ନୂଆଦିଲ୍ଲୀ,୩୦ ।୧୧: ଗୁଜରାଟ ବିଧାନସଭା ନିର୍ବାଚନ ଲାଗି ଗୁରୁବାର ପ୍ରଥମ ପର୍ଯ୍ୟାୟରେ ୮୯ ଆସନ ପାଇଁ ଭୋଟ ଗ୍ରହଣ କରାଯିବ । ଡିସେମ୍ବର ୫ରେ ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ କରାଯିବ । ଏହିଦିନ ୯୩ ଆସନ ପାଇଁ ଭୋଟିଂ ହେବ । ଶାସନରେ ଥିବା ଭାରତୀୟ ଜନତା ପାର୍ଟି(ଭାଜପା) ପୁଣିଥରେ ଶାସନ କ୍ଷମତା ପାଇଁ ସଂଘର୍ଷ କରୁଥିବା ବେଳେ କଂଗ୍ରେସ ତା’ର ରାଜନୈତିକ ବନବାସ ଶେଷ କରିବା ଚେଷ୍ଟାରେ ପଡିଛି । ନିର୍ବାଚନ ପ୍ରତିଦ୍ୱନ୍ଦିତାକୁ ତ୍ରିକୋଣୀୟ କରିବାକୁ ଆମ ଆଦମୀ ପାର୍ଟି(ଏଏପି) ପୁରା ଦମ୍ରେ ମୈଦାନକୁ ଓହ୍ଲାଇଛି । ଏପଟେ ସବୁଠି ବିଜୟର ଆଶ୍ୱାସନା ମିଳିଛି । ହେଲେ ଅସଲରେ ସମସ୍ତ ଦଳ କେଉଁଠି ଠିଆ ହୋଇଛନ୍ତି ତାହା ଫଳାଫଳ ଆସିବା ପରେ ହିଁ ସ୍ପଷ୍ଟ ହେବ ।
