ମଣ୍ଟମେଲୋ, ୯ା୫: ସ୍ପାନିଶ ଫର୍ମୁଲା ଓ୍ବାନ ଗ୍ରାଁ ପ୍ରି ପାଇଁ ଶନିବାର ଅନୁଷ୍ଠିତ କ୍ୱାଲିଫାଇଂ ରେସ୍ରେ ରେଡ୍ବୁଲ୍ର ମ୍ୟାକ୍ସ ଭର୍ଷ୍ଟାପେନ୍ଙ୍କୁ ପଛରେ ପକାଇ ମର୍ସିଡିଜ୍ର ଲୁଇସ୍ ହାମିଲଟନ ପୋଲ୍ ପୋଜିଶନ ହାସଲ କରିଛନ୍ତି। ଏହା ହେଉଛି ତାଙ୍କ କ୍ୟାରିୟରର ୧୦୦ତମ ପୋଲ୍ ପୋଜିଶନ।
ହାମିଲଟନ ୦.୦୩୬ ସେକେଣ୍ଡରେ ଭର୍ଷ୍ଟାପେନ୍ ଏବଂ ତୃତୀୟ ସ୍ଥାନରେ ରହିଥିବା ତାଙ୍କ ଟିମ୍ମେଟ ଭାଲଟେରି ବୋଟାସଙ୍କଠାରୁ ୦.୦୯୬ ସେକେଣ୍ଡ ଆଗରେ ରହିଥିଲେ। ଆଲ୍ପାଇନର ଏଷ୍ଟିବାନ ଓକନଙ୍କୁ ପଛରେ ପକାଇ ଫେରାରିର ଚାଲର୍ସ ଲେକ୍ରେକ୍ ଚତୁର୍ଥ ସ୍ଥାନ ଅଧିକାର କରିଥିଲେ। ସେହିପରି ଫେରାରିର କାର୍ଲୋସ ସେଞ୍ଜ୍ ମ୍ୟାକଲରେନର ଡାନିଲ ରିକାର୍ଡୋଙ୍କ ଆଗରେ ୬ଷ୍ଠ ହୋଇଥିଲେ। ୮ମରୁ ୧୦ମ ସ୍ଥାନ ଯଥାକ୍ରମେ ସର୍ଗିଓ ପେରେଜ (ରେଡ୍ବୁଲ୍), ଲାଣ୍ଡୋ ନୋରିସ୍ (ମ୍ୟାକଲରେନ) ଓ ଫର୍ନାଣ୍ଡୋ ଆଲେଁାସୋ (ଆଲପାଇନ୍) ଦଖଲ କରିଥିଲେ।
