Posted inଖେଳ

ହାମିଲଟନଙ୍କୁ ୭ମ ବିଶ୍ୱ ଟାଇଟଲ

ଫର୍ମୁଲାଓ୍ବାନ ମୋଟରରେସିଂ
* ମାଇକେଲ ସୁମାକରଙ୍କ ସମକକ୍ଷ
* ଚଳିତ ସିଜନରେ ୧୦ ଗ୍ରାଁ ପ୍ରି ବିଜୟ
* ଓଭରଅଲ୍‌ ଗ୍ରାଁ ପ୍ରି ବିଜୟ ରେକର୍ଡ ୯୪

ଇସ୍ତାନବୁଲ, ୧୬।୧୧- ରବିବାର ଅନୁଷ୍ଠିତ ତୁର୍କୀଶ୍‌ ଗ୍ରାଁ ପ୍ରି ଫର୍ମୁଲାଓ୍ବାନ ମୋଟରରେସିଂରେ ବ୍ରିଟେନର ମର୍ସିଡିଜ୍‌ ଡ୍ରାଇଭର ଲୁଇସ ହାମିଲଟନ ପ୍ରଥମସ୍ଥାନ ଅଧିକାର କରିଛନ୍ତି। ଏଥିସହ ସେ ୭ମଥର ପାଇଁ ବିଶ୍ୱ ଟାଇଟଲ ଜିତି ଫର୍ମୁଲାଓ୍ବାନ କିମ୍ବଦନ୍ତୀ ଜର୍ମାନୀର ମାଇକେଲ ସୁମାକରଙ୍କ ରେକର୍ଡର ସମକକ୍ଷ ହୋଇଛନ୍ତି। ତାଙ୍କ ଓଭରଅଲ୍‌ ଗ୍ରାଁ ପ୍ରି ବିଜୟ ରେକର୍ଡ ମଧ୍ୟ ୯୪କୁ ବୃଦ୍ଧି ପାଇଛି। ମର୍ସିଡିଜ୍‌ ପାଇଁ ୬ଷ୍ଠ ଟାଇଟଲ ଜିତିବାକୁ ହେଲେ ହାମିଲଟନଙ୍କୁ ଏଠାରେ କେବଳ ନିଜ ଟିମ୍‌ମେଟ୍‌ ଭାଲଟେରୀ ବୋଟାସଙ୍କ ପୂର୍ବରୁ ରେସ୍‌ ଶେଷ କରିବା ଆବଶ୍ୟକ ହେଉଥିଲା। ମାତ୍ର ନୈରାଶ୍ୟଜନକଭାବେ ଆରମ୍ଭ କରିଥିବା ବୋଟାସ ୧୪ତମ ସ୍ଥାନରେ ସନ୍ତୁଷ୍ଟ ରହିବାରୁ ହାମିଲଟନଙ୍କ ଟାଇଟଲ ହାସଲ ନିଶ୍ଚିତ ହୋଇ ଯାଇଥିଲା। ଏହି ବ୍ରିଟେନ ଡ୍ରାଇଭର ମର୍ସିଡିଜ୍‌ ପାଇଁ ୬ ଥର ଏବଂ ୨୦୦୮ରେ ମ୍ୟାକଲରେନ ଡ୍ରାଇଭ୍‌କରି ଥରେ ବିଶ୍ୱ ଚାମ୍ପିୟନ ହୋଇଥିଲେ। ରେସ୍‌ ଅବସରରେ ଶେଷ ଲାଇନ୍‌ କ୍ରସ୍‌ କରିବାପରେ ସେ ଭାବବିହ୍ବଳ ହୋଇ କାନ୍ଦି ପକାଇଥିଲେ। ତୁର୍କୀଶ୍‌ ଗ୍ରାଁ ପ୍ରିରେ ୬ଷ୍ଠସ୍ଥାନରୁ ରେସ୍‌ ଆରମ୍ଭ କରିଥିଲେ ହେଁ ଅନ୍ୟ ଟିମ୍‌ ଗୁଡ଼ିକର ତ୍ରୁଟି ଏବଂ ଟାୟାର ପରିବର୍ତ୍ତନ କୌଶଳରୁ ସେ ଫାଇଦା ଉଠାଇ କ୍ରମାଗତ ୪ର୍ଥ ଏବଂ ଚଳିତ ସିଜନର ୧୦ମ ଗ୍ରାଁ ପ୍ରି ବିଜୟୀ ହୋଇଥିଲେ।

ହାମିଲଟନ ଏଠାରେ ୧:୪୨:୧୯.୩୧୩ ସେକେଣ୍ଡ ସମୟ ନେଇ ପ୍ରଥମସ୍ଥାନ ଅଧିକାର କରିଥିଲେ। ରେସିଂ ପଏଣ୍ଟର ସର୍ଗିଓ ପେରେଜ ୩୧.୬୩୩ ସେକେଣ୍ଡ ଅଧିକ ସମୟ ନେଇ ଦ୍ୱିତୀୟ ଏବଂ ଫେରାରୀର ସେବାଷ୍ଟିଆନ ଭେଟେଲ ତୃତୀୟ ସ୍ଥାନ ଅଧିକାର କରିଥିଲେ। ଅନ୍ୟ ଡ୍ରାଇଭରଙ୍କ ମଧ୍ୟରେ ଫେରାରୀର ଚାଲର୍‌ସ ଲେକ୍‌ରେକ୍‌, ମ୍ୟାକ୍‌ଲରେନର କାର୍ଲୋସ ସିଞ୍ଜ୍‌ ଜୁନିୟର, ରେଡ୍‌ବୁଲ୍‌ର ମ୍ୟାକ୍ସ ଭର୍ଷ୍ଟାପେନ, ଆଲେକଜାଣ୍ଡର ଆଲ୍‌ବନ, ମ୍ୟାକ୍‌ଲରେନର ଲାନ୍‌ଡୋ ନୋରିସ, ରେସିଂ ପଏଣ୍ଟର ଲାନ୍ସ ଷ୍ଟ୍ରୋଲ୍‌ ଏବଂ ରେନଲ୍ଟର ଡାନିଏଲ ରିକାର୍ଡୋ ଯଥାକ୍ରମେ ୪ର୍ଥରୁ ୧୦ମ ସ୍ଥାନ ଅଧିକାର କରିଥିଲେ। ଫଳରେ ଏହି ୧୦ ଡ୍ରାଇଭରଙ୍କୁ ଯଥାକ୍ରମେ ୨୫, ୧୮, ୧୫, ୧୨, ୧୦, ୮, ୬, ୫, ୨, ୧ ପଏଣ୍ଟ ମିଳିଥିଲା। ସିଜନ ଶେଷ ବାହାରିନ୍‌ ଗ୍ରାଁ ପ୍ରି ଚଳିତମାସ ୨୯ରେ ଅନୁଷ୍ଠିତ ହେବ। ମାତ୍ର ଏହି ଗ୍ରାଁ ପ୍ରି ପୂର୍ବରୁ ହାମିଲଟନ ନିଜ ୭ମ ବିଶ୍ୱ ଟାଇଟଲ ସ୍ପଷ୍ଟ କରି ଦକ୍ଷତାର ପ୍ରମାଣ ଦେଇଛନ୍ତି। ତୁର୍କୀଶ୍‌ ଗ୍ରାଁ ପ୍ରି ସହିତ ଡ୍ରାଇଭର୍ସ ଷ୍ଟାଣ୍ଡିଂରେ ହାମିଲଟନଙ୍କ ପଏଣ୍ଟ ସଂଖ୍ୟା ୩୦୭ରେ ପହଞ୍ଚତ୍ଛି। ତାଙ୍କ ଟିମ୍‌ମେଟ୍‌ ବୋଟାସ ୧୯୭ ଏବଂ ରେଡ୍‌ବୁଲ୍‌ର ଭର୍ଷ୍ଟାପେନ୍‌ ୧୭୦ ପଏଣ୍ଟ ପାଇ ବହୁ ପଛରେ ପଡ଼ିଛନ୍ତି। ହାମିଲଟନଙ୍କ ମର୍ସିଡିଜ୍‌ ଟିମ୍‌ ଏଥର ମଧ୍ୟ କନ୍‌ଷ୍ଟ୍ରକ୍ଟର ଟାଇଟଲ ଜିତିବା ନିଶ୍ଚିତ ହୋଇ ଯାଇଛି। ଏହି ଟିମ୍‌ ୫୦୭ ପଏଣ୍ଟ ସହିତ ଶୀର୍ଷରେ ରହିଥିବାବେଳେ ଦ୍ୱିତୀୟ ସ୍ଥାନରେ ଥିବା ରେଡ୍‌ବୁଲ୍‌ ଟିମ୍‌ ୨୪୦ ପଏଣ୍ଟ ପାଇ ବହୁ ପଛରେ ରହିଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଟୋକିଓ ଅଲିମ୍ପିକ୍ସ ପାଇଁ ନୂଆ ତାରିଖ ଘୋଷଣା

ଟୋକିଓ, ୩୦ା୩ (ଏ.ପି)- ଟୋକିଓ ଅଲିମ୍ପିକ୍ସ ଆସନ୍ତା ବର୍ଷ ଜୁଲାଇ ୨୩ରେ ଆରମ୍ଭ ହେବ। ଆୟୋଜକଙ୍କ ପକ୍ଷରୁ ସୋମବାର ଘୋଷଣା କରାଯାଇଛି। କରୋନା ଭାଇରସ୍‌ କାରଣରୁ...

ପେଲେ ଅଫ୍‌ ଏସିଆଙ୍କ ପରଲୋକ

କଲିକତା, ୨୯ା୪ (ପି.ଟି.)-ପୂର୍ବତନ ଫୁଟ୍‌ବଲର ପୁଙ୍ଗମ କାନାନଙ୍କ ରବିବାର ସ୍ଥାନୀୟ ଏକ ହସ୍ପିଟାଲରେ ପରଲୋକ ହୋଇଯାଇଛି। ତାଙ୍କୁ ୮୦ ବର୍ଷ ହୋଇଥିଲା। ସେ ଦୀର୍ଘଦିନ ହେଲା...

ବଲାଙ୍ଗୀରରେ ଏଆଇଏଫ୍‌ଏଫ୍‌ ଡି’ ଡିପ୍ଲୋମା କୋଚିଂ କୋର୍ସ ଆରମ୍ଭ

ଭୁବନେଶ୍ୱର, ୧୩।୧୨(କ୍ରୀଡ଼ା ପ୍ରତିନିଧି)- ସର୍ବଭାରତୀୟ ଫୁଟବଲ ଫେଡେରେଶନ (ଏଆଇଏଫ୍‌ଏଫ୍‌) ପକ୍ଷରୁ ବଲାଙ୍ଗୀର ସଦାଇପାଲିର ଏସ୍‌ଆଇଟିଇ କ୍ୟାମ୍ପସରେ ଶନିବାରଠାରୁ ଡି’ ଡିପ୍ଲୋମା କୋଚିଂ କୋର୍ସ ଆରମ୍ଭ ହୋଇଛି।...

ପିଇବା ପାଣିରେ କାର୍‌ ଧୋଇ ଦଣ୍ଡିତ କୋହଲି

ନୂଆଦିଲ୍ଲୀ, ୮ା୬- ପିଇବା ପାଣି ନଷ୍ଟ କରିବାରୁ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ ଜରିମାନା ଦେବାକୁ ପଡ଼ିଛିି। ଗୁରୁଗ୍ରାମସ୍ଥିତ ବାସଭବନ ଡିଏଲ୍‌ଏଫ୍‌ ଫେଜ...

ପ୍ରାକ୍ତନ ଖେଳାଳିଙ୍କ ଭବିଷ୍ୟବାଣୀ : ଏହି ଦଳ ପୁଣି ଥରେ ଚାମ୍ପିୟନ ହେବ

ଚେନ୍ନାଇ, ୭ା୪ : ବିଶ୍ୱର ସବୁଠୁ ବିତ୍ତଶାଳୀ କ୍ରିକେଟ ଲିଗ୍‌ ଆଇପିଏଲର ୧୪ତମ ସଂସ୍କରଣ ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି। ଏଥି ପୂର୍ବରୁ ଆରମ୍ଭ...

ବ୍ରୋଞ୍ଜ ପଦକ ପାଇଁ ଲଢିବ ଭାରତୀୟ କମ୍ପାଉଣ୍ଡ ଟିମ୍‌

ଆଣ୍ଟାଲ୍ୟା (ତୁର୍କୀ), ୨୪ା୫ (ପି.ଟି.)-ଭାରତୀୟ ପୁରୁଷ ଓ ମହିଳା କମ୍ପାଉଣ୍ଡ ଟିମ୍‌ ଏଠାରେ ଚାଲିଥିବା ଆର୍ଚେରୀ ଓ୍ବାଲର୍‌ଡ କପ୍‌ ଷ୍ଟେଜ୍‌-୩ ବ୍ରୋଞ୍ଜ୍‌ ପଦକ ପ୍ଲେ-ଅଫ୍‌ରେ ପ୍ରବେଶ...

କେନ୍‌ ରିଚାର୍ଡସନଙ୍କ ସ୍ଥାନରେ ସ୍କଟ୍‌ କଗ୍‌ଲିିନ୍‌

ଅହମଦାବାଦ, ୨୮।୪(ପି.ଟି.)-ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)-୧୪ର ଅବଶିଷ୍ଟ ଅଂଶ ପାଇଁ କେନ୍‌ ରିଚାର୍ଡସନଙ୍କ ସ୍ଥାନରେ ନ୍ୟୁଜିଲାଣ୍ଡ ପେସ୍‌ ବୋଲର ସ୍କଟ କଗ୍‌ଲିନ୍‌ଙ୍କୁ...

‘ଆମକୁ କଶ୍ମୀର ନୁହେଁ, କୋହଲି ଦରକାର’

ଶ୍ରୀନଗର, ୧୯।୬: ଚଳିତ ବିଶ୍ୱକପରେ ଭାରତ ବିପକ୍ଷ ହାଇଭୋଲଟେଜ ମ୍ୟାଚରେ ପରାସ୍ତ ହେବା ପରେ ପାକିସ୍ତାନ କ୍ରିକେଟରଙ୍କୁ ନିଜ ଦେଶରେ ସମାଲୋଚନାର ଶିକାର ହେବାକୁ ପଡିଛି।...

Advertisement
Archives

Model This Week