ଛତ୍ରପୁର,୨୮।୧୨(ଡି.ଏନ.ଏ): ଗଞ୍ଜାମ ଜିଲାରେ ଜିଏସ୍ଟି ଅଧିକାରୀ ଦର୍ଶାଇ ଟ୍ରକ୍ ଡ୍ରାଇଭରଙ୍କୁ ମାଡମାରି ଟଙ୍କା ଠକେଇ ସହ ଲକ୍ଷାଧିକ ଟଙ୍କାର ଡିଲକ୍ସ ପାନ ମସଲା ଲୁଟ୍ ମାମଲାର ତଦନ୍ତ ଜାରି ରହିଛି ା ଏଥିରେ ୩ ନକଲି ଜିଏସ୍ଟି ଅଧିକାରୀଙ୍କ ସମେତ ୪ ଜଣଙ୍କୁ ଗିରଫ କରି ଛତ୍ରପୁର ପୋଲିସ ସୋମବାର କୋର୍ଟ ଚାଲାଣ କରିଥିଲା। ଏମାନେ ଏବେ ଛତ୍ରପୁର ଜେଲରେ ଅଛନ୍ତି। ଅପରପକ୍ଷରେ ଏହି ମାମଲାର ଅଧିକ ତଦନ୍ତ ଜିଏସ୍ଟି ବିଭାଗ କରିବେ ବୋଲି ଜଣାପଡିଛି ା ନକଲି ଜିଏସ୍ଟି ଅଧିକାରୀ ଭାବେ ଦର୍ଶାଇ ଟଙ୍କା ଓ ଲକ୍ଷାଧିକ ଟଙ୍କାର ପାନ ମସଲାର ତଦନ୍ତ କରିବାକୁ ଅସଲି ଜିଏସ୍ଟି ଅଧିକାରୀଙ୍କୁ ଛତ୍ରପୁର ପୋଲିସ ପକ୍ଷରୁ ଅବଗତ କରାଯାଇଛି ା ପ୍ରକୃତରେ ଜବତ ପାନ ମସଲା କିଣା ବିକା ଓଦ ପରିବହନ ବାବଦରେ ଜିଏସଟି ବିଭାଗ ନିକଟରେ ଟିକସ ଜମା ହୋଇଛି କି ନାହିଁ ତାର ଖୋଳତାଡ ବିଭାଗ ହିଁ କରିପାରିବ ା
ଜବତ ପାନ ୬୦ ବସ୍ତା ପାନ ମସଲାର ଆନୁମାନିକ ମୂଲ୍ୟ ୧୦ ରୁ ୧୨ ଲକ୍ଷ ଟଙ୍କା ହେବ ବୋଲି ପୋଲିସ ପକ୍ଷରୁ କୁହାଯାଇଛି ା ତେବେ କୋଲକତାରୁ ଚାଉଳ ଓ ଉକ୍ତ ପାନ ମସଲା ଟ୍ରକ୍ ଯୋଗେ ଆନ୍ଧ୍ରକୁ ଚାଲାଣ ବେଳେ ନକଲି ଜିଏସଟି ଅଧିକାରୀ ଦର୍ଶାଇ ବଟି ଆଦାୟ ସହ ପାନ ମସଲା ଲୁଟ୍ କରାଯାଇଥିଲା। ବଟି ଆଦାୟ ପରେ ଚାଉଳ ସହ ଟ୍ରକକୁ ଦୁବୃତ୍ତମାନେ ଛାଡି ଦେଇଥିଲେ ା ଉକ୍ତ ଚାଉଳ ବାବଦରେ ମଧ୍ୟ ଜିଏସଟି ଟିକସ ପୈଠ ହୋଇଥିଲା କି ନାହିଁ ତାର ମଧ୍ୟ ତଦନ୍ତର ଆବଶ୍ୟକତା ରହିଛି ା ପୋଲିସ ପକ୍ଷରୁ ଜବତ ପାନ ମସଲା ନା ଏଥିରେ ଜର୍ଦା ମିଶ୍ରିତ ଅଛି କି ନାହିଁ ତାର ଟେଷ୍ଟିଂ ର ଆବଶ୍ୟକତା ରହିଛି ା ଏହାର ନମୁନା ଲ୍ୟାବକୁ ପଠାଯିବ ବୋଲି ଛତ୍ରପୁର ଥାନା ଆଇଆଇସି ସତ୍ୟ ରଞ୍ଜନ ପ୍ରଧାନ କହଛନ୍ତି। ଟ୍ରକ୍ରେ ଥିବା ୮୬ ହଜାର ଟଙ୍କା ମଧ୍ୟ ଦୁବୃର୍ତମାନେ ନେଇଯାଇଥିବା ଏତଲାରେ ଟ୍ରକ୍ ଚାଳକ ଦର୍ଶାଇଥିଲେ ା ମାତ୍ର ତାହାର ସତ୍ୟତା ଅଛି କି ନାହିଁି ତଦନ୍ତ ପରେ ଜଣାପଡିବ ବୋଲି କୁହାଯାଇଛି। ଏପରିକି ଗିରଫମାନଙ୍କ ନଁାରେ ଆଗରୁ କୌଣସି ଥାନାରେ ଆପରାଧିକ ମାମଲା ଅଛି କି ନାହିଁ ତାର ମଧ୍ୟ ଖୋଳତାଡ ଛତ୍ରପୁର ପୋଲିସ କରିବ ା ବ୍ରହ୍ମପୁରର ସୀମାଞ୍ଚଳ ପଣ୍ଡା ତାଙ୍କର ବକେୟା ଟଙ୍କା ଆଦାୟ କରିବାକୁ ସୁଶାନ୍ତ କୁମାର ଦଳାଇକୁ କହିଥିଲେ। ସୁଶାନ୍ତ ତାଙ୍କ ସହଯୋଗୀ ଛତ୍ରପୁରର ଦେବାଶିଷ ଓ ଗୋପାଳଙ୍କ ସହ ପ୍ରସ୍ତୁତି କରିଥିଲେ। ୨୧ ତାରିଖରେ କୋଲକତାରୁ ଏକ ଟ୍ରକ୍ ଯୋଗେ ନାନି ରାଜୁଙ୍କ ଚାଉଳ ଓ ପାନ ମସଲା ଆନ୍ଧ୍ରକୁ ଯାଉଥିବା ବେଳେ ଛତ୍ରପୁର ଥାନା ଅନ୍ତର୍ଗତ ଉଜ୍ଜଳେଶ୍ୱରୀ ମନ୍ଦିର ନିକଟରେ ସୁଶାନ୍ତ, ଦେବାଶିଷ ଓ ଗୋପାଳ ଅଟକାଇ ନିଜକୁ ଜିଏସ୍ଟି ଅଧିକାରୀ ବୋଲି ପରିଚୟ ଦେଇଥିଲେ। ଘଟଣାର ରଫାଦଫା କରିବାକୁ ସାମଗ୍ରୀର ମାଲିକ ୧ ଲକ୍ଷ ୪୦ ହଜାର ଟଙ୍କା ଟ୍ରାନ୍ସଫର କରିଥିଲେ। ଏଥିସହ ଟ୍ରକ୍ରେ ଥିବା ୬୦ ବସ୍ତା ପାନ ମସଲାକୁ ଦୁବୃତ୍ତମାନେ ନେଇ ଟ୍ରକ୍ ସହ ଚାଉଳ ଛାଡି ଦେଇଥିଲେ ା ଏତଲା ପରେ ତଦନ୍ତ କରି ଠକେଇ କରି ନେଇଥିବା ୧ ଲକ୍ଷ ୪୦ ହଜାର ଟଙ୍କା, ଲୁଟ୍ କରିଥିବା ଲକ୍ଷାଧିକ ଟଙ୍କାର ୬୦ ପ୍ୟାକେଟ୍ ପାନମସଲା, ୫ ଟି ମୋବାଇଲ ଏବଂ ୨ ଟି କାରକୁ ଏମାଙ୍କଠାରୁ ପୋଲିସ ଜବତ କରିଥିଲା ା
