ଆମେରିକାର ଜେଲ୍ରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ଯେଉଁଠି ଜଣେ ଯୁବତୀ ତାଙ୍କ ସାବତ ଭାଇଙ୍କୁ ହତ୍ୟା କରିଥିବା ଅପରାଧୀଙ୍କୁ ଜେଲ୍ରେ ପ୍ରେମ କରିବସିଲେ। ଦୁଇଜଣଙ୍କ ପ୍ରେମ କାହାଣୀ ଚିଠିରୁ ଆରମ୍ଭ ହୋଇଥିଲା। ଏବେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ଘଟଣାକୁ ନେଇ ଚର୍ଚ୍ଚା ଜୋର୍ ଧରିଛି।
ଆମେରିକାର କୁୟାହୋଗା କାଉଣ୍ଟିରେ ଏହି ଘଟଣା ଦେଖିବାକୁ ମିଳିଛି। ୧୯୮୯ ମସିହାରେ ଜନ୍ ଟିଡଜେନଙ୍କୁ ବ୍ରାୟନ ମ୍ୟାକ୍ଗରି ହତ୍ୟା ଅଭିଯୋଗରେ ଗିରଫ କରାଯାଇଥିଲା। ଅଦାଲତ ଜନ୍ଙ୍କୁ ୩୨ ବର୍ଷର ସଜା ଶୁଣାଇଥିଲେ। ଯାହା ପରେ ତାଙ୍କୁ ଜେଲ୍ ପଠାଇ ଦିଆଯାଇଥିଲା। ବ୍ରାୟନଙ୍କ ଭଉଣୀ କ୍ରିଷ୍ଟାଲ ଜାଣି ନ ଥିଲେ ହତ୍ୟା ପଛର କାରଣ କ’ଣ। ସେ ସତ ଜାଣିବା ପାଇଁ ଜେଲ୍ରେ ଥିବା ସାବତ ଭାଇଙ୍କ ହତ୍ୟାକାରୀ ଜନ୍ଙ୍କୁ ଚିଠି ଲେଖିଲେ। କ୍ରିଷ୍ଟାଲଙ୍କ ଏହି ଚିଠିକୁ ତାଙ୍କ ଓକିଲ ଜନ୍ଙ୍କ ନିକଟରେ ପହଞ୍ଚାଉଥିଲେ। ଧୀରେ ଧୀରେ ସେ ଜନ୍ଙ୍କ ପ୍ରେମରେ ପଡ଼ିଗଲେ। ଶେଷରେ ଜନ୍ ବ୍ରାୟନଙ୍କ ହତ୍ୟାକାରୀ ବୋଲି ସ୍ବୀକାର କରିଥିଲେ। ୩୨ ବର୍ଷ ଜେଲ୍ରେ ରହି ଜନ୍ ବାହାରିବା ପରେ କ୍ରିଷ୍ଟାଲ ତାଙ୍କୁ ବିବାହ କରିଥିଲେ। ସେତେବେଳକୁ ଜନ୍ଙ୍କ ବୟସ ୫୭ ହୋଇସାରିଥିଲା। କ୍ରିଷ୍ଟାଲ କହୁଥିଲେ ମୁଁ ଯାହାକୁ ଭଲ ପାଉଛି ତାଙ୍କୁ ହିଁ ବିବାହ କରିବି। ତାଙ୍କ ବିନା ବଞ୍ଚିପାରିବି ନାହିଁ।
କ୍ରିଷ୍ଟାଲଙ୍କ ସାବତ ଭାଇ ବ୍ରାୟନ ମ୍ୟାକଗରିଙ୍କ ମୃତଦେହ ତାଙ୍କ ଆପାର୍ଟମେଣ୍ଟରୁ ମିଳିଥିଲା। ଏହି ହତ୍ୟା ଅଭିଯୋଗ ଜନ୍ଙ୍କ ଉପରେ ଆସିଥିଲା। ପୋଲିସ ଜନ୍ଙ୍କୁ ଗିରଫ କରି ଜେଲ୍ ପଠାଇଥିଲା।
