ଲକ୍ଷ୍ନୌ,୧୩।୧୨-ବହୁଚର୍ଚ୍ଚିତ ଉତ୍ତରପ୍ରଦେଶ ହାଥରସ ଗଣବଳାତ୍କାର ମାମଲାର ତଦନ୍ତ ସିବିଆଇ କରୁଛି। ସିବିଆଇର ଏକ ଟିମ୍ ମଙ୍ଗଳବାର ପୀଡିତାଙ୍କ ଗ୍ରାମରେ ପହଞ୍ଚି ବିଭିନ୍ନ ଅଞ୍ଚଳକୁ ଯାଇ ଯାଞ୍ଚ କରିଛନ୍ତି। ସେହିପରି ଯୁବତୀଙ୍କୁ ବଳାତ୍କାର କରାଯାଇଥିବା ସ୍ଥାନରେ ସିବିଆଇ ଟିମ ପହଞ୍ଚି ଦୀର୍ଘ ସମୟ ଧରି ତଦନ୍ତ କରିଥିଲେ। ଏହାପରେ ଉକ୍ତ ସ୍ଥାନର ଭିଡିଓଗ୍ରାଫି କରିଥିଲେ। ଏହି ସମୟରେ ପୀଡିତାଙ୍କ ପରିବାର ସଦସ୍ୟ ଉପସ୍ଥିତ ଥିଲେ। ପରେ ପୀଡିତାଙ୍କ ଅନ୍ତିମ ସଂସ୍କାର କରାଯାଇଥିବା ସ୍ଥାନକୁ ମଧ୍ୟ ସିବିଆଇ ଟିମ ଯାଇଥିଲା। ଏହାପରେ ସିବିଆଇର ଟିମ ପୀଡିତାଙ୍କ ଭାଇଙ୍କୁ ଅଧିକ ପଚରାଉଚରା ପାଇଁ ଏକ ଅଜ୍ଞାତ ସ୍ଥାନକୁ ନେଇ ଯାଇଥିଲା।
ସୂଚନାଯୋଗ୍ୟ, ସେପ୍ଟେମ୍ବର ୧୪ରେ କିଛି ଯୁବକ ମିଶି ୧୯ ବର୍ଷୀୟା ଯୁବତୀଙ୍କ ସହ ଗଣ ବଳାତ୍କାର କରିଥିଲେ। ଏହାପରେ ଯୁବତୀ ଜଣକ ଡାକ୍ତରଖାନାରେ ଚିକିତ୍ସିତ ହେଉଥିଲେ। ସେପ୍ଟେମ୍ବର ୨୯ରେ ପୀଡିତା ଯୁବତୀ ମୃତ୍ୟୁବରଣ କରିଥିଲେ।
Central Bureau of Investigation team reaches #HathrasIncident site. pic.twitter.com/3xM88eEb23
— ANI UP (@ANINewsUP) October 13, 2020
