ନୂଆଦିଲ୍ଲୀ,୨୭।୮ : ଜି -୨୦ ଶିଖର ସମ୍ମିଳନୀ କିଛି ଦିନ ପରେ ରାଜଧାନୀ ଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି ଯେଉଁଠାରେ ସାରା ବିଶ୍ୱରୁ ବହୁ ବିଦେଶୀ ଅତିଥି ଦିଲ୍ଲୀ ଗସ୍ତ କରିବାକୁ ଯାଉଛନ୍ତି। ଏହି ସମୟରେ ଅନେକ ଦେଶର ଜାତୀୟ ରାଷ୍ଟ୍ରପତି ମଧ୍ୟ ଏଥିରେ ସାମିଲ ହେବେ।
ରାଜଧାନୀ ଦିଲ୍ଲୀରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମ ପୂର୍ବରୁ ପାଞ୍ଚରୁ ଅଧିକ ମେଟ୍ରୋ ଷ୍ଟେଶନରେ ପ୍ରୋ-ଖାଲିସ୍ତାନ ସ୍ଲୋଗାନ ଲେଖାଯାଇଛି। ଏ ସମ୍ପର୍କରେ ଦିଲ୍ଲୀ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯାଉଛି। ଦିଲ୍ଲୀ ପୋଲିସ ବର୍ତ୍ତମାନ ପର୍ଯ୍ୟନ୍ତ ଏହି ସ୍ଲୋଗାନଗୁଡ଼ିକୁ ଲିଭାଇ ଦେଇଛି।
ଦିଲ୍ଲୀର ପାଞ୍ଚରୁ ଅଧିକ ମେଟ୍ରୋ ଷ୍ଟେଶନରେ ଖାଲିସ୍ତାନ ସମର୍ଥକ ସ୍ଲୋଗାନ ଲେଖିବା ପ୍ରସଙ୍ଗରେ ‘ଶିଖ ଫର ଜଷ୍ଟିସ’ ସଂଗଠନ ଏହି ଭିଡିଓ ଜାରି କରିଛି। ଏହି ସଂଗଠନ ସୋସିଆଲ ମିଡିଆରେ ଏହି ଭିଡିଓ ବିସ୍ତାର କରି ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ କରିବା ପାଇଁ ଦାୟୀ।
