ମେଷ
ଆଜି ଶୁକ୍ରଙ୍କ ପ୍ରଭାବରୁ ସକାଳୁ ସକାଳୁ ଯେଉଁ କାମ ଆରମ୍ଭ କରିବେ, ସେଥିରେ ନିଶ୍ଚିତ ସଫଳତା ମିଳିବ। ଯେଉଁ କାମରେ ହାତ ଦେଇଛନ୍ତି ତାହା ନିର୍ବିଘ୍ନରେ ସମାପନ ହୋଇପାରିବ। ଲ -ନାମାକ୍ଷର ବ୍ୟକ୍ତିଙ୍କ ମନୋମାଳିନ୍ୟଜନିତ ବିବାଦ ବଢ଼ିପାରେ। ଜିନିଷପତ୍ର ପ୍ରତି ସତର୍କ ରୁହନ୍ତୁ, ନତୁବା ପରେ ଅନୁତାପ କରିବାକୁ ପଡ଼ିପାରେ।
ବୃଷ
ଏକାଧିକ ଗ୍ରହଯୁକ୍ତ ଚନ୍ଦ୍ର ହେତୁ ଆଜି ନିରୁତ୍ସାହିତ ରହିବେ। ଉପକୃତ ହୋଇଥିବା ନିଜର ଲୋକମାନେ ମଧ୍ୟ କ୍ରମଶଃ ଦୂରେଇ ଯାଉଥିବାର ଲକ୍ଷ୍ୟ କରିବେ। ଆର୍ଥିକ ସମସ୍ୟା ଦୂରେଇବାରେ ଜଣେ ବିଜାତୀୟ ବନ୍ଧୁ ସାହାଯ୍ୟ କରିପାରନ୍ତି। ଅତୀତରେ ଘଟିଯାଇଥିବା ପରିସ୍ଥିତିକୁ ଯେତିକି ଜଟିଳ ମନେକରୁଛନ୍ତି ବାସ୍ତବରେ ସେପରି କିଛି ହେବନି।
ମିଥୁନ
କୋଣସ୍ଥକେତୁ ଗ୍ରହ କାମ ହାସଲ କରିବା ସକାଶେ ପ୍ରତିକୂଳ ବାତାବରଣ ସୃଷ୍ଟି କରିବ। ଆର୍ଥତ୍କ ସଙ୍କଟ ରହିବ ନାହିଁ। ପଡ଼ୋଶୀ କେହି ପ୍ରତିବାଦର ସ୍ବର ଉଠାଇଲେ ମଧ୍ୟ ଅନ୍ୟମାନେ ସପକ୍ଷରେ ମତ ଦେବେ। ମୃଗଶିରା ନକ୍ଷତ୍ର ସୁଯୋଗ ପାଇଲେ ମଧ୍ୟ ସଦ୍ବ୍ୟବହାର କରିବା କାଠିକର ହେବ।
କର୍କଟ
କର୍ମଜଞ୍ଜାଳ ବୃଦ୍ଧି ଯୋଗୁ ସ୍ବାସ୍ଥ୍ୟ ଭଲ ରହିଲେ ମଧ୍ୟ ମାନସିକ ଅସ୍ଥିରତା ଲାଗି ରହିବ। ପୁଷ୍ୟା ନକ୍ଷତ୍ରଜାତ ବ୍ୟକ୍ତି ସକାଶେ ଶାସ୍ତ୍ରାଲୋଚନା, ଅର୍ଥଲାଭ ଓ ନୂତନ କର୍ମାରମ୍ଭରେ ସଫଳତା ମିଳିବ। ଯାତ୍ରା ସମୟରେ ଅଜଣା ଅଶୁଣା ବ୍ୟକ୍ତିଙ୍କଠାରୁ ଦୂରେଇ ରହିବା ଭଲ। ଯାନବାହନ ଚାଳନାରେ ସତର୍କତା ଅବଲମ୍ବନ କରିବା ଠିକ୍ ହେବ।
ସି˚ହ
ପରିସ୍ଥିତିବଶତଃ ଅଧିକାଂଶ ସମୟ ବାହାରେ ରହିବା କାରଣରୁ ମନ ଚିନ୍ତାକୂଳ ରହିବ। ଉତ୍ତରାଫାଲ୍ଗୁନୀ ନକ୍ଷତ୍ରର କାମ ସବୁ ବିଳମ୍ବରେ ହେଉଥିବାରୁ ଉଦ୍ବେଗ ପ୍ରକାଶ କରିବେ। ଆଜି ଭ୍ରାତୃ ସମ୍ପର୍କୀୟ ଜଣେ ବନ୍ଧୁ ସାହାଯ୍ୟର ପ୍ରତିଶ୍ରୁତି ଦେବେ। ଶାରୀରିକ ଅବସ୍ଥାରେ ଉନ୍ନତି ଘଟିବ କିନ୍ତୁ ସନ୍ତାନଙ୍କ କାର୍ଯ୍ୟକଳାପରେ ଅସନ୍ତୋଷ ରହିବେ।
କନ୍ୟା
ସମୟ ଉଣ୍ଡି ଉଚିତ ପଦକ୍ଷେପ ନେବା କାରଣରୁ କୃତକାର୍ଯ୍ୟ ହୋଇପାରିବେ। ସମ୍ପର୍କୀୟଙ୍କ ଭଲ କରିବାକୁ ଯାଇ କଷ୍ଟ ସ୍ବୀକାର କରିବାକୁ ପଡ଼ିପାରେ। ହସ୍ତା ନକ୍ଷତ୍ରର ଚିନ୍ତା କରିଥିବା କାମଗୁଡ଼ିକ ବାସ୍ତବରେ ଓଲଟା ହେବ। ଅନ୍ୟମନସ୍କ କିମ୍ବା ଅସାବଧାନତାଜନିତ ଦ୍ରବ୍ୟ ନଷ୍ଟ କିମ୍ବା ଧନହାନି ଘଟିବା କାରଣରୁ ଦୁଃଖ ପ୍ରକାଶ କରିପାରନ୍ତି।
ତୁଳା
ଅଧିକାଂଶ ସମୟ ନିରୋଳାରେ ଅବସ୍ଥାନ କରିବା ଦ୍ୱାରା ଭାବୁକ ପାଲଟି ଯାଇପାରନ୍ତି। ମନରେ ବିଭିନ୍ନ ଭାବନା ହେତୁ ସବୁ ସମୟରେ କ’ଣ ନା କ’ଣ ଚିନ୍ତା କରିବେ। ହାତକୁ ନେଇଥିବା କାମଟିକୁ ଶେଷ କରିବାରେ ସମୟ ଲାଗିବ। ଆଜି ପ୍ରତ୍ୟାବର୍ତ୍ତନ ସମୟରେ ଆପଣ କହିଥିବା ଜିନିଷଟି ଧରି ଘରକୁ ନିଶ୍ଚୟ ଆସିବେ।
ବିଛା
ଅନ୍ୟମାନଙ୍କୁ ଭରସା କଲେ ଖାଲରେ ପଡ଼ିବେ। ପରିବାର ଭିତରେ ସନ୍ଦେହ ଓ ଭୁଲ୍ ବୁଝାମଣା ହେତୁ ସମସ୍ୟା ବଢ଼ିପାରେ। ବାଧ୍ୟବାଧକତାରେ କିମ୍ବା ପରିସ୍ଥିତିବଶତଃ କେତେକ କାମ କରିବାକୁ ମନ ବଳାଇବେ। ଅନୁରାଧା ସକାଶେ ସମ୍ପର୍କୀୟମାନେ ଉପରେ ସ୍ନେହ, ଶ୍ରଦ୍ଧା ଦେଖାଇ ଭିତରେ ଭିତରେ ଚେର କାଟିପାରନ୍ତି।
ଧନୁ
କାହାକୁ କିଛି କହି ନ ପାରି ନିଜେ ହଇରାଣରେ ପଡ଼ିପାରନ୍ତି। ଏଣେ ଦୈହିକ ଦୁର୍ବଳତା କର୍ମକ୍ଷେତ୍ରକୁ ମନ୍ଥର ଓ ନିରୁତ୍ସାହିତ କରିବ। ପୂର୍ବାଷାଢ଼ା ନକ୍ଷତ୍ର ଚିନ୍ତା କରିଥିବା ଯୋଜନା ପାଇଁ ପରିବାରରୁ ପୂର୍ଣ୍ଣ ସହଯୋଗ ପାଇବେ ନାହିଁ। ବ୍ୟବସାୟିକ ସଫଳତା ଓ ରାଜନୈତିକ କ୍ଷେତ୍ରରେ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡ଼ିବ।
ମକର
ଅନ୍ୟର ମନ ଅନୁଯାୟୀ କାମକରି ବାହାବା ନେଇ ପାରନ୍ତି। କିନ୍ତୁ ନିଜର ଅସୁବିଧା ଓ ଅଭାବ କଥା ବଖାଣିଲେ ଶୁଣିବାକୁ କିଏ ପାଖରେ ନ ଥିବେ। ତଥାପି ଶ୍ରବଣା ନକ୍ଷତ୍ରର କର୍ମକ୍ଷେତ୍ରରେ ସମ୍ମାନଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ। ଯାତ୍ରାକାଳରେ ଯାନ୍ତ୍ରିକ ତ୍ରୁଟି ସମସ୍ୟାକୁ ବଢ଼ାଇବାର ସମ୍ଭାବନା ରହିଛି।
କୁମ୍ଭ
ଏକାଧିକ ଗ୍ରହ ଶନି ଦୃଷ୍ଟିରେ ଥିବା କାରଣରୁ ସମସ୍ୟା ଭିତରେ ଚଳିବାକୁ ପଡ଼ିପାରେ। ହସି ହସି ସୁନ୍ଦର କଥା କହୁଥିଲେ ମଧ୍ୟ ବନ୍ଧୁଙ୍କ ଆଚରଣ ମନରେ ସନ୍ଦେହ ସୃଷ୍ଟି କରିବ। ଧନିଷ୍ଠା ନକ୍ଷତ୍ର ବ୍ୟବସାୟ ଓ ପରିବହନ କ୍ଷେତ୍ରରେ ସମସ୍ୟା ଦୂର ହୋଇପାରେ। ସ୍ବାସ୍ଥ୍ୟରେ ଉନ୍ନତି ପରିଲକ୍ଷିତ ହେବ। ଆଜି ରାଜନୀତି, ପ୍ରଶାସନ ଦିଗଟି ଭଲ ରହିବ।
ମୀନ
କଠିନ ପରିଶ୍ରମ କାରଣରୁ ଶାରୀରିକ ଅସୁସ୍ଥତା ଦେଖାଦେଇପାରେ। ଅଟକି ରହିଥିବା କାର୍ଯ୍ୟ ସକାଶେ ଅନୁତାପ କରିପାରନ୍ତି। ବନ୍ଧୁଙ୍କ ପରାମର୍ଶରେ ଆଗାମୀ ନୂତନ କାମଟିର ଆରମ୍ଭ ନିମନ୍ତେ ପ୍ରସ୍ତୁତି କରିବାକୁ ମନ ବଳାଇପାରନ୍ତି। ରେବତୀ ନକ୍ଷତ୍ର ଧୈର୍ଯ୍ୟହରା ନ ହୋଇ କାର୍ଯ୍ୟକଲେ ଉପକୃତ ହେବେ।
