ନୂଆଦିଲ୍ଲୀ,୭।୧୨(ପି.ଟି.): ଭ୍ରୂଣର ମସ୍ତିଷ୍କରେ ଅସ୍ବାଭାବିକତା ଥିବାରୁ ଜଣେ ୨୬ ବର୍ଷୀୟା ମହିଳା ଗର୍ଭପାତ କରିବା ଲାଗି ଦିଲ୍ଲୀ ହାଇକୋର୍ଟଙ୍କ ଅନୁମତି ଲୋଡ଼ିଥିଲେ। ଭ୍ରୂଣରେ ସମସ୍ୟା ଯୋଗୁ ତାଙ୍କର ମାନସିକ ଏବଂ ସାମାଜିକ ସ୍ବାସ୍ଥ୍ୟ ତଥା ଶିଶୁର ସ୍ବାସ୍ଥ୍ୟକୁ ଚିନ୍ତା କରି ସେ ଗର୍ଭପାତ କରିବାକୁ ଚାହୁଁଥିବା ଅଦାଲତଙ୍କୁ ଜଣାଇଥିଲେ। ୩୩ ସପ୍ତାହର ଗର୍ଭବତୀ ଥିବା ସମ୍ପୃକ୍ତ ମହିଳାଙ୍କୁ ତୁରନ୍ତ ଗର୍ଭପାତ କରିବା ଲାଗି ଅଦାଲତ ଅନୁମତି ପ୍ରଦାନ କରିଛନ୍ତି। ସେ ନିଜ ଇଚ୍ଛାରେ ଏଲ୍ଏନ୍ଜେପି ହସ୍ପିଟାଲ କିମ୍ବା ଜିଟିବି ଓ ଅନ୍ୟ କୌଣସି ହସ୍ପିଟାଲରେ ଗର୍ଭପାତ କରାଇପାରିବେ ବୋଲି ଜଷ୍ଟିସ ପ୍ରତିଭା ସିଂଙ୍କ ଜଣିକିଆ ଖଣ୍ଡପୀଠ କହିଛନ୍ତି। ମାଆବାପାଙ୍କ ମାନସିକ ଦୁଶ୍ଚିନ୍ତା ଓ ସେମାନଙ୍କ ଆର୍ଥତ୍କ-ସାମାଜିକ ସ୍ଥିତିକୁ ହୃଦୟଙ୍ଗମ କରୁଛୁ ବୋଲି ବିଚାରପତି କହିଥିଲେ।
