ଜୟପୁର,୧୭ା୧(ପି.ଟି.): ଅଜିଙ୍କ୍ୟ ପାଓ୍ବାରଙ୍କ ସୁପର୍ ୧୦ ବଳରେ ବୁଧବାର ପ୍ରୋ କବାଡି ଲିଗ୍ରେ ପାଟନା ପାଇରେଟ୍ସ ବିପକ୍ଷରେ ବୃହତ ବିଜୟ ହାସଲ କରିଛି ତାମିଲ ଥାଲାଇଭାସ୍। ଥାଲାଇଭାସ୍ ପକ୍ଷରୁ ଅଜିଙ୍କ୍ୟ ପାଓ୍ବାର ୧୦ ଓ ରେଡରର ନରେନ୍ଦର ୬ ପଏଣ୍ଟ ସ୍କୋର କରିଥିବା ବେଳେ ଦଳ ୪୧-୨୫ରେ ବିଜୟ ହାସଲ କରିଥିଲା। ମ୍ୟାଚ୍ ଆରମ୍ଭରୁ ଉଭୟ ଦଳ ଆକ୍ରମଣାତ୍ମକ ଢଙ୍ଗରେ ଆରମ୍ଭ କରିଥିଲେ। ପାଇରେଟ୍ସ ପ୍ରଥମରୁ ୪-୨ରେ ଆଗୁଆ ରହିଥିବା ବେଳେ ଅଜିଙ୍କ୍ୟ ଓ ସାଗର ମ୍ୟାଚକୁ ସମାନ୍ତର ସ୍ଥିତିକୁ ଆଣିଥିଲେ। ତେବେ ପାଇରେଟ୍ସକୁ ଅଲଆଉଟ କରି ଥାଲାଇଭାସ୍ ଅଗ୍ରଣୀକୁ ୧୨-୬ରେ ପହଞ୍ଚାଇଥିଲେ। ୧୪ତମ ମିନିଟ ସୁଦ୍ଧା ଅଗ୍ରଣୀ ୧୬-୮ରେ ପହଞ୍ଚତ୍ଥିବା ବେଳେ ପ୍ରଥମାର୍ଦ୍ଧ ବେଳକୁ ଏହା ୨୦-୧୧ରୋ ରହିଥିଲା।
ଦ୍ୱିତୀୟାର୍ଦ୍ଧର ଆରମ୍ଭରୁ ଅଜିଙ୍କ୍ୟ ପାଓ୍ବାର ଏକ ସୁପର ରେଡ୍ କରିବା ସହିତ ଦଳକୁ ୨୫-୧୧ରେ ଆଗୁଆ ରଖିଥିଲେ। ୨୯ ତମ ମିନିଟରେ ପାଇରେଟ୍ସ ପକ୍ଷରୁ ଅଙ୍କିତ ଏକ ଚମତ୍କାର ଟ୍ୟାକେଲ୍ କରିଥିଲେ। ତେବେ ଥାଲାଇଭାସ୍ ୪୧-୨୫ରେ ମ୍ୟାଚ୍କୁ ଜିତି ନେଇଥିଲା। ବୁଧବାର ଦବଙ୍ଗ ଦିଲ୍ଲୀ-ଗୁଜରାଟ ଜାଏଣ୍ଟ୍ସ, ଜୟପୁର ପିଙ୍କ ପାନ୍ଥର୍ସ-ହରିଆଣା ଷ୍ଟିଲର୍ସ ମଧ୍ୟରେ ମ୍ୟାଚ୍ ଖେଳାଯିବ।
