କଲମ୍ବୋ,୭।୪: ଶ୍ରୀଲଙ୍କାର ପୂର୍ବତନ କ୍ରିକେଟର ତଥା ମହାନ ଖେଳାଳି ସନଥ ଜୟସୁରିଆ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରିଛନ୍ତି। ଶ୍ରୀଲଙ୍କା ଏବେ ଅର୍ଥନୈତିକ ସଙ୍କଟ ଦେଇ ଗତି କରୁଛି। ଶ୍ରୀଲଙ୍କାକୁ ସହାୟତା ପଠାଇଥିବାରୁ ଭାରତ ସରକାର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜୟସୁରିଆ ପ୍ରଶଂସା କରିଛନ୍ତି। ସେ କହିଛନ୍ତି, ଭାରତ ଆମର ଭଲ ପଡ଼ୋଶୀ। ଭାରତ ବଡ ଭାଇ ପରି ଶ୍ରୀଲଙ୍କାକୁ ସାହାଯ୍ୟ କରୁଛନ୍ତି। ଏବେ ବଞ୍ଚିବା ଆମ ପାଇଁ ସହଜ ନୁହେଁ। ମୁଁ ଆଶା କରୁଛି ଶୀଘ୍ର ସବୁକିଛି ବଦଳିଯିବ। ଭାରତ ଏବଂ ଅନ୍ୟ ଦେଶମାନଙ୍କ ସାହାଯ୍ୟରେ ଆମେ ଏହି ପରିସ୍ଥିତିରୁ ମୁକ୍ତି ପାଇବାକୁ ଚେଷ୍ଟା କରୁଛୁ। ଗ୍ୟାସ ଏବଂ ଇନ୍ଧନର ଅଭାବ ଅଛି ଏବଂ ବେଳେବେଳେ ୧୦-୧୨ ଘଣ୍ଟା ପାଇଁ ବିଦ୍ୟୁତ ଯୋଗାଣ ନାହିଁ। ଦେଶ ପାଇଁ ଏହା ଏକ କଷ୍ଟକର ସମୟ। ଲୋକେ ଶାନ୍ତିପୂର୍ଣ୍ଣ ଭାବରେ ବିରୋଧ ପ୍ରଦର୍ଶନ କରନ୍ତୁ।
ସଙ୍କଟର ସମ୍ମୁଖୀନ ହୋଇଥିବା ଶ୍ରୀଲଙ୍କାକୁ ଭାରତ ସରକାର ଏପର୍ଯ୍ୟନ୍ତ ୨୭୦,୦୦୦ ମେଟ୍ରିକ ଟନରୁ ଅଧିକ ଇନ୍ଧନ ଯୋଗାଇ ଦେଇଛନ୍ତି।
