ନୂଆ ରୂପରେ କଳିଙ୍ଗ ଷ୍ଟୁଡିଓ

ଭୁବନେଶ୍ୱର,୯।୧୦(ବ୍ୟୁରୋ)- ୧୯୯୯ ମହାବାତ୍ୟା ଠାରୁ ସ୍ଥାଣୁ ପାଲଟିଯାଇଥିବା ଓଡ଼ିଶାର ଏକମାତ୍ର ଫିଲ୍ମ ଶୁଟିଂ ଷ୍ଟୁଡିଓ ‘କଳିଙ୍ଗ ଷ୍ଟୁଡିଓ’ ଚଳଚଞ୍ଚଳ ହୋଇଉଠିଛି। ଧାରାବାହିକ ଓ ବିଭିନ୍ନ କାର୍ଯ୍ୟକ୍ରମର ଶୁଟିଂ ସହ ଆଗାମୀଦିନରେ ଫିଲ୍ମ ଶୁଟିଂ ପାଇଁ ନିଜକୁ ପ୍ରସ୍ତୁତ କରିଛି ଷ୍ଟୁଡିଓ। ଅଚଳ ହୋଇପଡ଼ିଥିବା ସେଟ୍‌ଗୁଡ଼ିକ ଏବେ ବ୍ୟବହାର ଉପଯୋଗୀ ହୋଇଛି। କେବଳ ଏତିକି ନୁହେଁ, ଦୁଇଟି ଚ୍ୟାନେଲ ସହ ଜଣେ ନାମୀ ପ୍ରଯୋଜକ ଏଠାରେ ନିଜର ଶୁଟିଂ ଆରମ୍ଭ କରିଛନ୍ତି। ଫଳରେ ମାସକୁ ପ୍ରାୟ ୫ଲକ୍ଷ ଟଙ୍କା ଷ୍ଟୁଡିଓରୁ ରୋଜଗାର ହେଉଛି। ଆଗୀମଦିନରେ ଅନେକ ନୂଆ କାର୍ଯ୍ୟକ୍ରମ ହାତକୁ ନିଆଯିବାକୁ ଯୋଜନା ରହିଛି। ଏହାହେଲେ କଳିଙ୍ଗ ଷ୍ଟୁଡିଓକୁ ସମ୍ପୂର୍ଣ୍ଣ କାର୍ଯ୍ୟକ୍ଷମ କରାଯାଇପାରିବ ଏବଂ ୬ ମାସ ପରେ ବର୍ଷକୁ ୧କୋଟିରୁ ଉର୍ଦ୍ଧ୍ୱ ଟଙ୍କାର ରୋଜଗାର ହୋଇପାରିବ ବୋଲି ଓଡ଼ିଶା ଚଳଚ୍ଚିତ୍ର ଉନ୍ନୟନ ନିଗମ(ଓଏଫ୍‌ଡିସି) ଅଧ୍ୟକ୍ଷ କୁନା ତ୍ରିପାଠୀ କହିଛନ୍ତି।
୨୦୧୮ରେ ସାମାନ୍ୟ ଅଣ୍ଟା ସଳଖି ଛିଡ଼ା ହୋଇଥିବା କଳିଙ୍ଗ ଷ୍ଟୁଡିଓ ଗତ ଫନୀ ବାତ୍ୟାରେ ପୁଣିଥରେ ଭାଙ୍ଗିରୁଜି ଯାଇଥିଲା। ଷ୍ଟୁଡିଓ ଆଉକେବେ ନୂଆ ରୂପ ପାଇବ ତାହାକୁ ନେଇ ଆଶା ଆଶଙ୍କା ଲାଗି ରହିଥିଲା। ମାତ୍ର ଖୁବ୍‌ କମ୍‌ ଦିନ ମଧ୍ୟରେ ଶୁଟିଂ ପାଇଁ ଉପଯୁକ୍ତ ହୋଇପାରିଛି ଓଡ଼ିଶାର ଏହି ଐତିହାସିକ ଷ୍ଟୁଡିଓ। ଷ୍ଟୁଡିଓର ମୁଖ୍ୟ ଫାଟକଠାରୁ ଆରମ୍ଭ କରି ରାସ୍ତା ଏବଂ ଭାଙ୍ଗିରୁଜି ଯାଇଥିବା ଏଡିଟିଂ ରୁମ୍‌ ଓ ଡବିଂ ବୁଥ୍‌ ସବୁକିଛି ନୂଆ ରୂପ ପାଇବ। ନୂଆ କରି ନିର୍ମାଣ ହୋଇଥିବା ଜମିଦାର୍‌ ଘର, କଟେଜ୍‌ ଓ ଭିଲେଜ୍‌ କମ୍ପ୍ଲେକ୍ସ ଗତ ଫନି ବାତ୍ୟାରେ ଭାଙ୍ଗି ଯାଇଥିବା ବେଳେ ତାହାକୁ ପୁଣିଥରେ ସଜଡ଼ା ଯାଇଛି। ଉନ୍ନତିକରଣ କାର୍ଯ୍ୟ ସମ୍ପର୍କରେ ସୂଚନା ଦେଇ ତ୍ରିପାଠୀ ଧରିତ୍ରୀକୁ କହିଛନ୍ତି, ଷ୍ଟୁଡିଓ ପରିସରରେ ଏକ ନୂତନ ବସ୍‌ ଷ୍ଟପ୍‌ ସହ ରେଲେଓ୍ବେ ଷ୍ଟେସନ ନିର୍ମାଣ କରାଯାଉଛି। ସେହିଭଳି ଶୁଟିଂ ପାଇଁ ଆବଶ୍ୟକତାକୁ ଦୃଷ୍ଟିରେ ରଖି ଏକ ପୋଖରୀ ଓ ବସ୍ତି କରାଯିବାର ଯୋଜନା ରହିଛି। କଳାକାର ଏବଂ କର୍ମଚାରୀମାନଙ୍କ ଖାଇବା ପିଇବା ଲାଗି ଏହାମଧ୍ୟରେ ବ୍ୟବସ୍ଥା ନଥିବାରୁ ଏକ ମଲ୍ଟିପର୍‌ପୋଜ୍‌ ରେଷ୍ଟୁରାଣ୍ଟ ନିର୍ମାଣ କରାଯାଉଛି। ଏଠାରେ ଲୋକେ ବସି ଖାଇବା ସହ ଶୁଟିଂ କାର୍ଯ୍ୟରେ ମଧ୍ୟ ବ୍ୟବହାର କରାଯାଇପାରିବ। ଟେକ୍ନିସିଆନ୍‌ମାନେ ରହିବା ପାଇଁ ଏକ ଡର୍ମିଟୋରୀ ପ୍ରସ୍ତୁତ କରାଯାଉଛି। ଷ୍ଟୁଡିଓର ପ୍ରବେଶ ଓ ପ୍ରସ୍ଥାନ ପଥର ସୌନ୍ଦର୍ଯ୍ୟକରଣ କରାଯିବ। ଓଡ଼ିଶା କ୍ଷୁଦ୍ର ଶିଳ୍ପ ନିଗମ(ଓଏସ୍‌ଆଇସି) ଷ୍ଟୁଡିଓର ନବୀକରଣ କାର୍ଯ୍ୟ କରୁଥିବା ବେଳେ ପୂର୍ତ୍ତ ବିଭାଗ ରାସ୍ତା ନିର୍ମାଣ କରୁଛି। ଆଧୁନିକରଣ ଏବଂ ପୁନରୁଦ୍ଧାର ସହିତ ପୁରୁଣା ଯନ୍ତ୍ରପାତି ଓ ଆବଶ୍ୟକୀୟ ସରଞ୍ଜାମକୁ ନେଇ ମ୍ୟୁଜିୟମ୍‌ କରାଯିବ। ରେକର୍ଡିଂ ରୁମ୍‌କୁ ନିଜ ଅଧିନକୁ ଆଣି ଓଏଫ୍‌ଡିସି ଏହାର ଉନ୍ନତୀକରଣ କରିବ ଏବଂ ଭଡ଼ାରେ ଲଗାଇବ। ସେହିଭଳି ଜରାଜୀର୍ଣ୍ଣ ଅବସ୍ଥାରେ ଥିବା ଡବିଂ ବୁଥ୍‌କୁ ସଜଡ଼ା ଯାଇ ଏହାକୁ ଏକ ଫ୍ଲୋର୍‌ର ରୂପ ଦିଆଯିବ। ବର୍ତ୍ତମାନ ଥିବା ଦୁଇଟି ଫ୍ଲୋର୍‌କୁ ଦୁଇଟି ଚ୍ୟାନେଲ ନେଇଥିବା ବେଳେ ଆଗକୁ ଆଉ ଦୁଇଟି ନୂତନ ଫ୍ଲୋର୍‌ ନିର୍ମାଣ କରାଯିବ। ସେହିଭଳି ଆଗକୁ ଟେଲିଭିଜନ୍‌ ଶୁଟିଂଠାରୁ ଆରମ୍ଭ କରି ଚଳଚ୍ଚିତ୍ର ନିର୍ମାଣ ଏବଂ ଆଲ୍‌ବମ୍‌ ଶୁଟିଂ ପାଇଁ ମଧ୍ୟ ଯୋଜନା କରାଯାଇଛି। ଓଏଫ୍‌ଡିସି ନିକଟରେ ଏବେ ୪କୋଟି ବଜେଟ ଥିବାବେଳେ ତାହାକୁ ଏହି ଉନ୍ନତିମୂଳକ କାର୍ଯ୍ୟରେ ଲଗାଯିବ। ତେବେ ସମସ୍ତ କାର୍ଯ୍ୟ ବିନା ଟେଣ୍ଡରରେ ସରକାରୀ ସଂସ୍ଥା ଦ୍ୱାରା କରାଯାଉଥିବାରୁ ସ୍ବଚ୍ଛତା ଅବଲମ୍ବନ ହେଉଥିବା ତ୍ରିପାଠୀ କହିଛନ୍ତି। ସେହିଭଳି ଷ୍ଟୁଡିଓରୁ ହେଉଥିବା ଲାଭାଂଶକୁ ତାହାର ଉନ୍ନତିକରଣ କାର୍ଯ୍ୟରେ ଲଗାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କୋରାପୁଟରେ ସର୍ବଦଳୀୟ ବୈଠକ

କୋରାପୁଟ,୧୧।୧୧(ସ୍ବ.ପ୍ର.): କୋଟିଆ ଗ୍ରାମପୁଞ୍ଜକୁ ନେଇ ଓଡ଼ିଶା ଓ ଆନ୍ଧ୍ର ପ୍ରଦେଶ ମଧ୍ୟରେ ଲାଗି ରହିଥିବା ବିବାଦର ସମାଧାନ ନେଇ ମଙ୍ଗଳବାର ଭୁବନେଶ୍ୱରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ମାଲକାନଗିରି ପରେ ଏବେ ଏସ୍‌ସିବି: ଟିକ୍‌ଟକ୍‌ରେ ମାତିଛନ୍ତି ଆଟେଣ୍ଡାଣ୍ଟ, ଭିଡିଓ ଭାଇରାଲ

କଟକ ଅଫିସ, ୨୮।୬: ମାଲକାନଗିରି ପରେ କଟକ ଏସ୍‌ସିବି ମେଡିକାଲରେ ସମାନ ଅବସ୍ଥା। ପୂର୍ବରୁ ଅସହାୟ ରୋଗୀମାନେ ବିିଭିନ୍ନ ସମୟରେ ଚିକିତ୍ସା ନ ପାଇଁ ମୃତ୍ୟୁବରଣ...

ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଲେ ଡାକ୍ତର

ଢେଙ୍କାନାଳ ଅଫିସ,୧୯।୭: ଭିଜିଲାନ୍ସ ହାତରେ ଧରାପଡିଲେ ଜିଲା ମୁଖ୍ୟ ଚିକିତ୍ସାଳୟ ମେଡ଼ିସିନ ବିଭାଗ ଡାକ୍ତର ଉମାକାନ୍ତ ଖେଜୁରିଆ। ଜଣେ ବ୍ୟକ୍ତିଙ୍କ ମୃତ୍ୟୁ ପ୍ରମାଣପତ୍ର ଇସ୍ୟୁ ପାଇଁ...

ଚଳିତ ବର୍ଷ ସ୍ପୋଟର୍‌ସ କମ୍ପ୍ଲେକ୍ସ ନିର୍ମାଣ ଯୋଜନା ନାହିଁ:ମନ୍ତ୍ରୀ

ଭୁବନେଶ୍ୱର,୨୬।୭(ବ୍ୟୁରୋ): ୨୦୧୯-୨୦ ଆର୍ଥିକ ବର୍ଷରେ କୌଣସି ଜିଲାରେ ସ୍ପୋଟର୍‌ସ କମ୍ପ୍ଲେକ୍ସ ହେବ ନାହିଁ। ବର୍ତ୍ତମାନ ରାଜ୍ୟରେ ୪ଟି ସାଟେଲାଇଟ୍‌ ଷ୍ଟାଡିୟମ(ଇଣ୍ଟିଗ୍ରେଟେଡ୍‌ ସ୍ପୋଟର୍‌ସ କମ୍ପ୍ଲେକ୍ସ) ନିର୍ମାଣ କାର୍ଯ୍ୟ...

କଂଗ୍ରେସରେ ରହିଛି, ରହିବି: ରଞ୍ଜୀବ

ଭୁବନେଶ୍ୱର, ୧୫ା୮(ବ୍ୟୁରୋ):ନିକଟରେ ରାଜ୍ୟ ସଭାରେ ତିନ୍‌ ତଲାକ ବିଲ୍‌ ପାସ୍‌ ହେବାବେଳକୁ ସମସ୍ତ ଦଳୀୟ ଏମ୍‌ପିଙ୍କୁ ଉପସ୍ଥିତ ରହିବା ପାଇଁ କଂଗ୍ରେସ ପକ୍ଷରୁ ନିର୍ଦ୍ଦେଶ ଜାରି କରାଯାଇଥିଲା।...

ଆଉ ଶୁଭିବନି ଖୁମ୍ପିଦେଲୁ…ଧେ…ତ୍‌

‘ନାଁ ଟା ତା’ହେଲେ ମିନା… ଭଲ ନାଚିଲ…, ଖୁମ୍ପି ଦେଲୁ…ଭଲ କଲୁ…ଧେ…ତ୍‌।’ ୯୦ ଦଶକରେ ଯାତ୍ରା ଜଗତରେ ଛାଇ ହୋଇଯାଇଥିବା ଭିଲେନ ଭିକୁ ସେଠ୍‌ଙ୍କ ଏହି...

ବାତ୍ୟା ବିପଦ ଟଳିଲା

ଭୁବନେଶ୍ୱର,୨୬।୯(ବ୍ୟୁରୋ): ବାତ୍ୟା ‘ଗୁଲାବ’କୁ ନେଇ ଭାରତୀୟ ପାଣିପାଗ ବିଭାଗ ପକ୍ଷରୁ ଯେଉଁ ଆକଳନ କରାଯାଉଥିଲା, ସେତେଟା ପ୍ରଭାବ ଦେଖିବାକୁ ମିଳିଲା ନାହିଁ। ୭୫ରୁ ୮୫ କି.ମି....

ଓଡ଼ିଆ ଚଳଚ୍ଚିତ୍ର ପତ୍ରିକାକୁ ନେଇ ସ୍ବତନ୍ତ୍ର ପ୍ରଦର୍ଶନୀ

ଭୁବନେଶ୍ୱର,୧୯ା୨(ବ୍ୟୁରୋ):ଓଡ଼ିଶାରେ ଆରମ୍ଭରୁ ଏ ପର୍ଯ୍ୟନ୍ତ ପ୍ରକାଶିତ ହୋଇଥିବା ଚଳଚ୍ଚିତ୍ର ପତ୍ରିକାଗୁଡ଼ିକର ପ୍ରଚ୍ଛଦ ପ୍ରଦର୍ଶନୀ ପ୍ରଥମ ଥର ପାଇଁ ରାଜ୍ୟ ଅଭିଲେଖାଗାର ଦ୍ୱାରା ଆୟୋଜିତ ହୋଇଛି। ପୁରୁଣା...

Advertisement
Archives

Model This Week