ଇସଲାମାବାଦ,୨।୧୨: ୨୦୨୨ ଟି-୨୦ ବିଶ୍ୱକପ୍ରେ ଭାରତୀୟ ଦଳକୁ ସେମିଫାଇନାଲରେ ଇଂଲଣ୍ଡଠାରୁ ୧୦ ଉଇକେଟରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ଏହି ମ୍ୟାଚରେ ପରାଜୟ ପରେ ଭାରତୀୟ ଦଳକୁ ଅନେକ ସମାଲୋଚନା କରାଯାଇଥିଲା, କିନ୍ତୁ ବିରାଟ କୋହଲିଙ୍କ ପାଇଁ ଏହି ବିଶ୍ୱକପ ଚମତ୍କାର ଥିଲା। ଏହି ଟୁର୍ନାମେଣ୍ଟରେ କୋହଲି ସର୍ବାଧିକ ରନ ସ୍କୋର କରିଥିଲେ। ଏହି ଟୁର୍ନାମେଣ୍ଟରେ ଭାରତର ପ୍ରଥମ ମ୍ୟାଚ୍ରେ ବିରାଟ ପାକିସ୍ତାନ ବିପକ୍ଷରେ ଏକ ଚମତ୍କାର ଇନିଂସ ଖେଳିଥିଲେ। ଏହି ମ୍ୟାଚ୍ରେ ଭାରତ ଶୀଘ୍ର ୪ଟି ଉଇକେଟ୍ ହରାଇଥିଲା। ଏହା ପରେ ଭାରତର ପରାଜୟ ପ୍ରାୟ ନିଶ୍ଚିତ ଥିଲା, କିନ୍ତୁ କୋହଲି ହାର୍ଦ୍ଦିକଙ୍କ ସହ ଶତକୀୟ ଭାଗିଦାରୀ ବାଣ୍ଟି ଭାରତକୁ ଜିତାଇଥିଲେ।
ଏହା ପରେ ହାର୍ଦ୍ଦିକ ବଡ଼ ସଟ ଖେଳିବାକୁ ସକ୍ଷମ ହୋଇ ନ ଥିଲେ, ତା’ପରେ କୋହଲି ମଧ୍ୟ ମ୍ୟାଚ ଶେଷ କରିଥିଲେ। ଏହି ସମୟରେ ସେ ଚାପରେ ପାକିସ୍ତାନୀ ଦ୍ରୁତ ବୋଲର ହରିସ ରୌଫଙ୍କୁ ଲଗାତାର ୨ଟି ଛକା ମାରି ପାକିସ୍ତାନରୁ ମ୍ୟାଚ ଛଡ଼ାଇ ନେଇଥିଲେ। ଟୁର୍ନାମେଣ୍ଟ ଶେଷ ହେବା ପରେ ମଧ୍ୟ ରୌଫଙ୍କ ବଲ୍ରେ ଦୁଇଟି ଛକା ଚର୍ଚ୍ଚାର ବିଷୟ ପାଲଟିଛି।
ଏନେଇ ରୌଫ କହିଛନ୍ତି, ବିରାଟ ଛକା ମାରିଥିବାରୁ ତାଙ୍କର କୌଣସି ଦୁଃଖ ନାହିଁ। ଯଦି ହାର୍ଦ୍ଦିକ ପାଣ୍ଡ୍ୟା ଏବଂ ଦୀନେଶ କାର୍ତ୍ତିକ ତାଙ୍କ ବଲରେ ଛକା ମାରିଥାନ୍ତେ, ତେବେ ସେ ଅଧିକ ଯନ୍ତ୍ରଣା ଅନୁଭବ କରିଥାନ୍ତେ। ବିରାଟ କୋହଲିଙ୍କ ବ୍ୟତୀତ ବିଶ୍ୱ କ୍ରିକେଟର କୌଣସି ଖେଳାଳି ତାଙ୍କୁ ଲଗାତାର ଛକା ମାରି ପାରିବେ ନାହିଁ।
