ଇସଲାମାବାଦ,୬।୯: ଆଗାମୀ ଆଇସିସି ଟି -୨୦ ବିଶ୍ୱକପ ପାଇଁ ପାକିସ୍ତାନ କ୍ରିକେଟ ବୋର୍ଡ ନିଜର ୧୫ ଜଣିଆ ଦଳ ଘୋଷଣା କରିଛି। କରୋନା ମହାମାରୀକୁ ଦୃଷ୍ଟିରେ ରଖି ପାକିସ୍ତାନ ତିନିଜଣ ରିଜର୍ଭ ଖେଳାଳିଙ୍କୁ ମଧ୍ୟ ଚୟନ କରିଛି। ୟୁଏଇ ଏବଂ ଓମାନରେ ଆସନ୍ତା ମାସରୁ ହେବାକୁ ଥିବା ଏହି ବଡ ଟୁର୍ନାମେଣ୍ଟ ପାଇଁ ପିସିବି ବାବର ଆଜାମଙ୍କୁ ଦଳର ଅଧିନାୟକ ଭାବରେ ନିଯୁକ୍ତ କରିଛି। ଆସିଫ ଅଲି ଏବଂ ଖୁସଦିଲ ଶାହା ଦଳକୁ ଫେରିଛନ୍ତି। ବହୁ ଅଭିଜ୍ଞ ଖେଳାଳି ତଥା ପୂର୍ବତନ ଅଧିନାୟକ ଶୋଏବ ମଲିକ ଏବଂ ସରଫରାଜ ଅହମ୍ମଦ ଦଳରେ ସ୍ଥାନ ପାଇନାହାଁନ୍ତି। ଏହା ପ୍ରଥମ ଥର ହେବ ଯେ ପାକିସ୍ତାନ ଦଳ ଶୋଏବ ମଲିକଙ୍କ ବିନା ଟି -୨୦ ବିଶ୍ୱକପ ଖେଳିବ। ୨୦୦୭ ମସିହାରୁ ଆରମ୍ଭ ହୋଇଥିବା ଏହି ଟୁର୍ନାମେଣ୍ଟରେ ଶୋଏବ ମଲିକ ପ୍ରତ୍ୟେକ ଥର ପାକିସ୍ତାନ ଦଳର ଏକ ଅଂଶ ହୋଇଆସୁଛନ୍ତି।
ପାକିସ୍ତାନ ଦଳ
ବାବର ଆଜାମ (ଅଧିନାୟକ), ଶାଦବ ଖାନ (ଉପ-ଅଧିନାୟକ), ଇମାଦ ୱାସିମ, ମହମ୍ମଦ ରିଜୱାନ (ଉ), ଖୁସଦିଲ ଶାହ, ମହମ୍ମଦ ୱାସିମ ଜୁନିୟର, ଆସିଫ ଅଲ୍ଲୀ, ମହମ୍ମଦ ହଫିଜ୍, ଶାହିନ ଆଫ୍ରିଦ, ଆଜମ ଖାନ, ମହମ୍ମଦ ହସନୈନ, ସୋହେବ ମକସୁଦ, ହାରିସ ରୌଫ, ମହମ୍ମଦ ନୱାଜ ଏବଂ ହାସନ ଅଲି।
ରିଜର୍ଭ ଖେଳାଳି: ଫଖର ଜମାନ, ଶାହନାୱାଜ ଡାହନି ଏବଂ ଉସମାନ କାଦିର
Asif and Khushdil return for ICC Men's T20 World Cup 2021
More details ➡️ https://t.co/vStLml8yKw#PAKvNZ | #PAKvENG | #T20WorldCup pic.twitter.com/9samGbJgDJ
— PCB Media (@TheRealPCBMedia) September 6, 2021
