ଶିମଲା,୧୮ ।୪: ନିଜର ଉତ୍ତେଜିତ ବୟାନକୁ ନେଇ ସବୁବେଳେ ଚର୍ଚ୍ଚାରେ ରହୁଥିବା ମହନ୍ତ ଯତି ନରସିଂହାନନ୍ଦଙ୍କ ଏକ ସଙ୍ଗଠନ ଭାରତକୁ ଇସଲାମିକ ଦେଶ ହେବାରୁ ବଞ୍ଚାଇବାକୁ ହିନ୍ଦୁମାନେ ଅଧିକ ସନ୍ତ୍ରାନ ପ୍ରସବ କରନ୍ତୁ ବୋଲି କହିଛନ୍ତି । ଏହି ବିବାଦୀୟ ବୟାନ ପରେ ପୁଣିଥରେ ମହନ୍ତ ନରସିଂହାନନ୍ଦ ଚର୍ଚ୍ଚାକୁ ଆସିଛନ୍ତି । ଏହାପୂର୍ବରୁ ହରିଦ୍ୱାରରେ ଏକ ଘୃଣ୍ୟ ଭାଷଣ ମାମଲାରେ ଜାମିନରେ ଆସିଥିବା ମହନ୍ତ ଆଗାମୀ ଦଶନ୍ଧିରେ ଦେଶକୁ ହିନ୍ଦୁ ବିହିନ ହେବାରୁ ବଞ୍ଚାଇବାକୁ ଅପିଲ କରିଥିଲେ । ସେତେବେଳେ ସେ ମଥୁରାରେ ହିନ୍ଦୁମାନଙ୍କୁ ଅଧିକ ସନ୍ତାନ ପ୍ରସବ କରିବାକୁ ଅନୁରୋଧ କରିଥିଲେ । ଏବେ ହିମାଚଳ ପ୍ରଦେଶର ଉନାରେ ଆରମ୍ଭ ହୋଇଥିବା ତିନି ଦିନିଆ ଧର୍ମ ସଂସଦରେ ପୂର୍ବରୁ ପୋଲିସ ଆୟୋଜକଙ୍କୁ ଉତ୍ତେଜିତ କଲାଭଳି ଭାଷଣ ନ ଦେବାକୁ ନୋଟିସ ଜାରି କରିଥିଲା । କୌଣସି ଅପ୍ରିୟ ଘଟଣାରୁ ଦୂରେଇ ରହିବା ଓ ସୁରକ୍ଷା ଦୃଷ୍ଟିରୁ ଅଧିକ ପୋଲିସ ଫୋର୍ସ ମଗାଯାଇଛି । ବାଟେଲିନର ଦୁଇ ଦଳ ମଧ୍ୟ ସେଠାରେ ପହଞ୍ଚିଛନ୍ତି ।
ଅଖିଳ ଭାରତୀୟ ସନ୍ଥ ପରିଷଦର ହିମାଚଳ ପ୍ରଦେଶ ପ୍ରଭାରୀ ଯତି ସତ୍ୟଦେବାନନ୍ଦ ସରସ୍ୱତୀ କହିଛନ୍ତି ଭାରତ ଏକ ଲୋକତାନ୍ତ୍ରୀକ ଦେଶ, କାରଣ ଏହା ହିନ୍ଦୁ ବହୁଳ । ହିମାଚଳ ପ୍ରଦେଶରେ ଆୟୋଜିତ ୩ ଦିନିଆ ଧର୍ମ ସଂସଦ ପୂର୍ବରୁ ଦାବି କରିଥିଲେ କି ମୁସଲମାନ ନିୟୋଜିତ ଭାବେ ଅଧିକ ସନ୍ତାନ ଜନ୍ମ ଦେଇ ସେମାନଙ୍କ ସଂଖ୍ୟା ବଢାଉଛନ୍ତି । ସେଥିପାଇଁ ଆମ ସଙ୍ଗଠନ ଭାରତକୁ ଇସଲାମିକ ଦେଶ ହେବାରୁ ବଞ୍ଚି ରହିବା ପାଇଁ ହିନ୍ଦୁମାନଙ୍କୁ ଅଧିକରୁ ଅଧିକ ସନ୍ତାନ ପ୍ରସବ ପାଇଁ କୁହାଯାଇଥିଲା ।
