‘ହିରୋ ନମ୍ବର ୧’ ଗୋବିନ୍ଦା ପୁଣି ବଡ଼ ପରଦାରେ ଧମାଲ କରିବାକୁ ଯାଉଛନ୍ତି। ସେ ‘ରୂପା’ ଚଳଚ୍ଚିତ୍ରରେ ନଜର ଆସିବେ। ଗୋବିନ୍ଦା ନିଜେ ଏହି ପ୍ରୋଜେକ୍ଟ ଘୋଷଣା କରିଛନ୍ତି। ଏଥିରେ ସେ ନବାଗତ ରାଣୀ ସ୍ବର୍ଣ୍ଣକରଙ୍କ ସହ ଅଭିନୟ କରିବେ। ସେ ଏହି ଚଳଚ୍ଚିତ୍ରର ପ୍ରଯୋଜନା ମଧ୍ୟ କରୁଛନ୍ତି। ସେ କହିଛନ୍ତି, ମୁଁ ଏବେ ପ୍ରସ୍ତୁତ। ଖୁବଶୀଘ୍ର ସମ୍ପୂର୍ଣ୍ଣ କଳାକାରଙ୍କୁ ଦେଖିବେ। ମୁଁ ଭାବୁଛି ଏହା ଏକ ଅନନ୍ୟ ଚଳଚ୍ଚିତ୍ର ହେବ, ବିଶେଷକରି ଯୁବପିଢ଼ିଙ୍କ ପାଇଁ। ଯୁବକମାନେ ଉଚ୍ଚ ଆଶା ସହିତ କ୍ୟାରିୟର ଆରମ୍ଭ କରନ୍ତି କିନ୍ତୁ କେତେକ ସମୟରେ ନିଜର ପଥ ହରାନ୍ତି। ଏହି ଚଳଚ୍ଚିତ୍ରରେ, ମୁଁ ‘ମାୟା’ (ଭ୍ରମ/ସାଂସାରିକ ଆକର୍ଷଣ)ର ଦିଗକୁ ଚିତ୍ରଣ କରିବାକୁ ଚାହୁଁଛି।
ଗୋବିନ୍ଦାଙ୍କ ଶେଷ ଥର ପାଇଁ ୨୦୧୯ ଚଳଚ୍ଚିତ୍ର ‘ରଙ୍ଗୀଲା ରାଜା’ରେ ନଜର ଆସିଥିଲେ। ଏଥିରେ ସେ ଡବଲ ରୋଲ କରିଥିଲେ। କିନ୍ତୁ ଚଳଚ୍ଚିତ୍ରଟି ଭଲ ପ୍ରଦର୍ଶନ କରିପାରି ନ ଥିଲା। ଏହା ବ୍ୟତୀତ ସେ ୨୦୨୨ ଡକ୍ୟୁମେଣ୍ଟାରୀ ‘ନାମ ଥା କନହୈୟାଲାଲ’ରେ ଦେଖାଦେଇଥିଲେ। ଗୋବିନ୍ଦା ଗତ ୭ ବର୍ଷ ଧରି ପରଦାରୁ ଅନୁପସ୍ଥିତ ଅଛନ୍ତି।
ଗୋବିନ୍ଦାଙ୍କ ସ୍ତ୍ରୀ ସୁନିତା ଏବଂ ପୁଅ ଯଶବର୍ଦ୍ଧନ ଆହୁଜା ମଧ୍ୟ ସେମାନଙ୍କର ଚଳଚ୍ଚିତ୍ର ଡେବ୍ୟୁ କରିବାକୁ ଯାଉଛନ୍ତି। ଉଭୟ ଏକତା କପୁରଙ୍କ ଦ୍ୱାରା ନିର୍ମିତ ଚଳଚ୍ଚିତ୍ରରେ ଦେଖାଯିବେ।
