ନୂଆଦିଲ୍ଲୀ,୨୦।୧୦: କେବଳ ୧୦ ବର୍ଷ ଆଇନଗତ ଅଭିଜ୍ଞତା ଥିବା କୌଣସି ଆଇନଜୀବୀଙ୍କୁ କେବେ ମଧ୍ୟ ହାଇକୋର୍ଟ ବିଚାରପତି ଭାବେ ନିଯୁକ୍ତି ପ୍ରଦାନ କରାଯାଇ ନାହିଁ ବୋଲି ଟ୍ରିବ୍ୟୁନାଲ୍ ଆକ୍ଟ-୨୦୨୧ର ସାମ୍ବିଧାନିକ ବୈଧତା ନେଇ କେନ୍ଦ୍ର ସରକାରଙ୍କ ପକ୍ଷରୁ ଏକ ଜବାବୀ ସତ୍ୟପାଠ ସୁପ୍ରିମ୍କୋର୍ଟରେ ଦାଖଲ କରାଯାଇଛି। ମାଡ୍ରାସ୍ ବାର୍ ଆସୋସିଏଶନ ଦ୍ୱାରା ଦାଖଲ ହୋଇଥିବା ରିଟ୍ ପିଟିଶନ ବିରୋଧରେ କେନ୍ଦ୍ର ପକ୍ଷରୁ ଏଭଳି କରାଯାଇଛି।
ଏଥିରେ ଉଲ୍ଲେଖ କରାଯାଇଛି ଯେ, ଟ୍ରିବ୍ୟୁନାଲ ସଦସ୍ୟଙ୍କ ଚୟନ ପ୍ରକ୍ରିୟା ସେମାନଙ୍କର ନ୍ୟୁନତମ ବୟସ ଯୋଗ୍ୟତା ଏବଂ କାର୍ଯ୍ୟକାଳ ସମ୍ପୂର୍ଣ୍ଣ ଭାବେ ସଂସଦର ନୀତିଗତ ନିର୍ଣ୍ଣୟ ପରିସୀମା ଆଧାରରେ ଗ୍ରହଣ କରାଯାଇଥାଏ। ସେହିପରି କୋର୍ଟଙ୍କର ନ୍ୟାୟିକ ସ୍ବାଧୀନତା ସମ୍ପର୍କରେ କେନ୍ଦ୍ର ସରକାର କହିଛନ୍ତି ଯେ, ମୌଳିକ କ୍ଷମତାର ଉଲ୍ଲଂଘନ ଅବା ଲେଜିସଲେଟିଭ୍ ଆଇନର ଅଣ ଦେଖା କରାଗଲେ କୌଣସି ନିୟମକୁ ଅମାନ୍ୟ କରାଯାଇ ପାରିବ।
ଏହା ସହିତ କେନ୍ଦ୍ର ସରକାର କହିଛନ୍ତି ଯେ, ସଚ୍ଚ-କମ୍-ସିଲେକଶନ୍ କମିଟିର ନ୍ୟାୟିକ ପ୍ରଭୃତ୍ୱ ଅଧିକ ରହିଥିବାରୁ ନ୍ୟାୟିକ ସ୍ବତନ୍ତ୍ରତା ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ସବୋର୍ଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ଚୟନ ପ୍ରକ୍ରିୟାରେ ୫୦ ବର୍ଷ ବୟସ ଏବଂ ୧୦ ବର୍ଷ ନ୍ୟାୟିକ ଅଭିଜ୍ଞତାକୁ ଯୋଗ୍ୟତା ଭାବେ ଗ୍ରହଣ କରାଯାଇଥାଏ। ମାତ୍ର କେବେ ମଧ୍ୟ କେବଳ ୧୦ ବର୍ଷ ଅଭିଜ୍ଞତା ଥିବା ଆଇନଜୀବୀଙ୍କୁ ହାଇକୋର୍ଟ ବିଚାରପତି ଭାବେ ନିଯୁକ୍ତ କରାଯାଇ ନାହିଁ। ମାତ୍ର ଏହା ସାମ୍ବିଧାନିକ ଭାବେ ନିର୍ଦ୍ଧାରିତ ହୋଇଥିବା ଯୋଗ୍ୟତା ବୋଲି ସତ୍ୟପାଠରେ ଉଲ୍ଲେଖ କରାଯାଇଛି। ଗତ ୭୫ ବର୍ଷ ମଧ୍ୟରେ ଏଭଳି ହୋଇ ନ ଥିବା କେନ୍ଦ୍ର ସରକାର କହିଛନ୍ତି।
