ଦେଶ ବିରୋଧୀ

ସେପ୍ଟେମ୍ବର ୧୯ରେ ଗୁଜରାଟର ମୁନ୍ଦ୍ରା ବନ୍ଦରରୁ ରାଜସ୍ବ ଗୋଇନ୍ଦା ବିଭାଗ(ଡିଆର୍‌ଆଇ) ୪୮ କୋଟି ଟଙ୍କାର ଇ-ସିଗାରେଟ ଷ୍ଟିକ୍‌ ଜବତ କରିଛି। ଗୁଜରାଟରେ ଚଳିତ ମାସରେ ଇ-ସିଗାରେଟ ଜବତ ହେବା ଦ୍ୱିତୀୟ ଘଟଣା। ସେପ୍ଟେମ୍ବର ୫ରେ ଡିଆର୍‌ଆଇ ସୁରଟ ନିକଟରୁ ୨୦ କୋଟି ଟଙ୍କାର ଇ-ସିଗାରେଟ ବୋଝେଇ ଟ୍ରକ୍‌ ଜବତ କରିଥିଲା ।
ମୁନ୍ଦ୍ରାରୁ ଜବତ ହୋଇଥିବା ଉକ୍ତ ସିଗାରେଟ ଚାଇନା ନିର୍ମିତ ୟୁଟୋ ବ୍ରାଣ୍ଡ୍‌ର। ଭାରତୀୟ କିଶୋର ଓ ଯୁବପିଢ଼ି ଇ-ସିଗାରେଟ ପ୍ରତି ଅତ୍ୟଧିକ ଆସକ୍ତ ହେଉଥିବା ଲକ୍ଷ୍ୟ କରି ସେପ୍ଟେମ୍ବର ୨୦୧୯ରୁ ଏହାର ଉତ୍ପାଦନ, ଆମଦାନୀ , ରପ୍ତାନି, ବିକ୍ରି , ବିତରଣ ଓ ବିଜ୍ଞାପନକୁ ଭାରତ ସରକାର ନିଷେଧ କରିଥିଲେ। ଏଠାରେ ଉଲ୍ଲେଖ କରାଯାଇପାରେ ଯେ, ପୃଥିବୀର ୪୭ ଦେଶ ଇ-ସିଗାରେଟ ବ୍ୟାନ୍‌ କରିଛନ୍ତି। କିନ୍ତୁ ସେମାନଙ୍କ ମଧ୍ୟରେ କୌଣସି ପ୍ରମୁଖ ପାଶ୍ଚାତ୍ୟ ରାଷ୍ଟ୍ର ନାହାନ୍ତି। ଇ-ସିଗାରେଟ ପାନକୁ ଭେପିଂ ମଧ୍ୟ କୁହାଯାଏ। ମୁଖ୍ୟତଃ ଏହା କିଶୋରମାନଙ୍କ ମସ୍ତିଷ୍କ ବିକାଶରେ ବାଧା ସୃଷ୍ଟି କରିବା ସହ ସେମାନଙ୍କ ଶାରୀରିକ ଅବସ୍ଥାକୁ ପ୍ରଭାବିତ କରୁଥିବାରୁ ସେତେବେଳେ ଇ-ସିଗାରେଟ ନିଷେଧ କରାଯାଇଥିବା ସ୍ପଷ୍ଟ କରାଯାଇଥିଲା। ଉଲ୍ଲେଖଯୋଗ୍ୟ, ଭାରତ ଯୁବକମାନଙ୍କ ଦେଶ। ବିଶ୍ୱରେ ୧୦ରୁ ୨୪ ବର୍ଷ ବୟସ ମଧ୍ୟରେ କିଶୋର ଓ ଯୁବକଙ୍କ ସଂଖ୍ୟା ଭାରତରେ ସର୍ବାଧିକ ।
ଏମାନେ ରାଷ୍ଟ୍ରର ସମ୍ବଳ। ନିଶା କବଳରୁ ଏମାନଙ୍କୁ ବଞ୍ଚାଇବା ଲକ୍ଷ୍ୟରେ ଇ-ସିଗାରେଟ ନିଷେଧ କରିବା ଏକ ସୁପଦକ୍ଷେପ। କିନ୍ତୁ ତାହାର କାର୍ଯ୍ୟକାରିତା ଉପରେ ସବୁବେଳେ ପ୍ରଶ୍ନ ଉଠିଛି ଓ ଚୋରା କାରବାର ଉପରେ ସମ୍ପୂର୍ଣ୍ଣ ଅଙ୍କୁଶ ଲଗାଯାଇପାରୁନାହିଁ। ନିଷେଧ କରାଯିବା ସତ୍ତ୍ୱେ ଏହା ବିଦେଶରୁ ଆସୁଥିବାର ପ୍ରମାଣ ଏବେ ଦୁଇଟି ଘଟଣାରୁ ସ୍ପଷ୍ଟ ହୋଇଛି। ୧୫ ଦିନ ବ୍ୟବଧାନରେ ଏତେ ପରିମାଣରେ ଇ-ସିଗାରେଟ ଭାରତକୁ ଆସିବା ଚିନ୍ତାଜନକ ବିଷୟ।
କେବଳ ଇ-ସିଗାରେଟ ନୁହେଁ, ହେରୋଇନ ଆଦି ମାଦକଦ୍ରବ୍ୟ ମଧ୍ୟ ଜବତ ହେବାରେ ଗୁଜରାଟ ସବୁବେଳେ ଚର୍ଚ୍ଚାରେ ରହିଛି। ଗତବର୍ଷ ସମାନ ତାରିଖ ଅର୍ଥାତ୍‌ ସେପ୍ଟେମ୍ବର ୧୯ରେ ଆଦାନୀ ଗ୍ରୁପ ମାଲିକାନାରେ ଥିବା ଉକ୍ତ ମୁନ୍ଦ୍ରା ବନ୍ଦରରୁ ୩,୦୦୦ କେଜି ହେରୋଇନ ଜବତ କରାଯାଇଥିଲା; ଯାହାର ମୂଲ୍ୟ ପାଖାପାଖି ୨୧,୦୦୦ କୋଟି ଟଙ୍କା। ଗୁଜରାଟ ମାରାତ୍ମକ ନିଶାଦ୍ରବ୍ୟ ଚୋରା କାରବାର କେନ୍ଦ୍ର ବୋଲି ଏହି ଘଟଣାଗୁଡ଼ିକ ସୂଚାଉଛି। ଅନ୍ୟପକ୍ଷରେ ଗୁଜରାଟରେ ମଦ ବିକ୍ରି ହୁଏ ନାହିଁ ବୋଲି ଦାବି କରି ତାହାକୁ ଭାରତର ‘ଡ୍ରାଏ ଷ୍ଟେଟ୍‌’ ଆଖ୍ୟା ଦିଆଯାଇଛି। କିନ୍ତୁ ସେହି ରାଜ୍ୟରୁ ଜବତ ମାଦକ ଦ୍ରବ୍ୟର ପରିମାଣକୁ ଦେଖିଲେ ମନେହେଉଛି ଯେପରି ଗୁଜରାଟ ନିଶାଦ୍ରବ୍ୟର ପେଣ୍ଠସ୍ଥଳୀ। ଫୋର୍ବସ୍‌ ମାଗାଜିନ ପକ୍ଷରୁ କରାଯାଇଥିବା ବିଶ୍ୱର ଧନୀ ବ୍ୟକ୍ତିବିଶେଷଙ୍କ ତାଲିକାରେ ଦ୍ୱିତୀୟ ସ୍ଥାନରେ ରହିଛନ୍ତି ଗୌତମ ଆଦାନୀ। ହେଲେ ତାଙ୍କ ଦ୍ୱାରା ପରିଚାଳିତ ଏହି ବନ୍ଦରରୁ ବାରମ୍ବାର ନିଶାଦ୍ରବ୍ୟ ଜବତ ହେବା ହେତୁ ମନେହେଉଛି ଯେପରି ଧନ ବଳରେ ପ୍ରଶାସନ ଓ ଆଇନ ବ୍ୟବସ୍ଥାକୁ ହାତେଇ ନେଇ ଦେଶର ଯୁବପିଢ଼ିର ପ୍ରବଳ କ୍ଷତି ଘଟାଯାଉଛି। ଏଭଳି ମାରାତ୍ମକ କାର୍ଯ୍ୟକୁ ଯେକୌଣସି ସଂଗଠନ ବା ରାଜନୈତିକ ବ୍ୟକ୍ତି ସମର୍ଥନ କରୁଛନ୍ତି, ସେମାନେ ଏବେ ସର୍ବୋଚ୍ଚ ଦେଶ ବିରୋଧୀ ଭାବେ ଗଣାହେବା କଥା।


Enter your email to get our daily news in your inbox.

All Right Reserved By Dharitri.Com

ମୁଁ ଭୋଟ ଦେଲି କାହିଁକି

ଆକାର ପଟେଲ ବ୍ୟକ୍ତିଗତ ଭାବେ ଏ ନିର୍ବାଚନରେ କିଏ ଜିତିଲେ ବା ହାରିଲେ ମୋର କିଛି ଯାଏ ଆସେ ନାହିଁ। ମୁଁ ହେଉଛି ଜଣେ ମଧ୍ୟବୟସୀ...

ସୁନାବେଶେ ଉଭା ପ୍ରଭୁ କାଳିଆ ସାଆନ୍ତ

ଡ. କିଶୋର ମହାନ୍ତି ଶ୍ରୀକ୍ଷେତ୍ରରେ ବାରମାସରେ ତେରପର୍ବ ଅପୂର୍ବ ଓ ଅବର୍ଣ୍ଣନୀୟ, ଯେଉଁଥିରେ ପ୍ରଭୁ ଶ୍ରୀଜଗନ୍ନାଥଙ୍କର ବିଭିନ୍ନ ପ୍ରକାର ବର୍ଣ୍ଣିଳ ଭବ୍ୟ ରୂପ ଶ୍ରଦ୍ଧାଳୁମାନଙ୍କର ମନକୁ...

ମନର ମାନଚିତ୍ର ଓ ଜାତିର ଚେତନା

ଉପେନ୍ଦ୍ର ବିଶ୍ୱାଳ ଚିର ମୌନ ଆଜି ‘ମନର ମାନଚିତ୍ର’ର ମଣିଷ। ଅଗଣିତ ପାଠକଙ୍କ ମନର ମଲାଟରେ ଆଙ୍କି ଚାଲିଥିଲେ ମୂଲ୍ୟବୋଧର ମାନଚିତ୍ର। ମହାନତାର ମନ୍ତ୍ରରେ ମନ୍ତ୍ରମୁଗ୍ଧ...

ଓଡ଼ିଶାରେ ଶିଳ୍ପ ସଂଯୋଗୀକରଣ

କିଶୋର ସାମଲ ସତୁରି ଦଶକରେ ଏକ ଭାବଧାରା ଯୁକ୍ତି ଦର୍ଶାଇଥିଲା ଯେ ଭାରତରେ କୃଷିର ବିକାଶରେ ଗ୍ରାମୀଣ ଅଣକୃଷିକ୍ଷେତ୍ର ଓ କ୍ଷୁଦ୍ରଶିଳ୍ପକୁ କଞ୍ଚାମାଲ ଯୋଗାଇ ପ୍ରତ୍ୟକ୍ଷ...

ଜେଏନ୍‌ୟୁ ଛାତ୍ର ଆନ୍ଦୋଳନକୁ ଦମନ

ବିଚିତ୍ର ବିଶ୍ୱାଳ ଗଣତନ୍ତ୍ରରେ ବିରୋଧୀ ମତକୁ ଚାପି ଦିଆଯିବା ଗଣତନ୍ତ୍ର ପ୍ରତି ଆଦୌ ଶୁଭଙ୍କର ନୁହେଁ। ଏହା ଧୀରେ ଧୀରେ ଆମ ଦେଶକୁ ସ୍ବେଚ୍ଛାଚାରିତା ଦିଗରେ...

ଚନ୍ଦ୍ର ଓ ସାମୁଦ୍ରିକ ଜୀବ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ଣ୍ଣମୀ ଜହ୍ନର ରୁପେଲି ଆଲୋକରେ ଆକାଶ ଯେତେବେଳେ ଆଲୋକିତ ହୋଇଯାଏ ସେତେବେଳେ ମୋତେ ଭାରି ଖୁସି ଲାଗେ। ଚନ୍ଦ୍ର କେମିତି...

ଏଇ ଭାରତରେ

ଶିକ୍ଷା ଦାନ ହିଁ ଶ୍ରେଷ୍ଠ ଦାନ, ଏହା ଉପଲବ୍ଧି କରିଛନ୍ତି ପ୍ରାଧ୍ୟାପକ ଲଳିତା ଶର୍ମା। ସେ ୫,୦୦୦ ବସ୍ତି ପିଲାଙ୍କୁ ଶିକ୍ଷାର ସ୍ରୋତରେ ସାମିଲ କରିପାରିଛନ୍ତି।...

Dillip Cherian

କି ପରିବର୍ତ୍ତନ

କେନ୍ଦ୍ର ସରକାରଙ୍କ ଦ୍ୱାରା ସଚିବସ୍ତରୀୟ ଅଦଳବଦଳ କରାଯାଇଛି। ଏଥିରେ ୯ଟି ମନ୍ତ୍ରଣାଳୟ ଓ ବିଭାଗକୁ ମିଳିଛି ନୂଆ ସଚିବ। କେନ୍ଦ୍ରରେ ଏ ପ୍ରକାର ପଦୋନ୍ନତି ଲାଗି...

Advertisement
Archives

Model This Week