ନୂଆଦିଲ୍ଲୀ,୧୭ ।୧୧: ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା ଗୁପକାର ଗୋଷ୍ଠୀ ସହ ଜଡିତ ଦଳ ଗୁଡିକ ଉପରେ ଖୁବ୍ ବର୍ଷିଛନ୍ତି । ମଙ୍ଗଳବାର ଶାହା କହିଛନ୍ତି ଗୁପକାର ଗ୍ୟାଙ୍ଗର ଗୋଷ୍ଠୀ ଏବେ ବିଶ୍ୱବ୍ୟାପୀ ହୋଇଯାଇଛି । ଏହି ଗ୍ୟାଙ୍ଗ ଉପରେ ତ୍ରିରଙ୍ଗାକୁ ଅପମାନ କରିଥିବା ଅଭିଯୋଗ କରିଛନ୍ତି ଶାହା । ଏହାସହ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଓ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ଶାହା ପ୍ରଶ୍ନ କରିଛନ୍ତି ଏମାନେ ଏହି ଗୁପକାର ଗ୍ୟାଙ୍ଗକୁ ସମର୍ଥନ କରିଛନ୍ତି କି । ଏହି ଗ୍ୟାଙ୍ଗ ପୁଣିଥରେ ଜମ୍ମୁ-କଶ୍ମୀରକୁ ଅଶାନ୍ତି ଓ ଆତଙ୍କବାଦ ଯୁଗକୁ ଫେରାଇ ନେଇଥିବା ଅଭିଯୋଗ କରିଛନ୍ତି ଶାହା । ସ୍ୱରାଷ୍ଟ୍ର ମନ୍ତ୍ରୀ ଟୁଇଟ୍ କରି କହିଛନ୍ତି, ଗୁପକାର ଗ୍ୟାଙ୍ଗ ବିଶ୍ୱବ୍ୟାପୀ ହୋଇଗଲାଣି । ସେମାନେ ଚାହୁଁଛନ୍ତି ବିଦେଶୀ ସେନା ଜମ୍ମୁ ଓ କଶ୍ମୀରରେ ହସ୍ତକ୍ଷେପ କରନ୍ତୁ । ଏହି ଗ୍ୟାଙ୍ଗ ଭାରତୀୟଙ୍କ ତ୍ରିରଙ୍ଗାର ବି ଅପମାନ କରିଛନ୍ତି । ତେଣୁ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ କ’ଣ ଏହି ଗ୍ୟାଙ୍କକୁ ସମର୍ଥନ କରୁଛନ୍ତି ବୋଲି ଶାହା ପ୍ରଶ୍ନ କରିଛନ୍ତି ।
Jammu and Kashmir has been, is and will always remain an integral part of India. Indian people will no longer tolerate an unholy ‘global gathbandhan’ against our national interest. Either the Gupkar Gang swims along with the national mood or else the people will sink it.
— Amit Shah (@AmitShah) November 17, 2020
