ରୋଷେଇ ଘରର ସିଙ୍କ ଜାମ୍ ହୋଇଥିଲେ ଏକ ବଡ଼ ଚାମଚ ବେକିଂ ସୋଢା, ଏକ ଚାମଚ ଭିନେଗାର, ଏକ ଚାମଚ ବ୍ଲିଚିଂ ମିଶାଇ ପକାଇ ଦିଅନ୍ତୁ। କିଛି ସମୟ ମଧ୍ୟରେ ପାଇପ୍ରେ ଥିବା ମଇଳା ଚାଲିଯିବ।
ବହୁଦିନ ଧରି ଘର ବନ୍ଦ ରହିବା ଫଳରେ ଯଦି ଘର ଦୁର୍ଗନ୍ଧ ହେଉଥାଏ ତେବେ ତୁରନ୍ତ ଘରର କବାଟ ଝରକା ସବୁ ଖୋଲି ଦିଅନ୍ତୁ। ପ୍ରତିଦିନ ସକାଳ ଓ ସା ସମୟରେ କବାଟ ଝରକା ଖୋଲା ରଖନ୍ତୁ, ଘର ଭିତରକୁ ମୁକ୍ତ ବାୟୁ ପ୍ରବେଶ କରିବ।
ଫ୍ରିଜରେ କୌଣସି ପରିବା ଓ ଫଳ ପଚି ଗନ୍ଧ ହେଉଥିଲେ ତୁରନ୍ତ ବାହାର କରି ଫିଙ୍ଗି ଦିଅନ୍ତୁ। ଫ୍ରିଜ୍ ଗନ୍ଧ ହେଉଥିବା ସମୟରେ ସେଥିରେ କୌଣସି ରନ୍ଧା ଖାଦ୍ୟ ରଖନ୍ତୁ ନାହିଁ। ଫ୍ରିଜ୍ ସଫା କରିବା ପରେ ବି ସେଥିରୁ ଯଦି ଗନ୍ଧ ହେଉଥାଏ ତେବେ ସେଥିରେ ଏକ ଲେମ୍ବୁକୁ କାଟି ରଖି ଦିଅନ୍ତୁ।
ଘରର ଦୁର୍ଗନ୍ଧ ଦୂର କରିବା ପାଇଁ ଘରେ ଡାଳଚିନି, ଲବଙ୍ଗକୁ ପାଣିରେ ଫୁଟାଇ କିଛି ସମୟ ପରେ ସେହି ପାଣିକୁ ରୁମ୍ ଫ୍ରେଶନର୍ ଭଳି ବ୍ୟବହାର କରିପାରିବେ।
ଡ୍ରେସ ସଫା କରିବା ସମୟରେ ପାଣିରେ କିଛି ବେକିଂ ସୋଢା ପକାଇ ଦିଅନ୍ତୁ। କପଡାର ଗନ୍ଧ ରହିବ ନାହିଁ।
