂସାର ରଥ…

କେତେବେଳେ ଜୀବନ ସାଥୀଙ୍କ ପାଖରେ ତ କେବେ ପରିବାରର ଅନ୍ୟ ଗୁରୁଜନଙ୍କ ପାଖରେ କିଛି ଛୋଟ ଛୋଟ କଥା ଲୁଚାଇବାକୁ ହୁଏ। ଏଥିପାଇଁ ବେଳେବେଳେ ମିଛ ବି କହିବାକୁ ହୁଏ। କିନ୍ତୁ ଏମିତି ମିଛ କାହାର କ୍ଷତି କରି ନ ଥାଏ, ବରଂ କାହାକୁ ଗଢ଼ିବାର ସୁଯୋଗ ଦିଏ ତ କେହି ଭଲପାଇବାର ମୋହରେ ବାନ୍ଧିହୋଇ ଆପେ ଆପେ ନିଜ ଭୁଲ୍‌ ସୁଧାରି ଦିଅନ୍ତି। ସେଥିପାଇଁ ତ ସମସ୍ତଙ୍କୁ ଗୋଟିଏ ସୂତାରେ ବାନ୍ଧି ରଖିବା ପାଇଁ ଏମିତି ଅନେକ ମିଛ କହିଥାନ୍ତି ଗୃହିଣୀମାନେ।
କଷ୍ଟ ସହିବା ପାଇଁ : ଗୃହିଣୀମାନେ ଅନେକ ସମୟରେ ନିଜ ସ୍ବାସ୍ଥ୍ୟକୁ ନେଇ ମିଛ କଥା କହିଥାନ୍ତି। ଦେହ ଖରାପ ଥିଲେ ବି ଅନ୍ୟମାନଙ୍କ ଆଗରେ ଟିକିଏ ମିଛ କହି ନିଜେ ସବୁ କଷ୍ଟ ସହିଯାନ୍ତି। ସେମିତି ଗୁରୁତର ନ ହେଲେ ସେମାନେ ସ୍ବାମୀଙ୍କୁ ଖର୍ଚ୍ଚାନ୍ତ କରିବାକୁ ଚାହାନ୍ତି ନାହିଁ କିମ୍ବା ଘରର ଅନ୍ୟମାନଙ୍କୁ କଷ୍ଟ କରିବାକୁ ଦିଅନ୍ତି ନାହିଁ। ନିଜ ସ୍ବାସ୍ଥ୍ୟକୁ ନେଇ ଛୋଟିଆ ମିଛ କହିଲେ ବି ସେମାନେ ପରିବାରର ସମସ୍ତଙ୍କୁ ନିଜର କରିଥାନ୍ତି।
ସୁରକ୍ଷା ଦେବାକୁ: ବେଳେବେଳେ ପରିବାରରେ ପିଲାମାନେ କିଛି ଭୁଲ୍‌ କରିଦେଲେ ତାଙ୍କୁ ବଡ଼ମାନଙ୍କ କ୍ରୋଧରୁ ସୁରକ୍ଷା ଦେବାକୁ ଯାଇ ଗୃହିଣୀମାନେ ମିଛ କହିଥାନ୍ତି। ଏମିତି ଅନେକ ଥର ସ୍ବାମୀ, ଶାଶୁ, ନଣନ୍ଦ କାହାକୁ ନା କାହାକୁ ନେଇ ସେମାନେ ବେଳେବେଳେ ମିଛ କହନ୍ତି। ଏମିତିଭାବେ ସେମାନେ ନିଜର ଭୁଲ୍‌ ସୁଧାରିନେବାର ସୁଯୋଗ ପାଆନ୍ତି। ତେଣୁ ପରସ୍ପର ମଧ୍ୟରେ ଭଲପାଇବା ବଢ଼ିଥାଏ। ପରିବାରରେ ସମସ୍ତଙ୍କ ସହ ମିଶି ହସଖୁସିରେ ଚଳିବା ପାଇଁ ଅନେକ କିଛି ତ୍ୟାଗ କରିବାକୁ ପଡ଼େ। ଜଣଙ୍କ ମନରେ ଅନ୍ୟ ଜଣକ ପ୍ରତି ଭଲପାଇବା ସୃଷ୍ଟି କରିବା ପାଇଁ ପଦିଏ ମିଛ କହିଲେ ଆଦୌ ଭୁଲ୍‌ ହେବ ନାହିଁ।
ସଫଳତା ମିଳେ: ବେଳେବେଳେ ପିଲାମାନଙ୍କୁ ମିଛ ପ୍ରଶଂସା କରିବାକୁ ପଡ଼େ। ଫଳରେ ସେମାନେ ଉତ୍ସାହିତ ହୋଇ ଅଧିକ କାମ କରିବା ପାଇଁ ସାହସ ପାଇଥାନ୍ତି। ତା’ଛଡ଼ା ମନ ସବୁବେଳେ ଖୁସି ରହିଥାଏ। ଘରର ବଡ଼ମାନଙ୍କୁ ବି କେବେ କେବେ ଭଲ କମ୍ପ୍ଲିମେଣ୍ଟ ଦେଲେ ସେମାନେ ଖୁସି ହୋଇଥାନ୍ତି ଆଉ ପରିବାରରେ ସମସ୍ତେ ଖୁସିରେ ରହିଥାନ୍ତି।
ଶାରୀରିକ ମାନସିକ ଉନ୍ନତି: ନିଜର ଲୋକଙ୍କ ଭଲ ପାଇଁ ସେମାନଙ୍କ ସ୍ବାସ୍ଥ୍ୟକୁ ନେଇ ବେଳେବେଳେ ମିଛ ଟିପ୍ପଣୀ ଦେବାକୁ ହୁଏ। ଯେମିତି କି ତୁମେ ଅଧିକ ମିଠା ଖାଉଛ, ଓଜନ ବହୁତ ବଢ଼ିଗଲାଣି, ଆଉ ଜମାରୁ ପଢ଼ାପଢ଼ି କରୁନ ଆଦି ଅନେକ ମିଛ ବି ଆପଣାର ଲାଗେ। କାହିଁକିନା ଏଭଳି ମିଛ ଅନ୍ୟର ଶାରୀରିକ ତଥା ମାନସିକ ଉନ୍ନତିରେ ସହାୟକ ହୋଇଥାଏ।
ଖର୍ଚ୍ଚ କମ୍‌ କରିବା: ଘରେ ଖର୍ଚ୍ଚ କମ୍‌ କରି ସଞ୍ଚୟ କରିବା ପାଇଁ ଗୃହିଣୀମାନେ ଅର୍ଥ କାରବାର ସମୟରେ ଅନେକ ମିଛ କହିଥାନ୍ତି। ମିଛ କହି ସେମାନେ ସ୍ବାମୀଙ୍କଠାରୁ ଅନେକ ଅର୍ଥ ଆଣି ସଞ୍ଚୟ କରିଥାନ୍ତି, ଯାହା ଭବିଷ୍ୟତରେ ପରିବାର ପାଇଁ କାମରେ ଲାଗିଥାଏ।
ଝଗଡ଼ା ବନ୍ଦ କରିବା: ପରିବାରରେ ବେଳେବେଳେ ପରସ୍ପର ମଧ୍ୟରେ ଥିବା ସନ୍ଦେହ ଦୂରକରିବା ପାଇଁ ଛୋଟିଆ ମିଛଟିଏ ବେଶ୍‌ ଫଳପ୍ରଦ ହୋଇଥାଏ। ଛୋଟ ମିଛ ପଦିଏ ବେଳେବେଳେ ଘରେ ଲାଗିଥିବା ଝଗଡ଼ାର ବି ସମାଧାନ କରିଦିଏ। ତେଣୁ ଏ କ୍ଷେତ୍ରରେ କୁହାଯାଉଥିବା ମିଛ ଆଦୌ ଭୁଲ୍‌ ନୁହେଁ। ବରଂ ଇଏ ମିଠା ମିଛ ହୋଇ ପରିବାରରେ ହସଖୁସି ବାଣ୍ଟିଥାଏ।

 

ଖାଇବା କଥାରେ ମିଛ କହେ
ଖାଇବା କଥାକୁ ନେଇ ମୁଁ ସବୁବେଳେ ମିଛ କହେ। ସବୁ କାମ କରି ମତେ ଅଫିସ୍‌ ଯିବାକୁ ପଡୁଥିବାରୁ ମୁଁ ଅଧିକାଂଶ ସମୟ ନ ଖାଇ ଚାଲିଯାଏ। କିନ୍ତୁ ଘରେ ସମସ୍ତଙ୍କୁ ଖାଇଛି ବୋଲି ମିଛ କହିଦିଏ, ନଚେତ୍‌ ସେମାନେ ମନଦୁଃଖ କରିବେ। କିନ୍ତୁ ଅଫିସ ଆସିବା ପରେ ମୁଁ ଆଣିଥିବା ଟିଫିନ୍‌ ଖାଏ ନ ହେଲେ ବାହାରୁ କିଣି ଖାଇଦିଏ।
– ସସ୍ମିତା ନାୟକ, କର୍ମଜୀବୀ, ଭେନସ୍‌ ଆପାର୍ଟମେଣ୍ଟ, ମେହରୋଲି, ନୂଆଦିଲ୍ଲୀ
ଏସବୁ ମିଛ ନୁହେଁ
ଘରେ ସମସ୍ତଙ୍କୁ ବହୁ ପ୍ରକାର ଛୋଟ ଛୋଟ ମିଛ କହିବାକୁ ପଡ଼େ। ଦେହ ଭଲ ଅଛି କହି ମୁଁ ବହୁତ କାମ କରିଦିଏ। ଆଉ ଘର ପାଇଁ ବିଭିନ୍ନ ଜିନିଷ କିଣିବାର ଅଛି କହି ମୁଁ ସବୁବେଳେ ମୋ ପାଖରେ ଟଙ୍କା ଆଣି ରଖିଥାଏ। ଅବଶ୍ୟ ଦରକାର ସମୟରେ ସେ ଟଙ୍କା ମୁଁ ଦେଇଦିଏ। ମୋ ମତରେ ଏସବୁ ମିଛକୁ ମିଛ କୁହାଯିବନି।
-ତୃଷ୍ଣା ଦେବଗୋସ୍ବାମୀ, ଗୃହିଣୀ
କାଲିଫର୍ଣ୍ଣିଆ, ଆମେରିକା


Enter your email to get our daily news in your inbox.

All Right Reserved By Dharitri.Com

ଆଣ୍ଠୁଗଣ୍ଠି ଯନ୍ତ୍ରଣାର ଘରୋଇ ଉପଚାର

ଆଜିକାଲି ଆଣ୍ଠୁଗଣ୍ଠି ସମସ୍ୟା କେବଳ ବୟସ୍କ ବ୍ୟକ୍ତି ନୁହନ୍ତି ଯୁବପିଢ଼ିଙ୍କଠାରେ ଦେଖିବାକୁ ମିଳିଲାଣି। ଏହାର ଲକ୍ଷଣ ଜାଣିବା ମାତ୍ରେ ଡାକ୍ତରଙ୍କ ସହ ପରାମର୍ଶ କରି ଚିକିତ୍ସା...

ବର୍ଷାଦିନେ ଖାଆନ୍ତୁ ଏହି ୪ ଫଳ: ସଂକ୍ରମଣରୁ ମିଳିବ ମୁକ୍ତି

ମୌସୁମୀ ଆସିବା ଫଳରେ ଅନେକ ସ୍ବାସ୍ଥ୍ୟ ସମସ୍ୟା ଦେଖାଯାଇଥାଏ। ଏହି ସମୟରେ ୟାଡୁସ୍ୟାଡୁ ଖାଇବା ଉଚିତ ହୋଇ ନ ଥାଏ। ଏହା ସହ ଦୈନିକ କିଛି...

ଗ୍ୟାସ୍‌ ବଞ୍ଚାଇବାକୁ ଚାହୁଁଥିଲେ..

ରୋଷେଇ ଆରମ୍ଭ କରିବା ପୂର୍ବରୁ ସମସ୍ତ ଆବଶ୍ୟକ ସାମଗ୍ରୀ ଏକାଠିକରି ରଖନ୍ତୁ। ଏହାଦ୍ୱାରା ଉଭୟ ଗ୍ୟାସ୍‌ ଓ ସମୟ ବଞ୍ଚିଥାଏ। ଥଣ୍ଡା କ୍ଷୀର, ପନିପରିବା ଏବଂ...

ସୋସିଆଲ ମିଡିଆରେ ଆପଣଙ୍କ ସାଥୀ ଏହି ୫ କାମ କରୁଥିଲେ ହୋଇଯାଆନ୍ତୁ ସତର୍କ, ଘଟିପାରେ ଏଭଳି କିଛି..

ମହାମାରୀ କରୋନା ଯୋଗୁ ଲୋକମାନେ ଅଧିକରୁ ଅଧିକ ସମୟ ଘରେ ଅତିବାହିତ କରୁଛନ୍ତି। ଏପରି ପରିସ୍ଥିତିରେ ସମୟ ବିତାଇବା ପାଇଁ ଇଣ୍ଟରନେଟ୍‌ ବରଦାନ ପାଲଟିଛି। ତେବେ,...

ଖରାରେ ଶୁଖିପାରେ ଆଖିରୁ ଜଳୀୟଅଂଶ: କିପରି କରିବେ ଚିକିତ୍ସା

ଖରାଦିନେ ଅନେକ ପ୍ରକାର ସ୍ବାସ୍ଥ୍ୟ ସମସ୍ୟା ଉପୁଜିଥାଏ। ସେଥିପାଇଁ ଗ୍ରୀଷ୍ମଋତୁରେ ସ୍ବାସ୍ଥ୍ୟ ପ୍ରତି ଅଧିକ ଧ୍ୟାନ ଦେବା ଜରୁରୀ। ତେବେ ଖରାଦିନେ ବାହାରକୁ ବାହାରିବା ମାତ୍ରେ...

ଆଣ୍ଠୁଗଣ୍ଠି ରୋଗ ଉପଶମ କରେ ମେଥି ଶାଗ

ଆଣ୍ଠୁଗଣ୍ଠିରେ ଅତ୍ୟଧିକ ଯନ୍ତ୍ରଣା କାରଣରୁ ଅନେକ ସମୟରେ ଲୋକେ ଚାଲିବା ବୁଲିବାରେ ବି ଅସମର୍ଥ ହୋଇପଡ଼ନ୍ତି। ତେବେ ଏହି ଯନ୍ତ୍ରଣା ବିଭିନ୍ନ କାରଣରୁ ହୋଇଥାଏ। ଯେମିତିକି,...

ଏହି ୪ ରାଶିର ବ୍ୟକ୍ତିଙ୍କ ଭାଗ୍ୟ ଅଚାନକ ବଦଳିଯାଏ, କେବଳ ମିଳିଥାଏ ଲାଭ ହିଁ ଲାଭ

ସମସ୍ତେ ଚାହିଁଥାନ୍ତି ଜୀବନରେ କେମିତି ଅଧିକରୁ ଅଧିକ ଟଙ୍କା ରୋଜଗାର କରିବେ। ଏଥିପାଇଁ ଲୋକେ ନାନା ଉପାୟ ମଧ୍ୟ ଅବଲମ୍ବନ କରିଥାନ୍ତି। ମାତ୍ର କିଛି ଲୋକ...

ଫ୍ୟାଶନରେ ‘ହଂସୁଲି’

ଦିନ ଥିଲା ମହିଳାମାନେ ସୁନା କିମ୍ବା ରୁପାରେ ତିଆରି ଏକ ସ୍ବତନ୍ତ୍ର ଧରଣର ମୋଟା ଗହଣା ବେକରେ ପିନ୍ଧୁଥିଲେ, ଯାହାକୁ ହଂସୁଲି ବୋଲି କୁହାଯାଉଥିଲା। ଏହା...

Advertisement
Archives

Model This Week