ଲକ୍ଷ୍ନୌ,୧୦।୧ : ସମାଜବାଦୀ ପାର୍ଟିର ବରିଷ୍ଠ ନେତା ତଥା ପୂର୍ବତନ କ୍ୟାବିନେଟ ମନ୍ତ୍ରୀ ସ୍ବମୀ ପ୍ରସାଦ ମୌର୍ଯ୍ୟ ପୁଣି ଥରେ ବିବାଦୀୟ ବିବୃତ୍ତି ଦେଇଛନ୍ତି। ସେ କାସଗଞ୍ଜରେ କହିଛନ୍ତି ଉତ୍ତରପ୍ରଦେଶର ତତ୍କାଳୀନ ସରକାର ସମ୍ବିଧାନ ତଥା ଆଇନର ସୁରକ୍ଷା ପାଇଁ ଅରାଜକତା ସୃଷ୍ଟି କରୁଥିବା କର ସେବକମାନଙ୍କ ଉପରକୁ ଗୁଳି ଚଳାଇବାକୁ ନିର୍ଦ୍ଦେଶ ଦେଇଥିଲେ। ସେତେବେଳେ ତତ୍କାଳୀନ ସରକାର ନିଜର କର୍ତ୍ତବ୍ୟ ଠିକ ଭାବେ ପାଳନ କରିଥିଲେ। ଏବେ ଏହାର ଭିଡିଓ ଭାଇରାଲ ହେବାରେ ଲାଗିଛି।
ଯେତେବେଳେ ଅଯୋଧ୍ୟା ରାମ ମନ୍ଦିରରେ ଏହି ଘଟଣା ଘଟିଥିଲା, ସେତେବେଳେ ନ୍ୟାୟପାଳିକା କିମ୍ବା ପ୍ରଶାସନର କୌଣସି ଆଦେଶ ବିନା ଅରାଜକତାବାଦୀ ଉପାଦାନଗୁଡ଼ିକଙ୍କ ଦ୍ୱାରା ବଡ଼ ଧରଣର ଭଙ୍ଗାରୁଜା ହୋଇଥିଲା। ଏହା ଉପରେ ତତ୍କାଳୀନ ସରକାର ସମ୍ବିଧାନ ଏବଂ ଆଇନର ସୁରକ୍ଷା ତଥା ଶାନ୍ତି ଏବଂ ଶୃଙ୍ଖଳା ବଜାୟ ରଖିବା ପାଇଁ ଗୁଳି ଚଳାଇଥିଲେ।
୩୩ ବର୍ଷ ପୂର୍ବେ ୧୯୯୦ରେ, ଅଯୋଧ୍ୟାରେ ହନୁମାନ ଗଢ଼ି ଯାଉଥିବା କର ସେବକଙ୍କ ଉପରେ ଗୁଳି ଚାଳନା କରାଯାଇଥିଲା। ସେତେବେଳେ ଉତ୍ତରପ୍ରଦେଶରେ ସମାଜବାଦୀ ପାର୍ଟି ସରକାର ଥିଲେ, ମୁଲାୟମ ସିଂ ଯାଦବ ୟୁପି ମୁଖ୍ୟମନ୍ତ୍ରୀ ଥିଲେ। ସେହି ଦିନ, ଅଯୋଧ୍ୟାରେ ପ୍ରଶାସନ କର୍ଫ୍ୟୁ ଲାଗୁ କରିଥିଲା, ଯେଉଁଥିପାଇଁ ଭକ୍ତମାନଙ୍କୁ ପ୍ରବେଶ ଅନୁମତି ଦିଆଯାଇ ନ ଥିଲା, ତଥାପି ସାଧୁମାନେ ଅଯୋଧ୍ୟା ଆଡକୁ ଯାଉଥିଲେ। ବାବ୍ରି ମସଜିଦର ୧.୫ କିଲୋମିଟର ଦୂରତା ମଧ୍ୟରେ ପୋଲିସ ବ୍ୟାରିକେଡ କରିଥିଲା। ଏହି ସମୟରେ କର ସେବକମାନଙ୍କର ଭିଡ଼ ନିୟନ୍ତ୍ରଣ ବାହାରକୁ ଚାଲିଯାଇଥିଲା।
୩୦ ଅକ୍ଟୋବର ୧୯୯୦ରେ ପ୍ରଥମ ଥର ପାଇଁ କରସେବକଙ୍କ ଉପରକୁ ଗୁଳି ଚାଳନା କରାଯାଇଥିଲା। ଗୁଳି ଚାଳନାରେ ୫ଜଣଙ୍କର ମୃତ୍ୟୁ ହୋଇଥିଲା। ଏହା ପରେ ଅଯୋଧ୍ୟା ଯୋଗୁଁ ସାରା ଦେଶରେ ପରିବେଶ ଉତ୍ତପ୍ତ ହୋଇଯାଇଥିଲା। ଗୁଳିକାଣ୍ଡର ଦୁଇ ଦିନ ପରେ, ନଭେମ୍ବର ୨ ରେ, ହଜାର ହଜାର କରସେବକ ହନୁମାନ ଗଢ଼ିରେ ପହଞ୍ଚିଥିଲେ। ଏହି ଘଟଣାର ଦୁଇ ବର୍ଷ ପରେ, ବିବାଦୀୟ ଢାଞ୍ଚା ୬ ଡିସେମ୍ବର ୧୯୯୨ରେ ଭାଙ୍ଗି ଦିଆଯାଇଥିଲା । ୧୯୯୦ ରେ ଗୁଳିକାଣ୍ଡର ୨୩ ବର୍ଷ ପରେ ଜୁଲାଇ ୨୦୧୩ରେ ମୁଲାୟମ ସିଂ ଏକ ବିବୃତ୍ତି ପ୍ରଦାନ କରିଥିଲେ ଯେଉଁଥିରେ ସେ କହିଥିଲେ ଗୁଳିକାଣ୍ଡ ନେଇ ସେ ଦୂଃଖିତ, କିନ୍ତୁ ତାଙ୍କ ପାଖରେ ଏହାଛଡା ଅନ୍ୟ ବିକଳ୍ପ ନ ଥିଲା।
#WATCH | Kasganj (UP): On Ram temple, Samajwadi Party leader Swami Prasad Maurya says, "…To safeguard the constitution and the law and to protect peace, the then government gave shoot at sight orders. The government merely did its duty…" pic.twitter.com/tpYf8wdMnJ
— ANI UP/Uttarakhand (@ANINewsUP) January 10, 2024
