ଅହମ୍ମଦାବାଦ,୨୯।୧୧: ଗୁଜରାଟ ନିର୍ବାଚନ ପ୍ରଥମ ପର୍ଯ୍ୟାୟ ମତଦାନ ପୂର୍ବରୁ ଆଜି ପ୍ରଚାରର ଶେଷ ଦିନ। ଏଥର ଉତ୍ତର ଜାମନଗର ଆସନରୁ ଭାଜପା କ୍ରିକେଟର୍ ରବିନ୍ଦ୍ର ଜାଡେଜାଙ୍କ ସ୍ତ୍ରୀ ରିଭାବାଙ୍କୁ ଟିକେଟ ଦେଇଛି। ମଙ୍ଗଳବାର କ୍ରିକେଟର ରବିନ୍ଦ୍ର ଜାଡେଜାଙ୍କ ପିତା ଅନିରୁଦ୍ଧ ବୋହୂ ରିଭାବାଙ୍କୁ ଭୋଟ ନ ଦେଇ କଂଗ୍ରେସ ପ୍ରାର୍ଥୀଙ୍କ ସପକ୍ଷରେ ଭୋଟ ଦେବାକୁ ସେ ଜନସାଧାରଣଙ୍କୁ ନିବେଦନ କରିଛନ୍ତି। ରବୀନ୍ଦ୍ର ଜାଡେଜା ସ୍ତ୍ରୀଙ୍କ ପାଇଁ ନିରନ୍ତର ପ୍ରଚାର କରୁଥିବାବେଳେ ତାଙ୍କ ଭଉଣୀ ନୈନା ଏବଂ ପିତା ରିଭାବାଙ୍କ ବିରୋଧରେ ଏକ ଫ୍ରଣ୍ଟ ଖୋଲିଛନ୍ତି। ନୈନା କଂଗ୍ରେସ ଦଳର ଜଣେ ସଦସ୍ୟ ଏବଂ ଜଣେ ଷ୍ଟାର ପ୍ରଚାରକ ଭାବରେ ଜାମନଗର ଆସନରେ କଂଗ୍ରେସ ପ୍ରାର୍ଥୀ ପାଇଁ ଭୋଟ ପ୍ରଚାର କରୁଛନ୍ତି।
