ବଲିଉଡ୍ ଅଭିନେତା ଅକ୍ଷୟ କୁମାର ନିଜ ଫିଟ୍ନେସ୍କୁ ନେଇ ବେଶ୍ ସତର୍କ। କିନ୍ତୁ ଆଗାମୀ ଫିଲ୍ମ ‘ରକ୍ଷା ବନ୍ଧନ’ ପାଇଁ ଅକ୍ଷୟ ନିଜ ଫିଟ୍ନେସ୍କୁ କିଛିଟା ଜଳାଞ୍ଜଳି ଦେଇଛନ୍ତି। ଆନନ୍ଦ ଏଲ ରାୟଙ୍କ ଏହି ଫିଲ୍ମ ପାଇଁ ଅକ୍ଷୟ ଦିଲ୍ଲୀର ଜଣେ ବ୍ୟକ୍ତିଙ୍କ ଭୂମିକାରେ ଅଭିନୟ କରିବାକୁ ୫ କିଲୋ ଓଜନ ବଢାଇଛନ୍ତି। ଏବେ ତାଙ୍କର କିଛି ଫଟୋ ସୋସିଆଲ ମିଡିଆରେ ସାମ୍ନାକୁ ଆସିଛି, ଯେଉଁଥିରେ ତାଙ୍କର ବର୍ଦ୍ଧିତ ଓଜନ ଦୃଶ୍ୟମାନ ହେଉଛି। ରୋଚକ କଥା ହେଉଛି ‘ସୂର୍ଯ୍ୟବଂଶୀ’ରେ ଜଣେ ପୋଲିସ ଭୂମିକାରେ ଅଭିନୟ କରିବାକୁ ଅକ୍ଷୟଙ୍କୁ ୬ କିଲୋ ଓଜନ କମ୍ କରିବାକୁ ପଡିଥିଲା। ନିକଟରେ ଏକ ସାକ୍ଷାତକାରରେ ସେ କହିଛନ୍ତି, ମୁଁ ଏକ ଭୂମିକା ପାଇଁ ଓଜନ ହ୍ରାସ କରିବା କିମ୍ବା ବଢାଇବା ପ୍ରକ୍ରିୟାକୁ ଉପଭୋଗ କରେ, କାରଣ ମୁଁ ଜାଣେ କିପରି ଏହାକୁ ଏକ ସୁସ୍ଥ ଢଙ୍ଗରେ କରିବି। ମୁଁ ସ୍ବାଭାବିକ ଭାବରେ ୫ କିଲୋ ଓଜନ ବଢାଇଛି। ଏହା ମୋତେ ମା’ଙ୍କ ହାତରେ ତିଆରି କଦଳୀ ଖାଇବାର ଆନନ୍ଦ ମଧ୍ୟ ଦେଇଥିଲା। ମୁଁ ଭାଗ୍ୟବାନ!
ଆଜିକାଲି ଅକ୍ଷୟ କୁମାର ମୁମ୍ବାଇରେ ‘ରକ୍ଷା ବନ୍ଧନ’ର ଶୁଟିଂ କରୁଛନ୍ତି। ତାଙ୍କୁ ଫିଲ୍ମରେ ତାଙ୍କ ଭଉଣୀ ଭୂମିକାରେ ଅଭିନୟ କରୁଥିବା ପାଞ୍ଚଟି ନୂଆ ଚେହେରା ସହିତ ସ୍କ୍ରିନ ଶେୟାର କରୁଥିବା ଦେଖିବାକୁ ମିଳିବ। ଏହି ଚଳଚ୍ଚିତ୍ରରେ ଭୁମି ପେଡନେକର ଅକ୍ଷୟଙ୍କ ସହ ମୁଖ୍ୟ ଭୂମିକାରେ ଅଛନ୍ତି। ଆସନ୍ତା ବର୍ଷ ଏହି ଫିଲ୍ମ ରିଲିଜ କରିବାର ଯୋଜନା ରହିଛି।
