କଟକ ଅଫିସ,୧୬।୪: କଟକ ବଡ଼ ଡାକ୍ତରଖାନାରୁ ଗତ ଶନିବାର ଫେରାର ହୋଇଥିବା କୁଖ୍ୟାତ ଅପରାଧୀ ଶେକ୍ ହାଇଦରଙ୍କୁ ହାଇଦ୍ରାବାଦରୁ ଗୁରୁବାର ସନ୍ଧ୍ୟାରେ ଧରା ଯାଇଥିଲା। ତେବେ ଶୁକ୍ରବାର ବିମାନରେ ତେଲେଙ୍ଗାନାରୁ ଓଡ଼ିଶା ଆଣିଥିଲା କମିଶନରେଟ୍ ପୋଲିସ। କଡ଼ା ସୁରକ୍ଷା ବଳୟ ମଧ୍ୟରେ ହାଇଦରଙ୍କୁ ଭୁବନେଶ୍ୱରରୁ କଟକ ଡିସିପି କାର୍ଯ୍ୟାଳୟଙ୍କୁ ଅଣାଯାଇ ପଚରାଉଚରା କରାଯାଉଛି।
ସୂଚନାଯୋଗ୍ୟ,ସମ୍ବଲପୁର ଜେଲ୍ରେ ଆଜୀବନ କାରାଦଣ୍ଡ ଭୋଗୁଥିବା ହାଇଦର ଶାରୀରିକ ଅସୁସ୍ଥତା ଦର୍ଶାଇ ପ୍ରଥମେ ଭିମସାର ମେଡିକାଲ ଏବଂ ପରେ କଟକ ବଡ଼ ମେଡିକାଲରେ ଭର୍ତ୍ତି ହୋଇଥିଲେ। ତାଙ୍କୁ ଜଗିବା ପାଇଁ ଜଣେ ହାବିଲଦାର ଏବଂ ୫ ଜଣ କନଷ୍ଟେବଳ ସାଙ୍ଗରେ ଆସିଥିଲେ। ତେବେ ଗତ ୧୦ ତାରିଖରେ ହାଇଦର କନଷ୍ଟେବଳଙ୍କୁ ନିଶା ଦେଇ ଖସି ଯିବାରେ ସକ୍ଷମ ହୋଇଥିଲେ।
