ରଜରେ ପୂଜା ପାଆନ୍ତି ମୁଣ୍ଡ ନ ଥିବା ଗୋପୀନାଥ

କେନ୍ଦ୍ରାପଡ଼ା,୧୬ା୬(ଜଗନ୍ନାଥ ଧଳ): କେନ୍ଦ୍ରାପଡ଼ା ସହରର ତଳବାରଙ୍ଗସ୍ଥିତ ମୁଣ୍ଡକଟା ଗୋପୀନାଥଙ୍କ ୩ ଦିନିଆ ମହୋତ୍ସବ ବୁଧବାରଠାରୁ ଆରମ୍ଭ ହୋଇଛି। ଭଜନ କୀର୍ତ୍ତନ ସହ ପୂଜା ଆରାଧନାରେ ପୀଠରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। ଏଠାକାର ବିଶେଷତ୍ୱ ହେଉଛି, ମୁଣ୍ଡ ନ ଥିବା ଗୋପୀନାଥ ବର୍ଷସାରା ପୂଜା ପାଉଛନ୍ତି। ମାତ୍ର ପହିଲି ରଜଠାରୁ ଶେଷ ରଜ ପର୍ଯ୍ୟନ୍ତ ଶ୍ରୀଜୀଉଙ୍କ ମୁଣ୍ଡ ତିଆରି କରାଯାଇ ପୂଜା କରାଯାଇଥାଏ। ଶ୍ରୀଜୀଉଙ୍କ ନିକଟରେ ପୂଜା ପାଉଥିବା ଶ୍ରୀବଳରାମ ଜୀଉ ଓ ଗ୍ରାମଦେବତୀ ବଟେଶ୍ୱରୀ ଏହି ଦିନ ମଧ୍ୟ ମୁଣ୍ଡକଟା ଅବସ୍ଥାରେ ପୂଜା ପାଇଥାନ୍ତି।
ସହରର ନୂଆ ବସ୍‌ଷ୍ଟାଣ୍ଡଠାରୁ ମୁଣ୍ଡକଟା ଗୋପୀନାଥ ପୀଠ ୪ କିମି ଦୂର ହୋଇଥିବା ବେଳେ ଇଚ୍ଛାପୁରସ୍ଥ ଶ୍ରୀବଳଦେବ ଜୀଉଙ୍କ ମନ୍ଦିରଠାରୁ ମାତ୍ର ୨ କିମି ଦୂରରେ ଏହି ପୀଠ ଅବସ୍ଥିତ। ସ୍ଥାନୀୟ ଅଞ୍ଚଳର ଇତିହାସ ଅନୁସାରେ, ସହରର ପୁରୁଣା ବସ୍‌ଷ୍ଟାଣ୍ଡରେ ଶ୍ରୀବଳଦେବ ଜୀଉଙ୍କର ମନ୍ଦିର ଥିଲା। ୧୬୬୩ ମସିହାରେ ମୋଗଲ ଶାସକ ଔରଙ୍ଗଜେବଙ୍କ ଖାନ ଇ ଦୌରାନ ୧୨୨୦ରେ ନିର୍ମିତ ଏହି ପୁରୁଣା ମନ୍ଦିରକୁ ନଷ୍ଟ କରିଥିଲେ। ତତ୍କାଳୀନ ସମୟରେ ଶ୍ରୀଜୀଉଙ୍କୁ ସେବାୟତମାନେ ସଖୀବଟଠାରେ ଗୁପ୍ତରେ ରଖିଥିଲେ। ମନ୍ଦିରରେ ତୁଳସୀ କ୍ଷେତ୍ରାଧିପତି ଶ୍ରୀବଳଦେବ ଜୀଉଙ୍କୁ ନ ପାଇ ଚଳନ୍ତି ପ୍ରତିମା ଶ୍ରୀଗୋପୀନାଥ ଜୀଉ, ଶ୍ରୀବଳରାମ ଜୀଉ ଓ ବଟେଶ୍ୱରୀଙ୍କ ମୁଣ୍ଡ କାଟି ଫୋପାଡି ଦେଇଥିଲେ। ଏହି ପ୍ରତିମାଗୁଡ଼ିକ କାଳକ୍ରମେ ତଳବାରଙ୍ଗ ପୀଠରେ ପୂଜା ପାଇଆସୁଛନ୍ତି। ପହିଲି ରଜରେ ଶ୍ରୀଜୀଉଙ୍କ ଅଙ୍ଗସୌଷ୍ଟବକୁ ପୂର୍ଣ୍ଣାଙ୍ଗ କରାଯାଏ। ଶ୍ରୀଜୀଉଙ୍କ କାନ୍ଧ ଉପରେ ଚନ୍ଦନ, ଅଗୁରୁ, କଜ୍ଜ୍ୱଳ, ମଲ୍ଲୀକଢ଼ ଓ ତରାଟ କଢ଼ରେ ମୁଣ୍ଡ ଓ ମୁଖମଣ୍ଡଳ ତିଆରି କରାଯାଇଥାଏ। ମସ୍ତକରେ ରୁପା ଛତ୍ରୀ ଓ ସ୍ବର୍ଣ୍ଣ ଚିତା ସହ ହାତରେ ରୁପା ବଂଶୀ ଶ୍ରୀଜୀଉଙ୍କୁ ପୂର୍ଣ୍ଣାଙ୍ଗ କରିଥାଏ। ସନ୍ଧ୍ୟା ସମୟରେ ଶ୍ରୀଜୀଉଙ୍କ ପାଇଁ ସ୍ବତନ୍ତ୍ର ଭୋଗ, ପଣା ଓ ଫଳ ଅର୍ପଣ ହୁଏ। ଅପରପକ୍ଷରେ ଭଗ୍ନ ମୂର୍ତ୍ତି ପୂଜନ ବର୍ଜନୀୟ। ମାତ୍ର ଏଠାରେ ଶତାଧିକ ବର୍ଷ ଧରି ମୁଣ୍ଡକଟା ଗୋପୀନାଥଙ୍କର ପୂଜାର୍ଚ୍ଚନା କରାଯାଉଛି।
ଏ ସମ୍ପର୍କରେ ପଣ୍ଡିତ ହୃଷୀକେଶ ରଥ କୁହନ୍ତି, ବେଦରେ ମୂିର୍ତ୍ତି ପୂଜନ ବ୍ୟବସ୍ଥା ନ ଥିଲା। ଶ୍ରଦ୍ଧାଳୁଙ୍କ ଏକ ସକାରାତ୍ମକ ଚିନ୍ତାଧାରା ପ୍ରକାଶ ପାଇଁ ମୂର୍ତ୍ତିର ଆବଶ୍ୟକତା ଦେଖାଦେଲା। ହିନ୍ଦୁ ସଂସ୍କୃତି ଓ ପରମ୍ପରା ଅନୁଯାୟୀ, ବହୁ ଗ୍ରାମରେ ସମ୍ପୂର୍ଣ୍ଣ ଅବୟବ ନ ଥାଇ ପଥରକୁ ଗ୍ରାମଦେବତୀ ଭାବେ ପୂଜା କରାଯାଉଛି। ଯେଉଁଥିରେ ଶ୍ରଦ୍ଧାଳୁ ଭଗବତ ଦର୍ଶନ ପାଉଛନ୍ତି। ରାଜସ୍ଥାନର ଖାତୁଶ୍ୟାମରେ ବେଲାଳସେନଙ୍କ କଟାମୁଣ୍ଡ ମୂର୍ତ୍ତି ପୂଜା ପାଉଛି। ଅବୟବ ନୁହେଁ, ସକାରାତ୍ମକ ଚିନ୍ତାଧାରା ମନରେ ଉଦ୍ରେକ ପାଇଁ ମୂର୍ତ୍ତି ପୂଜାର ଆରମ୍ଭ ହୋଇଛି। ପୂଜକ ମହେଶ୍ୱର ପତି କହିଛନ୍ତି, ଶ୍ରୀଜୀଉଙ୍କ ମୂର୍ତ୍ତିରେ ଅଷ୍ଟସଖୀଙ୍କ ଅବୟବ ଥିବା ବେଳେ ନିମ୍ନରେ ଗୋଚାରଣ ଦୃଶ୍ୟ ଅଛି। ସେହିପରି ଶ୍ରୀବଳରାମ ଓ ବଟେଶ୍ୱରୀଙ୍କ ବେକଠାରୁ ନିମ୍ନ ପର୍ଯ୍ୟନ୍ତ ସୁରକ୍ଷିତ ଅଛି। ମନ୍ଦିର ପରିଚାଳନା ସମ୍ପର୍କରେ ସେ କୁହନ୍ତି, ମନ୍ଦିରର ନିଜସ୍ବ ସମ୍ପତ୍ତିି ଖୁବ୍‌କମ। ଗ୍ରାମର ୨ ପରିବାର ଏହାର ପୂଜା ପରିଚାଳନା ପାଇଁ ପୂର୍ବରୁ ବିଧି ବ୍ୟବସ୍ଥା ଥିବାବେଳେ ଏବେ ଗ୍ରାମବାସୀ ଏଥିରେ ସହଯୋଗ କରୁଛନ୍ତି। ସେହିପରି ଶ୍ରୀବଳଦେବ ଜୀଉଙ୍କ ଦେବୋତ୍ତର ସଂସ୍ଥା ଅଧୀନରେ ଏହି ମନ୍ଦିର ଥିଲା। ଏହାର ପରିଚାଳନା ପାଇଁ କଠା (ଅନ୍ନପ୍ରସାଦ ପାଇଁ ଆନୁଷଙ୍ଗିକ ସାମଗ୍ରୀ) ବ୍ୟବସ୍ଥା ଥିଲା ା କୌଣସି କାରଣରୁ ଏହା ବହୁଦିନ ବନ୍ଦ ପରେ ଗ୍ରାମବାସୀଙ୍କ ଉଦ୍ୟମ ଫଳରେ କଠା ବ୍ୟବସ୍ଥା ପୁନର୍ବାର ଆରମ୍ଭ ହୋଇଛି। ଶ୍ରୀଜୀଉଙ୍କ ସମ୍ପର୍କରେ ବିଶଦ ଗବେଷଣା ହୋଇ ନ ଥିବାରୁ ଏହାର ପ୍ରଚାର ପ୍ରସାର ହୋଇ ପାରୁ ନ ଥିବା ଶ୍ରୀଜଗନ୍ନାଥ ଚେତନା ସମିତିର କେନ୍ଦ୍ରାପଡ଼ା ଜିଲା ସମ୍ପାଦକ ଅକ୍ଷୟ କୁମାର ପାଣି ମତ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?