ଅଗଷ୍ଟର ଶେଷ ସପ୍ତାହ ଜ୍ୟୋତିଷ ଦୃଷ୍ଟିରୁ ବେଶ ଗୁରୁତ୍ୱପୂର୍ଣ୍ଣ ରହିବ। ଏହି ସମୟରେ ବୁଧ ସିଂହ ରାଶିରେ ଗୋଚର କରିବେ। ସିଂହରେ ପୂର୍ବରୁ ସୂର୍ଯ୍ୟ ରହିଥିବାରୁ ବୁଧ ଓ ସୂର୍ଯ୍ୟଙ୍କ ଯୁତିରେ ବୁଧାଦିତ୍ୟ ରାଜଯୋଗ ଗଠନ ହେବ। ଏହା ସହ ଏହି ସପ୍ତାହରେ ଚନ୍ଦ୍ରଗ୍ରହଣ ମଧ୍ୟ ହେବାକୁ ଥିବାରୁ ଗ୍ରହଙ୍କ ଚଳନ ବେଶ ଗୁରୁତ୍ୱପୂର୍ଣ୍ଣ ରହିବ।
ଅନ୍ୟପଟେ ଗୁରୁ କର୍କଟ ରାଶିରେ ଗୋଚର କରି ହଂସ ରାଜଯୋଗ ଗଠନ କରୁଛନ୍ତି। ଜ୍ୟୋତିଷାଚାର୍ଯ୍ୟଙ୍କ ଅନୁସାରେ, ଏହି ଗ୍ରହ ସଂଯୋଗର ପ୍ରଭାବରେ ବୃଷ, ମିଥୁନ, କର୍କଟ, ବିଛା ଓ ଧନୁ ରାଶିଙ୍କ ପାଇଁ ଅଗଷ୍ଟର ଶେଷ ସପ୍ତାହ ଶୁଭ ରହିପାରେ। କ୍ୟାରିୟରରେ ଆଗକୁ ବଢ଼ିବା ସହ ପ୍ରେମ ଜୀବନରେ ମଧ୍ୟ ଖୁସି ଆସିବାର ଯୋଗ ରହିଛି।
ବୃଷ ରାଶିଙ୍କ ପାଇଁ ଅଗଷ୍ଟର ଶେଷ ସପ୍ତାହ ଆର୍ଥିକ ଦୃଷ୍ଟିରୁ ଫଳଦାୟକ ରହିପାରେ। ପଞ୍ଚମ ଭାବରେ ଶୁକ୍ରଙ୍କ ଗୋଚର ଏବଂ ଚତୁର୍ଥ ଭାବରେ ବୁଧାଦିତ୍ୟ ଯୋଗ ଆପଣଙ୍କୁ ସୁଖ-ସୁବିଧା ଓ ଉନ୍ନତି ଦେଇପାରେ। ନିବେଶରୁ ଭଲ ଲାଭ ମିଳିବାର ସମ୍ଭାବନା ରହିଛି। ପ୍ରେମ ସମ୍ପର୍କରେ ନିକଟତା ବଢ଼ିବ ଏବଂ ଲଭ ଲାଇଫରେ ଖୁସି ଆସିପାରେ। ପରିବାର ସହ ଭଲ ସମୟ କାଟିବେ। ବ୍ୟବସାୟରେ ଲାଭ ମିଳିବା ସହ ଉପହାର ଓ ସମ୍ମାନ ପାଇବାର ଯୋଗ ରହିଛି। ସପ୍ତାହ ମଧ୍ୟଭାଗରେ କୌଣସି ସମ୍ପର୍କୀୟଙ୍କ ସହ ସାକ୍ଷାତ ହୋଇପାରେ।
ମିଥୁନ ରାଶିଙ୍କ ପାଇଁ ଏହି ସପ୍ତାହ ବିଶେଷ ଫଳଦାୟକ ହୋଇପାରେ। ସପ୍ତାହ ଶେଷ ଆଡ଼କୁ ବୁଧାଦିତ୍ୟ ରାଜଯୋଗ ଯୋଗୁଁ କ୍ୟାରିୟର ଓ ବ୍ୟବସାୟରେ ଉନ୍ନତିର ସୁଯୋଗ ମିଳିପାରେ। ଦୀର୍ଘଦିନ ଧରି ଅଟକି ରହିଥିବା କାମ ପୂରା ହେବାର ସମ୍ଭାବନା ରହିଛି। ଆପଣଙ୍କ ପ୍ରୋଜେକ୍ଟଗୁଡ଼ିକ ସମୟରେ ଶେଷ ହୋଇପାରେ। ଭାଇ-ଭଉଣୀଙ୍କ ସହଯୋଗ ମିଳିବ। ବିବାହିତ ଜୀବନ ଓ ପ୍ରେମ ସମ୍ପର୍କରେ ମଧ୍ୟ ସମୟ ଭଲ ରହିବ। ଏହା ସହ ଶୁକ୍ରଙ୍କ ସ୍ଥିତି ଯୋଗୁଁ ଘରେ ସୁଖ-ସୁବିଧା ବଢ଼ିପାରେ।
କର୍କଟ ରାଶିରେ ବୁଧ ଓ ଗୁରୁଙ୍କ ସଂଯୋଗ ହେବାରୁ ହଂସ ରାଜଯୋଗର ପ୍ରଭାବ ଦେଖିବାକୁ ମିଳିପାରେ। ତେବେ ଚନ୍ଦ୍ରଗ୍ରହଣର ପ୍ରଭାବ ଯୋଗୁ ସପ୍ତାହଟି ମିଶ୍ରିତ ରହିପାରେ। ସପ୍ତାହ ଆରମ୍ଭରେ ଲାଭର ସୁଯୋଗ ମିଳିବା ସହ ବ୍ୟବସାୟରେ ଉନ୍ନତି ହୋଇପାରେ। ମଧ୍ୟଭାଗରେ କିଛି ଚିନ୍ତା ଓ ମାନସିକ ଚାପ ରହିପାରେ। କୌଣସି ସମ୍ପର୍କୀୟଙ୍କ କାରଣରୁ ମଧ୍ୟ ଅସୁବିଧା ହୋଇପାରେ। ତେବେ ସପ୍ତାହ ଶେଷରେ ଧନ ବୃଦ୍ଧିର ଯୋଗ ରହିଛି। ପ୍ରେମ ଜୀବନରେ ପାରସ୍ପରିକ ବୁଝାମଣା ଭଲ ରହିବ। କାର୍ଯ୍ୟକ୍ଷେତ୍ରରେ ଚାପ ପରେ ସଫଳତା ମିଳିପାରେ। ତେବେ ବିରୋଧୀଙ୍କଠାରୁ ସତର୍କ ରହିବା ଭଲ
ବିଛା ରାଶିଙ୍କ ପାଇଁ ଅଗଷ୍ଟର ଶେଷ ସପ୍ତାହ ଉନ୍ନତି ଆଣିପାରେ। ପରିବାର ଓ ସମ୍ପର୍କୀୟଙ୍କ ସହ ଭଲ ସମୟ କାଟିବାର ସୁଯୋଗ ମିଳିବ। ଶ୍ୱଶୁର ଘର ପକ୍ଷରୁ ସହଯୋଗ ଓ ଲାଭ ପାଇପାରନ୍ତି। କାର୍ଯ୍ୟକ୍ଷେତ୍ରରେ ବୁଧାଦିତ୍ୟ ଯୋଗ ଓ ଗୁରୁଙ୍କ ଶୁଭ ଦୃଷ୍ଟି ଆପଣଙ୍କ କ୍ୟାରିୟରକୁ ଆଗକୁ ନେଇପାରେ। କୌଣସି ବଡ଼ ଦାୟିତ୍ୱ ମିଳିପାରେ। ସମ୍ପର୍କୀୟ କିମ୍ବା ବନ୍ଧୁଙ୍କ ସହଯୋଗରୁ ମଧ୍ୟ ଲାଭ ମିଳିପାରେ।
ଧନୁ ରାଶିଙ୍କ ପାଇଁ ଅଗଷ୍ଟର ଶେଷ ସପ୍ତାହ ଭାଗ୍ୟଶାଳୀ ରହିପାରେ। ବାପା କିମ୍ବା ବାପାଙ୍କ ଭଳି କୌଣସି ବ୍ୟକ୍ତିଙ୍କ ସହଯୋଗରେ ବଡ଼ ଲାଭ ମିଳିପାରେ। ଅପ୍ରତ୍ୟାଶିତ ଧନଲାଭର ମଧ୍ୟ ଯୋଗ ରହିଛି। ପରିବାର ଓ ସାମାଜିକ ଜୀବନରେ ମାନ-ସମ୍ମାନ ବଢ଼ିବ। କାର୍ଯ୍ୟକ୍ଷେତ୍ରରେ ଉନ୍ନତି ମିଳିବା ସହ ସହକର୍ମୀଙ୍କ ସମ୍ପୂର୍ଣ୍ଣ ସହଯୋଗ ପାଇବେ। ଫଳରେ ନିଜ ଟାର୍ଗେଟ ସହଜରେ ପୂରଣ କରିପାରିବେ। ଆର୍ଥିକ ଲାଭର ଯୋଗ ମଧ୍ୟ ରହିଛି। ସମଗ୍ର ଭାବେ ଏହି ସପ୍ତାହ ଆପଣଙ୍କ ମନକୁ ଖୁସି ରଖିପାରେ।
