ଲୋଭ ଛାଡ଼ିବା ଅସମ୍ଭବ

କଂଗ୍ରେସର ଭାରତ ଯୋଡ଼ୋ ଯାତ୍ରା ଓ ଆସନ୍ତା ମାସରେ ହେବାକୁ ଥିବା ଦଳର ଅଧ୍ୟକ୍ଷ ପଦ ନିର୍ବାଚନ ସଂକ୍ରାନ୍ତ ଖବର ଏବେ ପ୍ରମୁଖ ଗଣମାଧ୍ୟମ ଏବଂ ବିଶେଷକରି ସୋସିଆଲ ମିଡିଆରେ ଛାଇଯାଉଛି। ରାହୁଲ ଗାନ୍ଧୀ ଜନସାଧାରଣଙ୍କ ନିକଟତର ହେବାକୁ ପାଦରେ ଚାଲିଚାଲି ଯାଉଥିବା ବେଳେ ତାଙ୍କ ସହ ଅନ୍ୟ କଂଗ୍ରେସ ନେତା ଓ କର୍ମୀଙ୍କୁ ଦେଖିବାକୁ ମିଳୁଛି। ୧୯ ସେପ୍ଟେମ୍ବରରେ କେରଳର ପୁନାମାଦା ହ୍ରଦରେ ଚାଲିଥିବା ସ୍ନେକ୍‌ ବୋଟ ରେସ୍‌ରେ ଡଙ୍ଗାରେ ବସି ସେ ଯେଭଳି ଆହୁଲା ମାରିଛନ୍ତି, ତାହା ଅନେକଙ୍କ ଦୃଷ୍ଟି ଆକର୍ଷଣ କରିଥିବ। ଦୀର୍ଘ ୮ ବର୍ଷରୁ ଊର୍ଦ୍ଧ୍ୱ ସମୟ ଜାତୀୟ କ୍ଷମତା ରାଜନୀତିରୁ ଦୂରେଇ ଯାଇଥିବା କଂଗ୍ରେସ ଏବେ ଜନତାଙ୍କ ସହ ଯୋଡ଼ି ହେବାର ଅଭିଯାନ ଏକ ପ୍ରଶଂସନୀୟ ପଦକ୍ଷେପ। କାରଣ କୌଣସି ପାର୍ଟିର ଦୀର୍ଘ ଶାସନ ଦେଶବାସୀଙ୍କ ପାଇଁ କାଳ ହୋଇଥିବାରୁ ସେଥିରେ ସର୍ବଦା ପରିବର୍ତ୍ତନ ଲୋଡ଼ା ପଡ଼ିଥାଏ। ଅନ୍ୟପଟେ କିଏ ପରବର୍ତ୍ତୀ କଂଗ୍ରେସ ଅଧ୍ୟକ୍ଷ ହେବେ ସେଥିନେଇ ଦଳ ଭିତରେ ଜୋରଦାର ପ୍ରୟାସ ହେଉଛି। ଭୋଟ ହାସଲ କରିବାରେ ବାରମ୍ବାର ବିଫଳ ହେବା ପରେ ରାହୁଲ ଗାନ୍ଧୀ ଅଧ୍ୟକ୍ଷ ହେବାକୁ ଚାହୁଁ ନ ଥିବା କୁହାଯାଉଛି। ଜଣଙ୍କ ପରେ ଜଣେ ଟାଣୁଆ ନେତା ଦଳରୁ ଅପସରି ଯିବା ପରେ ନେହେରୁ-ଗାନ୍ଧୀ ପରିବାର ଭିନ୍ନ ଅନ୍ୟ କିଏ ପାର୍ଟି ଦାୟିତ୍ୱ ସମ୍ଭାଳୁ ବୋଲି ଦାବି ହେବାରୁ ଅକ୍ଟୋବରରେ ବିଧିବଦ୍ଧ ନିର୍ବାଚନ ହେବ ବୋଲି ଘୋଷଣା କରାଯାଇଛି। ଇତିମଧ୍ୟରେ ବିଭିନ୍ନ ପ୍ରଦେଶ କଂଗ୍ରେସ କମିଟି ତରଫରୁ ରାହୁଲଙ୍କ ସପକ୍ଷରେ ସଂକଳ୍ପ କରାଯାଇ ଗଣମାଧ୍ୟମକୁ ପ୍ରେସ୍‌ ନୋଟ୍‌ ଦିଆଯାଉଛି। ତେବେ ଅଧ୍ୟକ୍ଷ ପଦ ଲାଗି ପ୍ରତିଦ୍ୱନ୍ଦ୍ୱିତାରେ ଥିବା ବରିଷ୍ଠ ନେତାଙ୍କ ମଧ୍ୟରୁ କେରଳର ଶଶୀ ଥରୁର ଓ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ନାମ ଚର୍ଚ୍ଚାକୁ ଆସିଛି।
କଂଗ୍ରେସର ରାଜନୈତିକ ପାଣିପାଗକୁ ଦେଖିଲେ ନେହେରୁ-ଗାନ୍ଧୀ ପରିବାର ଭିନ୍ନ ଅନ୍ୟ କେହି ମଙ୍ଗ ଧରିଲେ ଉଧେଇ ପାରିବେ ନାହିଁ ବୋଲି ଦଳ ଭିତରେ ଏକ ସ୍ରୋତ ବୋହିଚାଲିଛି। ଥରୁର ଅଧ୍ୟକ୍ଷ ପଦ ପାଇଁ ପ୍ରତିଦ୍ୱନ୍ଦ୍ୱିତା କରିବା ପୂର୍ବରୁ ସୋନିଆ ଗାନ୍ଧୀଙ୍କୁ ଭେଟି ଆଶୀର୍ବାଦ କାମନା କରିଛନ୍ତି। ଶୁଣିବାକୁ ମିଳୁଛି ସୋନିଆ ତାଙ୍କୁ ଲଢ଼େଇ କରିବାକୁ ସବୁଜ ସଙ୍କେତ ଦେଇଛନ୍ତି। ଅପରପକ୍ଷରେ ଅନ୍ୟତମ ବରିଷ୍ଠ ନେତା ଗେହଲଟ ମଧ୍ୟ ଗାନ୍ଧୀ ପରିବାରର ଅତ୍ୟନ୍ତ ବିଶ୍ୱସ୍ତ। ଥରୁରୁ ପ୍ରାରମ୍ଭିକ ସମୟରେ ବିଦ୍ରୋହୀ ଜି-୨୩ ଗୋଷ୍ଠୀରେ ଅନ୍ତର୍ଭୁକ୍ତ ହୋଇଥିଲେ ହେଁ ପରେ ନୀରବ ରହିଯାଇଥିଲେ। ଏବର ସ୍ଥିତିରେ ଗେହଲଟ ଓ ଥରୁରଙ୍କ ମଧ୍ୟରୁ ଯିଏ ବି ଜିତିଲେ ହାଇକମାଣ୍ଡ ବେତ ଗାନ୍ଧୀ ମାତା-ପୁତ୍ରଙ୍କ ହାତରେ ଆହୁରି ଟାଣୁଆ ହୋଇଯିବ। ରାଜନୈତିକ ବିଶେଷଜ୍ଞଙ୍କ ମତରେ ଏବେ ଅଧ୍ୟକ୍ଷ ପଦ ଲାଗି ଯେଉଁସବୁ ଅଗ୍ରଗତି ହେଉଛି ତାହା ଏକ ନାଟକ ପରି ଲାଗୁଛି। ବାସ୍ତବରେ କଂଗ୍ରେସକୁ ସୁଦୃଢ଼ କରିବାକୁ ଯଦି ଏହାର ନେତାମାନେ ଚାହାଁନ୍ତେ, ତାହା ହେଲେ ନିର୍ବାଚନକୁ ସ୍ବଚ୍ଛ ଓ ଚାପବିହୀନ କରାଯାଇପାରନ୍ତା। ଭାରତୀୟ ଜନତା ପାର୍ଟି (ଭାଜପା) ପରିବାରବାଦ କଥା ଉଠାଇ କଂଗ୍ରେସକୁ ସମାଲୋଚନା କରିଚାଲିଛି। ଏମିତି ଦେଖିଲେ ସବୁ ଦଳ ଓ ସବୁ ବୃତ୍ତିରେ ପରିବାରବାଦର ପ୍ରଭାବ ରହିଛି। କିନ୍ତୁ ତାହାକୁ ନେଇ ଆଣି ଥୋଇପାରୁଥିବା ବ୍ୟକ୍ତି ସଫଳ ହୋଇଥାଆନ୍ତି। ଯେହେତୁ କଂଗ୍ରେସର ବହୁ ନେତା ଚାଟୁକାର ପାଲଟି ଯାଉଛନ୍ତି, ସେହେତୁ ଭିନ୍ନ ସ୍ବର ଶୁଣିବାକୁ ମିଳୁ ନାହିଁ। ଯେଉଁ କେତେ ଜଣ ବିଦ୍ରୋହ କରୁଥିଲେ ସେମାନଙ୍କ ମଧ୍ୟରେ ନିର୍ମଳ ଭାବମୂର୍ତ୍ତି ଥିବା ନେତାଙ୍କ ଅଭାବ ଥିବାରୁ ସେହି ଅଭିଯାନ ଆରମ୍ଭରୁ ପେଙ୍ଗା ହୋଇଗଲା। ଏଭଳି ସମୟରେ କଂଗ୍ରେସ ନେତାମାନେ ବାରମ୍ବାର ଚିନ୍ତନ ବୈଠକ ଓ ଆତ୍ମସମୀକ୍ଷା ବିଷୟକୁ ନ ଦୋହରାଇ ଲୋକଙ୍କ ସହିତ ବାସ୍ତବତା ଦୃଷ୍ଟିରୁ ଯୋଡ଼ି ହେବାକୁ ଚାହିଁଲେ ହୁଏତ କିଛି ପରିବର୍ତ୍ତନ ଆସିପାରନ୍ତା। ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି, ଯେତେ ଯାଏ ଗାନ୍ଧୀ ପରିବାର ନିଜ ଲୋଭ ଛାଡ଼ି ଦଳର ମଙ୍ଗଳ ଚିନ୍ତା ନ କରିବେ, ସେପର୍ଯ୍ୟନ୍ତ ପରିବର୍ତ୍ତନ ଆସିପାରିବ ନାହିଁ। ଆଉ ପାଦେ ଆଗକୁ ଯାଇ କହିହେବ ଯେ, ଗାନ୍ଧୀ ପରିବାର ପାଇଁ ଲୋଭ ଛାଡ଼ିବା ଅସମ୍ଭବ।


Enter your email to get our daily news in your inbox.

All Right Reserved By Dharitri.Com

ଉତ୍ତର ଲୋଡ଼ା

ଆକାର ପଟେଲ ପ୍ରଥମ ଥର ପାଇଁ ଭାରତର ଅନେକ ଅଞ୍ଚଳରେ ତେଲ ଦର ୧୦୦ ଟଙ୍କା ଟପିଯାଇଛି। ସମାନ୍ତରାଳ ଭାବେ ସରକାର ଏବେ ସଂଗ୍ରହ କରୁଥିବା...

କଲେଜପଢ଼ୁଆ ମେୟର

ଜଣେ ୨୧ ବର୍ଷ ବୟସରେ ମେୟର ଭଳି ଏକ ଗୁରୁତ୍ୱପୂର୍ଣ୍ଣ ପଦବୀରେ ବସିବା ବିଷୟ ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ। କଲେଜପଢ଼ୁଆ ଝିଅ...

ଏଇ ଭାରତରେ

ଜଣେ ମହିଳା ଚାଷୀ ବର୍ଷକୁ ୩୦ ଲକ୍ଷରୁ ଅଧିତ୍କ ଟଙ୍କା ରୋଜଗାର କରି ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛନ୍ତି। ମହାରାଷ୍ଟ୍ରର ଏହି ଚାଷୀ ହେଉଛନ୍ତି ସଙ୍ଗୀତା...

ଗୋରୁଙ୍କ ମାରାତ୍ମକ ଯକ୍ଷ୍ମା

ପରିବେଶ ପରିଚିନ୍ତା/ମାନେକା ଗାନ୍ଧୀ ଆମେ ଗୋଟିଏ ରୋଗକୁ ପ୍ରାଣଘାତକ ମନେକରି ଭୟଭୀତ ହେଉ କିନ୍ତୁ ଏମିତି ଅନେକ ରୋଗ ଯାହାକୁ ଭୟ କରିବା ଉଚିତ ତାହାକୁ...

ଭୂତଳ ନୁହେଁ, ଭୂପୃଷ୍ଠ

ପୃଥିବୀକୁ ନୀଳ ଗ୍ରହର ଆଖ୍ୟା ଦିଆଯାଇଛି। କାରଣ ଭୂପୃଷ୍ଠରେ ନୀଳ ସାଗର ବହିବା ସହ ଏହା ୭୧ ପ୍ରତିଶତ ଜଳଧାରଣ କରିଛି। ଅନ୍ୟପକ୍ଷରେ ଦିନକୁ ଦିନ...

Dillip Cherian

ସଙ୍କୁଚିତ କ୍ଷେତ୍ର

ପ୍ରଶାସନରେ ଆଇଏଏସ୍‌ଙ୍କ ସମ୍ମାନଜନକ କ୍ଷେତ୍ର ଏବେ ସଙ୍କୁଚିତ ହେଉଛି କି? ହିଁ, ନିଶ୍ଚିତ ଭାବେ ଏହା ଘଟୁଛି। ମୋଦି ସରକାର କ୍ଷମତାକୁ ଆସିବା ପର ବର୍ଷଗୁଡ଼ିକରେ...

ଦୃଷ୍ଟି ଓ ଦୃଷ୍ଟିଭଙ୍ଗୀ

ଘାସିରାମ ପଣ୍ଡା ଚଉସ୍ତରି ମସିହା ପୂର୍ବରୁ ଆମ ଗାଁରେ ବିଦ୍ୟାଳୟ ନ ଥିଲା। ଗାଁ ଲୋକଙ୍କ ପ୍ରୟାସରେ ଝାଟିମାଟିର ଘର କରି ଚାଳିଆରେ ବିଦ୍ୟାଳୟ ଆରମ୍ଭ...

ଚାଇନା ଦେଖୁଛି

ଯୁକ୍ରେନ୍‌ ଉପରେ ରୁଷର ଆକ୍ରମଣ ୧୩ ଦିନ ଅତିକ୍ରମ କରିଗଲାଣି। ତଥାପି ଉଭୟ ଦେଶ ପଛଘୁଞ୍ଚା ଦେଉନାହାନ୍ତି। ଏହାଦ୍ୱାରା ଭୂରାଜନୈତିକ ସ୍ଥିତି ବିଗିଡ଼ିବାରେ ଲାଗିଛି। ସବୁ...

Advertisement
Archives

Model This Week