ଭୁବନେଶ୍ୱର,୨୬।୬(ବ୍ୟୁରୋ)-ରାଜଧାନୀ ଭୁବନେଶ୍ୱରକୁ ଏଣିକି ହଟସ୍ପଟ ଜିଲାରୁ ଫେରିଲେ କ୍ୱାରାଣ୍ଟାଇନରେ ରହିବାକୁ ପଡ଼ିବ। ହୋମ କ୍ୱାରାଣ୍ଟାଇନ ନୁହେଁ ବରଂ ସରକାରୀ କ୍ୱାରାଣ୍ଟାଇନ ରହିବାକୁ ହେବ। ଏ ନେଇ ଶୁକ୍ରବାର ଭୁବନେଶ୍ୱର ମହାନଗର ନିଗମ (ବିଏମ୍ସି) କମିଶନର ପ୍ରେମଚନ୍ଦ୍ର ଚୌଧୁରୀ ସୂଚନା ଦେଇଛନ୍ତି।
ରାଜଧାନୀରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ବିଶେଷ କରି ବସ୍ତି ଅଞ୍ଚଳକୁ ଗୁରୁତ୍ୱ ଦିଆଯାଉଛି। ୱାର୍ଡ କମିଟି ଗଠନ କରି ଆକ୍ଟିଭ ସର୍ଭିଲାନ୍ସ ଜାରି ରହିଛି। ସେହିପରି ଅଧିକ ପ୍ରଭାବିତ ହେବା ଆଶଙ୍କା ଥିବା ବୟସ୍କ ଓ ଶିଶୁଙ୍କୁ ଚିହ୍ନଟ କରାଯାଉଛି। ଏମାନଙ୍କୁ ସତନ୍ତ୍ର ଆପ ଜରିଆରେ ସଚେତନ କରାଯାଉଥିବା କମିଶନର ଚୌଧୁରୀ ପ୍ରକାଶ କରିଛନ୍ତି।
