ସାଇକେଲ ଗଡ଼େ ତା’ର ଦୁଇ ଗୋଲାକାର ଚକ ସାହାଯ୍ୟରେ। ଏମିତିକି ଯେକୌଣସି ବାହନ ହେଉ ପଛେ ତାହା ଗୋଲାକାର ଚକ ସାହାଯ୍ୟରେ ହିଁ ଚାଲେ। ଚକର ଗୋଲ ଆକାର ବାହନକୁ ଗଡ଼ିବାରେ ସାହାଯ୍ୟ କରେ। ହେଲେ ସେର୍ଗି ଗୋର୍ଡିଭ୍ ନାମକ ଜଣେ ଇଞ୍ଜିନିୟର ତିଆରି କରିଛନ୍ତି ଏକ ଅଜବ ପ୍ରକାର ସାଇକେଲ। ଏହି ସାଇକେଲର ବିଶେଷତ୍ୱ ହେଉଛି ଯେ, ଏହାର ପଛ ଚକ ଗୋଲାକାର ନୁହେଁ, ବରଂ ଏହା ତିଆରି ହୋଇଛି ଦୁଇଟି ଅର୍ଦ୍ଧ ଗୋଲାକାର ରିୟର ହ୍ବିଲ ସାହାଯ୍ୟରେ। ଏହି ଦୁଇ ଅର୍ଦ୍ଧଗୋଲାକାର ଚକକୁ କିଛି ଦୂରତା ବ୍ୟବଧାନରେ ସେ ଏଭଳି ଭାବେ ସାଇକେଲରେ ଖଞ୍ଜିଛନ୍ତି ଯେ, ଯାହାକୁ ଦେଖିଲେ ଲାଗିବ ସାଇକେଲ ଆଦୌ ଗଡୁ ନ ଥିବ। କିନ୍ତୁ ଏଭଳି ଚକ ଲଗାଯାଇଥିଲେ ହେଁ ସାଇକେଲଟି ଚାଲେ। ସେ ପୁଣି ସମାନ୍ତରାଳ ରାସ୍ତା ସହ ଖାଲଢିପ ରାସ୍ତାରେ ବି ଭଲରେ ଯାଇପାରେ। ତେବେ ଏହି ସାଇକେଲକୁ ତିଆରି କରିବା ଲାଗି ତାଙ୍କୁ ଅନେକ ପରିଶ୍ରମ କରିବାକୁ ପଡ଼ିଥିଲା। ଅର୍ଦ୍ଧ ଗୋଲାକାର ଚକକୁ ଏଭଳିଭାବେ ସେଟ୍ କରିବା ଯେମିତିକି ତାହା ଗୋଲାକାର ଚକ ପରି କାମ କରିବ ତାହା ଆଦୌ ସହଜ କଥା ନ ଥିଲା। ତଥାପି ସେ ଏହାକୁ ସଫଳତାର ସହ କରିପାରିଲେ। ଏହାପୂର୍ବରୁ ସେ ଚେନ୍ ନ ଥିବା ସାଇକେଲ ବି ତିଆରି କରିଛନ୍ତି।
