ନୂଆଦିଲ୍ଲୀ,୨୮ା୧୨: ଦେଶର ପ୍ରମୁଖ ବାଣିଜି୍ୟକ ବ୍ରାଣ୍ଡ ‘ନେକ୍ସସ୍ ମଲ୍ସ’ ପକ୍ଷରୁ ନିକଟରେ ଏକ ନୂତନ ଅଭିଯାନ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଉକ୍ତ ଅଭିଯାନ ପରିପ୍ରେକ୍ଷୀରେ ଉନ୍ମୋଚିତ ହୋଇଥିବା ନେକ୍ସସ୍ ମଲ୍ସର ଡିଜିଟାଲ ଆଡ୍ ଫିଲ୍ମରେ ଅମିତାଭ ବଚ୍ଚନଙ୍କୁ ନେକ୍ସସ୍ ମଲ୍ସ ପୋର୍ଟଫୋଲିଓର ଏକ ମଲ୍ରୁ ଅନ୍ୟ ଏକ ମଲ୍ର ଗ୍ରାହକଙ୍କୁ ଏକ ହଟେଷ୍ଟ ପର୍ପଲ୍ ଡ୍ରେସ୍ ଚୟନ କରିବାରେ ସାହାଯ୍ୟ କରୁଥିବାର ଦେଖାଯାଇଛି। ଏହି ଡିଜିଟାଲ ଆଡ୍ ହେଉଛି ପାର୍ବଣ ଋତୁ ପାଇଁ ନେକ୍ସସ୍ ମଲ୍ସ ପକ୍ଷରୁ ଅମିତାଭ ବଚ୍ଚନଙ୍କ ସହ ଯୋଜନା କରାଯାଇଥିବା ଏକ ବୃହତ୍ କ୍ୟାମ୍ପେନ୍ ରୋଲ୍ଆଉଟ୍ର ଏକ ଅଂଶବିଶେଷ। ଏ ସମ୍ପର୍କରେ ନେକ୍ସସ୍ ମଲ୍ସର ସିଏମ୍ଓ ନିଶାଙ୍କ ଜୋଷୀ କହିଛନ୍ତି, ‘ଆମର ବ୍ରାଣ୍ଡ୍ ନିର୍ମାଣ ଜାରି ରଖିଥିବାରୁ ଆମେ ନିଶ୍ଚିତ ଯେ ଏହି କ୍ୟାମ୍ପେନ୍ ଆମକୁ ଉପଭୋକ୍ତାଙ୍କ ଦୃଷ୍ଟିରେ ଆମର ସ୍ଥିତି ମଜଭୁତ କରିବାରେ ସାହାଯ୍ୟ କରିବ। ଅମିତାଭ ବଚ୍ଚନଙ୍କ ସହ ଆମର କ୍ୟାମ୍ପେନ୍ ଆମ ଗ୍ରାହକଙ୍କ ପାଇଁ ‘ଅବ୍ ହର୍ ଦିନ୍ କୁଛ୍ ନୟା’ ଅନୁଭୂତି ଆଣିବାର ବ୍ରାଣ୍ଡ୍ ପ୍ରତିଶ୍ରୁତି ପ୍ରତି ବାସ୍ତବ ରହିବା ପାଇଁ ଆମର ପ୍ରତିବଦ୍ଧତା। କୋର୍କୋଏସ୍ ଦ୍ୱାରା ପ୍ରଯୋଜିତ ଏହି ଆଡ୍ ଫିଲ୍ମକୁ ‘ପ୍ରସୁନ ପାଣ୍ଡେ’ ନିର୍ଦ୍ଦେଶନା ଦେଇଛନ୍ତି। ତେବେ ଏହାର ସ୍କ୍ରିପ୍ଟ ଲେଖିଛନ୍ତି ଅନୁରାଗ ଅଗ୍ନିହୋତ୍ରୀ ଓ ପୀୟୂଷ ପାଣ୍ଡେ। ଏହି କ୍ୟାମ୍ପେନ୍ ମଲ୍ଟି-ମିଡିଆ ଉପରେ ଗୁରୁତ୍ୱ ଦେଉଛି ଏବଂ ପ୍ରିଣ୍ଟ୍ ଓ ଡିଜିଟାଲ ଚ୍ୟାନେଲଗୁଡ଼ିକ ଉପରେ ମଧ୍ୟ ଗୁରୁତ୍ୱ ଦେବ। ଉଲ୍ଲେଖଯୋଗ୍ୟ, ନିକଟରେ ଅମିତାଭ ବଚ୍ଚନଙ୍କୁ ମଲ୍ର ହାପିନେସ୍ ଆମ୍ବାସାଡର ଭାବେ ଘୋଷଣା କରାଯାଇଥିଲା।
