Posted inଖେଳ

ଭର୍ଚୁଆଲ ପ୍ଲାଟଫର୍ମରେ ଉଚ୍ଚସ୍ତରୀୟ ବୈଠକ : ତୃଣମୂଳ ସ୍ତରରୁ ପ୍ରତିଭା ଅନ୍ବେଷଣ ଓ ବିକାଶ ଉପରେ ଫୋକସ

ଭୁବନେଶ୍ୱର(କ୍ରୀଡ଼ା ପ୍ରତିନିଧି), କଟକ ଅଫିସ,୧୮ା୮- ରାଜ୍ୟରେ କ୍ରୀଡ଼ାର ବିକାଶ ସମ୍ପର୍କରେ ଆଲୋଚନା ପାଇଁ ସୋମବାର ଭର୍ଚୁଆଲ ପ୍ଲାଟଫର୍ମରେ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ କ୍ରୀଡ଼ା ସଚିବ ବିଶାଲ ଦେବ, ନିର୍ଦ୍ଦେଶକ ଭିନିଲ କ୍ରିଷ୍ଣା, ଓଡ଼ିଶା ହକି ପ୍ରମୋଶନ କାଉନ୍‌ସିଲ ଅଧ୍ୟକ୍ଷ ପଦ୍ମଶ୍ରୀ ଦିଲୀପ ତିର୍କୀ ଏବଂ ରାଜ୍ୟର ବିଭିନ୍ନ ଆସୋସିଏଶନ କର୍ମକର୍ତ୍ତାମାନେ ଯୋଗ ଦେଇଥିଲେ। ଏହି ଅବସରରେ ରାଜ୍ୟ କ୍ରୀଡ଼ା ନୀତିର ମୁଖ୍ୟାଂଶ ଉପସ୍ଥାପିତ କରାଯାଇଥିଲା। ”ସ୍ପୋଟର୍‌ସ ହଷ୍ଟେଲ ଢାଞ୍ଚାରେ ଉନ୍ନତି କରାଯିବ ଏବଂ ପ୍ରଦର୍ଶନ ଆଧାରରେ ୧୮ ବର୍ଷରୁ ଊର୍ଦ୍ଧ୍ୱ ପିଲାମାନଙ୍କୁ ବଛାଯାଇ ଟ୍ରେନିଂ ସୁଯୋଗ ପ୍ରଦାନ କରାଯିବ। ଆମେ ୨୦୨୪ ଏବଂ ୨୦୨୮ ଉପରେ ଦୃଷ୍ଟିନିବଦ୍ଧ କରୁଛୁ। ସେତେବେଳକୁ ଓଡ଼ିଶା ଖେଳାଳିମାନେ ପ୍ରଭାବୀ ପ୍ରଦର୍ଶନ କରନ୍ତୁ ବୋଲି ଚାହୁଁଛୁ। ସେଥିପାଇଁ ରାଜ୍ୟରେ ତୃଣମୂଳ ସ୍ତରରୁ ପ୍ରତିଭା ଅନ୍ବେଷଣ ଏବଂ ସେମାନଙ୍କ ବିକାଶ ଉପରେ ମୁଖ୍ୟତଃ ଫୋକସ କରାଯାଉଛି“ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି। ସ୍ପୋଟର୍‌ସ ହଷ୍ଟେଲ ଗୁଡ଼ିକୁ ଏକାଡେମୀରେ ପରିଣତ କରାଯିବ। ଏଥିରେ ଡେ’ କୋଚିଂ ପ୍ରୋଗାମ ସହିତ ଆବାସିକ ଏବଂ ଅଣଆବାସିକ କ୍ରୀଡ଼ାବିତ୍‌ଙ୍କ ପାଇଁ ପ୍ରତିଦ୍ୱନ୍ଦ୍ୱିତାମୂଳକ ଟ୍ରେନିଂ ଦିଆଯିବ। ବିଶେଷଜ୍ଞ କୋଚ୍‌, ଟେକ୍ନିକାଲ ପାର୍ଟନର୍ସ, ଷ୍ଟାଫ୍‌ଙ୍କୁ ନିଯୁକ୍ତି ଦିଆଯିବା ସହ କ୍ରୀଡ଼ା ବିଜ୍ଞାନର ସମ୍ପୃକ୍ତିକରଣ, ଡାଏଟ ଏବଂ ଟ୍ରେନିଂ ପ୍ରୋଗ୍ରାମ ଦ୍ୱାରା ସେମାନେ ଉପକୃତ ହୋଇପାରିବେ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି।
ଅଧିକ ସ୍ପୋଟର୍‌ସ ହଷ୍ଟେଲ ସପକ୍ଷରେ କ୍ରୀଡ଼ା ସଙ୍ଗଠକ
ଭାରତୀୟ ଖେଳାଳିଙ୍କ ଜର୍ସିରେ ଓଡ଼ିଶା ଲେଖାଯିବା ଗୌରବପୂର୍ଣ୍ଣ କଥା। ମାତ୍ର ଓଡ଼ିଶା ଖେଳାଳିଙ୍କ ଜର୍ସିରେ ଭାରତ କେବେ ଲେଖାଯିବ ତାହାକୁ ସମଗ୍ର ରାଜ୍ୟବାସୀ ଅପେକ୍ଷା କରୁଛନ୍ତି। ସ୍ପୋଟର୍‌ସ ହଷ୍ଟେଲରେ ରହୁଥିବା ଖେଳାଳିମାନେ ହିଁ ଜାତୀୟ ସ୍ତରରେ ପାଦ ଦେବାରେ ସକ୍ଷମ। ପରିପକ୍ବ ବୟସରେ ଏମାନଙ୍କୁ ଖେଳଠାରୁ ଦୂରେଇ ରଖିଲେ ରାଜ୍ୟ କ୍ରୀଡ଼ାର ମୂଳଦୁଆ ଦୁର୍ବଳ ହୋଇଯିବ ବୋଲି ଯୁକ୍ତି ବାଢ଼ିଥିଲେ ରାଜ୍ୟର କ୍ରୀଡ଼ା ସଙ୍ଗଠକ। ଭୁବନେଶ୍ୱରକୁ ଦେଶର କ୍ରୀଡ଼ା ରାଜଧାନୀ କରାଯିବା ପାଇଁ ହେଉଥିବା ଉଦ୍ୟମକୁ କ୍ରୀଡ଼ା ସଙ୍ଗଠକମାନେ ପ୍ରଶଂସା କରିଥିଲେ। ମାତ୍ର ପୁନର୍ଗଠନ ନାମରେ ଯେଉଁସବୁ ପଦକ୍ଷେପ ନିଆ ଯାଉଛି ତଦ୍ୱାରା ରାଜ୍ୟ କ୍ରୀଡ଼ାର ବିକାଶରେ ବାଧା ଉପୁଜିବ ବୋଲି ଯୁକ୍ତି ଉପସ୍ଥାପନ କରିଥିଲେ। ୧୮ବର୍ଷରୁ ଅଧିକ ବୟସ ଖେଳାଳି ହଷ୍ଟେଲରୁ ବାହାରିଗଲେ ସେମାନଙ୍କ ଭବିଷ୍ୟତ ଖେଳଠାରୁ ଦୂରେଇ ଯିବ। ଖେଲୋ ଇଣ୍ଡିଆ ପ୍ରତିଯୋଗିତାର ୟୁଥ ବର୍ଗରେ ଏମାନେ ଅଂଶ ଗ୍ରହଣ କରିବାକୁ ସକ୍ଷମ ହେବେ ନାହିଁ। କେତେକ ଜାତୀୟ ମହାସଂଘ ଜୁନିୟର ଚାମ୍ପିୟନଶିପ ୧୯ବର୍ଷରୁ କମ୍‌ ଓ ୨୦ବର୍ଷରୁ କମ୍‌ ବୟସ ବର୍ଗରେ ଆୟୋଜନ କରୁଛନ୍ତି। ଏଭଳି ସ୍ଥଳେ ଓଡ଼ିଶାର ଖେଳାଳି ପ୍ରତିଯୋଗିତାରେ ଭାଗ ନେବା କଷ୍ଟଦାୟକ ହେବ। ଚାକିରି କରିବାକୁ ସର୍ବନିମ୍ନ ବୟସ ମଧ୍ୟ ୧୮ବର୍ଷ। ଏହି ବୟସରେ ଖେଳ ବନ୍ଦ କରିଦେଲେ ସେମାନେ ଖେଳ ପ୍ରମାଣପତ୍ରରେ ଏହା ପାଇବାକୁ ମଧ୍ୟ ବଞ୍ଚିତ ହେବେ ବୋଲି କ୍ରୀଡ଼ା ସଙ୍ଗଠକମାନେ ଯୁକ୍ତି କରିଥିଲେ। ଏହି ଅବସରରେ ସ୍ପୋଟର୍‌ସ ହଷ୍ଟେଲ ବନ୍ଦ ପରିବର୍ତ୍ତେ ଅଧିକ କରାଯାଉ। ବୟସ ସୀମାକୁ ୧୮ ପରିବର୍ତ୍ତେ ୨୫କୁ ବୃଦ୍ଧି କରାଯାଉ। ପ୍ରତିଭା ଅନ୍ବେଷଣ କରି ତାଲିମ କାର୍ଯ୍ୟକ୍ରମ ଆୟୋଜନ କରାଯାଉ। ଖେଳ ପାଇଁ ନୂତନ ନିୟମ କରାଯିବା ବେଳେ କ୍ରୀଡ଼ା ସଙ୍ଗଠକ କିମ୍ବା ରାଜ୍ୟର ଖ୍ୟାତନାମା ଖେଳାଳିଙ୍କ ସହ ଆଲୋଚନା କରାଯାଉ ବୋଲି ପ୍ରସ୍ତାବମାନ ଦିଆଯାଇଥିଲା। ବୈଠକରେ ଅନ୍ୟମାନଙ୍କ ମଧ୍ୟରେ ଫାଓ ସମ୍ପାଦକ ଆଶୀର୍ବାଦ ବେହେରା, ଓଓଏ ସମ୍ପାଦକ(ଇନଚାର୍ଜ) ଅଭିଜିତ ପାଲ, ଓଡ଼ିଶା ଜିମ୍ନାଷ୍ଟିକ ଆସୋସିଏଶନ ସମ୍ପାଦକ ଅଶୋକ କୁମାର ସାହୁ, ଓଡ଼ିଶା ରାଜ୍ୟ ହ୍ୟାଣ୍ଡବଲ ଆସୋସିଏଶନ ସମ୍ପାଦକ ବୀରେନ୍ଦ୍ର କୁମାର ବେହେରା, ହକି ଓଡ଼ିଶା ସମ୍ପାଦକ ପ୍ରତାପ ଶତପଥୀ, ଓଡ଼ିଶା ରୋଇଂ ଆସୋସିଏଶନ ସଭାପତି ବିନୋଦ ଦାଶ, ଓଡ଼ିଶା ତୀରନ୍ଦାଜୀ ଆସୋସିଏଶନ ସମ୍ପାଦକ ଶ୍ରଦ୍ଧାନନ୍ଦ ଦାସ, ଓଡ଼ିଶା ଟିଟି ଆସୋସିଏଶନ ସମ୍ପାଦକ ରବୀନ୍ଦ୍ର କୁମାର ପରିଡ଼ା, ଓଡ଼ିଶା ଭଲିବଲ ଆସୋସିଏଶନ ସମ୍ପାଦକ ଗଗନେନ୍ଦୁ ଦାସଙ୍କ ସମେତ ଅନ୍ୟ ସମସ୍ତ କ୍ରୀଡ଼ା ସଂଘର ସମ୍ପାଦକ ଯୋଗ ଦେଇଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏଏଫ୍‌ସି ଚାମ୍ପିୟନ୍ସ ଲିଗ୍‌ : ଏଫ୍‌ସି ଗୋଆର ପ୍ରଶଂସନୀୟ ପ୍ରଦର୍ଶନ

ମାର୍ଗାଓ, ୧୬।୪(ପି.ଟି.)-ଭାରତର ପ୍ରଥମ ଦଳ ଭାବେ ଏଏଫ୍‌ସି ଚାମ୍ପିୟନ୍ସ ଲିଗ୍‌ର ଗ୍ରୁପ୍‌ ଷ୍ଟେଜ୍‌ ଖେଳିଥିବା ଏଫ୍‌ସି ଗୋଆ ନିଜ ଓପନିଂ ମ୍ୟାଚରେ ପ୍ରଶଂସନୀୟ ପ୍ରଦର୍ଶନ କରିଛି।...

ସ୍ପାନିଶ କ୍ଲବ ଭାଲେନସିଆର ଏକତୃତୀୟାଂଶ ଖେଳାଳି ଆକ୍ରାନ୍ତ

ମାଡ୍ରିଡ୍‌, ୧୭।୩ (ଏଏଫ୍‌ପି)- ସ୍ପେନ ଫୁଟ୍‌ବଲ କ୍ଲବ ଭାଲେନସିଆ ଦଳର ୩୫ ପ୍ରତିଶତ ଖେଳାଳି ମାରାତ୍ମକ କରୋନା ଭାଇରସ୍‌ରେ ଆକ୍ରାନ୍ତ ରହିଛନ୍ତି। କ୍ଲବର ଏକତୃତୀୟାଂଶ ଖେଳାଳି...

ଓମିକ୍ରନ ସତ୍ତ୍ୱେ ଦକ୍ଷିଣ ଆଫ୍ରିକା ଗସ୍ତ କରିବ ଭାରତ

ନୂଆଦିଲ୍ଲୀ,୩୦।୧୧: ଦକ୍ଷିଣ ଆଫ୍ରିକାରେ ଚିହ୍ନଟ ହୋଇଥିବା କରୋନା ଭୂତାଣୁର ନୂଆ ଭାରିଆଣ୍ଟ ଓମିକ୍ରନ ପୂରା ବିଶ୍ୱକୁ ଚିନ୍ତାରେ ପକାଇ ଦେଇଛି। କିନ୍ତୁ ଏହା ଆସନ୍ତା ମାସରୁ...

ନାଡାଲ ସେମିଫାଇନାଲରେ

ନ୍ୟୁୟର୍କ, ୬|୯ (ଏଏଫ୍‌ପି)-ରାଫାଲ ନାଡାଲ ଚଳିତ ୟୁଏସ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର ସେମିଫାଇନାଲରେ ପ୍ରବେଶ କରିଛନ୍ତି। ସେ ୨୦ତମ ସିଡ୍‌ ଆର୍ଜେଣ୍ଟିନାର ଡିଏଗୋ ସ୍କ୍ବାର୍ଜମ୍ୟାନଙ୍କ...

ସ୍ବର୍ଣ୍ଣ ସହ ଭିନେଶଙ୍କ ପ୍ରତ୍ୟାବର୍ତ୍ତନ

କିଭ୍‌ (ୟୁକ୍ରେନ୍‌), ୧।୩(ପି.ଟି.)- ଭାରତର ଷ୍ଟାର ରେସ୍‌ଲର ଭିନେଶ ଫୋଗତ୍‌ ଏଠାରେ ଚାଲିଥିବା ଆଉଟଷ୍ଟାଣ୍ଡିଂ ୟୁକ୍ରେନିଆନ ରେସଲର୍ସ ଆଣ୍ଡ୍‌ କୋଚେସ ମେମୋରିଆଲ ଟୁର୍ନାମେଣ୍ଟରେ ସ୍ବର୍ଣ୍ଣ ପଦକ...

ସିନ୍‌ଙ୍କ ଚମତ୍କାର କାରନାମା: ମାତ୍ର ୩୬ ରନ୍‌ରେ ନେଲେ ୧୦ ଉଇକେଟ

କେପ୍‌ଟାଉନ୍‌,୨୧।୧୧: ଭାରତର ମହାନ ସ୍ପିନର୍‌ ଅନିଲ କୁମ୍ବଲେ ଟେଷ୍ଟ ମ୍ୟାଚ୍‌ର ଗୋଟିଏ ଇନିଂସରେ ୧୦ ଉଇକେଟ ନେଇଥିବା ସ୍ମୃତି ଆଜିବି ସମସ୍ତଙ୍କ ହୃଦୟରେ ସତେଜ ରହିଛି।...

ସଚିନଙ୍କଠାରୁ ପ୍ରଶଂସା ଶୁଣି ଆଶ୍ଚର୍ଯ୍ୟ ହେଲେ ଏହି ଖେଳାଳି, କହିଲେ ଏମିତି

ସିଡନୀ,୧୨।୨: ଭାରତୀୟ କ୍ରିକେଟ ଦଳର କିମ୍ବଦନ୍ତୀ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର ଅଷ୍ଟ୍ରେଲିଆର ଯୁବ ବ୍ୟାଟ୍ସମ୍ୟାନ ମାର୍ନସ ଲାବୁଶେନଙ୍କୁ ପ୍ରଶଂସା କରିଛନ୍ତି। ଏହା ଜାଣି ଲାବୁଶେନ କହିଛନ୍ତି,...

ଏହି ବ୍ୟାଟ୍ସମ୍ୟାନଙ୍କ ଉଇକେଟ ନେଇ ଶାର୍ଦ୍ଦୁଳ ଦେଇଥିଲେ ବ୍ରେକ୍‌ ଥ୍ରୁ

ଲଣ୍ଡନ,୬।୯: ଓଭାଲ ଟେଷ୍ଟର ପଞ୍ଚମ ଦିନରେ ଆସମାପ୍ତ ଦ୍ୱିତୀୟ ଇନିଂସ ସ୍କୋର ୭୭/୦ରୁ ଇଂଲଣ୍ଡ ଖେଳ ଆରମ୍ଭ କରିଥିଲା। ଦୁଇ ଓପନର ରୋରି ବନର୍‌ସ ଓ...

Advertisement
Archives

Model This Week