ମୁମ୍ବାଇ: ବଲିଉଡର ‘ଗ୍ରୀକ ଗଡ୍’ ହ୍ରିତିକ ରୋଶନ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ। ଏହା ପଛରେ ରହିଛି ତାଙ୍କର ଏକ ରହସ୍ୟମୟ ସୋସିଆଲ ମିଡିଆ ପୋଷ୍ଟ । ପ୍ରଥମ ପତ୍ନୀଙ୍କଠାରୁ ଅଲଗା ହେବା ପରେ ଅଭିନେତ୍ରୀ ସବା ଆଜାଦଙ୍କୁ ଡେଟ୍ କରି ଆସୁଥିଲେ ସେ। ହେଲେ ଏବେ ତାଙ୍କର ପୋଷ୍ଟକୁ ଦେଖି ଭ୍ୟାଲେଣ୍ଟାଇନ୍ ଡେ’ ପୂର୍ବରୁ ସେ ଏକା ହୋଇଯାଇଥିବା କୁହାଯାଉଛି।
ନିକଟରେ ହ୍ରିତିକ ନିଜ ଇନଷ୍ଟାଗ୍ରାମରେ ଏକ ସୁନ୍ଦର ଫଟୋ ଶେୟାର କରିଛନ୍ତି, ଯେଉଁଥିରେ ସେ ହ୍ରଦ ଏବଂ ପାହାଡ଼ ସମ୍ମୁଖରେ ପୋଜ ଦେଉଥିବାର ଦେଖାଯାଉଛନ୍ତି। କିନ୍ତୁ ଫଟୋ ଅପେକ୍ଷା ତାଙ୍କର କ୍ୟାପସନ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଲେଖକ ୱେଣ୍ଡେଲ ବେରୀଙ୍କ ପୁସ୍ତକ ’ଦ ପିସ୍ ଅଫ୍ ୱାଇଲ୍ଡ ଥିଙ୍ଗସ’ରୁ ପ୍ରେରିତ କିଛି ଧାଡ଼ି ସେ ଲେଖିଛନ୍ତି, ଯେଉଁଥିରେ ସେ ‘ମୁକ୍ତ ହେବା’ ଏବଂ ’ପରିବର୍ତ୍ତନ’ ବିଷୟରେ ଉଲ୍ଲେଖ କରିଛନ୍ତି। ଏହି ପୋଷ୍ଟଟି ବଲିଉଡରେ ହଲଚଲ ସୃଷ୍ଟି କରିଛି।
ଏହାକୁ ଦେଖି ପ୍ରଶଂସକମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି। କେହି କେହି କହୁଛନ୍ତି କି ହ୍ରିତିକ ଏବେ ସଂସାରର ମୋହ ମାୟାରୁ ମୁକ୍ତି ଚାହୁଁଛନ୍ତି। ତାଙ୍କ ଗର୍ଲଫ୍ରେଣ୍ଡ ସବା ଆଜାଦ ମଧ୍ୟ ଏହି ପୋଷ୍ଟରେ କମେଣ୍ଟ କରି ପଚାରିଛନ୍ତି ଯେ ଏହା ସେହି ନୋଭେଲରୁ ପ୍ରେରିତ କି?
ଅଭିନୟ ଜୀବନ କହିଲେ, ଫିଲ୍ମ ‘ଡନ୍ ୩’କୁ ନେଇ ରଣବୀର ସିଂ ଏବଂ ଏକ୍ସେଲ ଏଣ୍ଟରଟେନ୍ମେଣ୍ଟ ମଧ୍ୟରେ ଚାଲିଥିବା ବିବାଦରେ ହ୍ରିତିକଙ୍କ ନାମ ଯୋଡ଼ା ଯାଉଥିଲା। କୁହାଯାଉଥିଲା ଯେ ହୃତିକ ବୋଧହୁଏ ରଣବୀରଙ୍କ ସ୍ଥାନ ନେଇପାରନ୍ତି। ତେବେ ହୃତିକ ଏହାକୁ ସମ୍ପୂର୍ଣ୍ଣ ଗୁଜବବୋଲି କହିଛନ୍ତି। ଏହି ସବୁ ଚର୍ଚ୍ଚା ମଧ୍ୟରେ ହ୍ରିତିକଙ୍କ ଆଗାମୀ ବ୍ଲକବଷ୍ଟର ଫିଲ୍ମ ‘କ୍ରିଶ ୪’ (Krrish ୪)କୁ ନେଇ ଦର୍ଶକମାନେ ବେଶ ଉତ୍ସାହିତ ଅଛନ୍ତି। ଅନେକ ବର୍ଷର ଅପେକ୍ଷା ପରେ ଏହି ସୁପରହିରୋ ଫିଲ୍ମର କାମ ଆଗକୁ ବଢ଼ୁଥିବାର ସୂଚନା ମିଳୁଛି।
