ଗୋଟାବାୟା ଅସମର୍ଥ

କଲମ୍ବୋ,୬ା୪: ଘୋର ଆର୍ଥିକ ସଙ୍କଟକୁ ସାମ୍ନା କରୁଥିବା ଶ୍ରୀଲଙ୍କାର ସ୍ଥିତି ଦିନକୁ ଦିନ ଅତି ଖରାପ ଆଡ଼କୁ ଗତି କରୁଛି। ୪୨ ଏମ୍‌ପି ନିଜକୁ ସ୍ବାଧୀନ ଘୋଷଣା କରିବା ପରେ ରାଷ୍ଟ୍ରପତି ଗୋଟାବାୟା ରାଜପାକ୍‌ସେଙ୍କ ଶ୍ରୀଲଙ୍କା ପୋଦୁଜନ ପେରାମୁନା (ଏସ୍‌ଏଲ୍‌ପିପି) ମଙ୍ଗଳବାର ପାର୍ଲାମେଣ୍ଟରେ ସଂଖ୍ୟାଗରିଷ୍ଠତା ହରାଇଛି। ବିଦ୍ୟୁତ୍‌ କାଟ୍‌ ଓ ଅତ୍ୟାବଶ୍ୟକ ସାମଗ୍ରୀର ଅଭାବ ବିରୋଧରେ ନାଗରିକଙ୍କ ବିକ୍ଷୋଭକୁ ଦେଖି ଏପ୍ରିଲ ପହିଲାରେ ରାଷ୍ଟ୍ରପତି ରାଜପାକ୍‌ସେ ଜରୁରିକାଳୀନ ପରିସ୍ଥିତି ଘୋଷଣା କରିଥିଲେ। ପ୍ରଧାନମନ୍ତ୍ରୀ ମହିନ୍ଦା ରାଜପାକ୍‌ସେଙ୍କ ବ୍ୟତୀତ କ୍ୟାବିନେଟର ସମସ୍ତ ସଦସ୍ୟ ଇସ୍ତଫା ଦେଇଥିଲେ। ରାଷ୍ଟ୍ରପତି ଗାଦି ଛାଡ଼ନ୍ତୁ ବୋଲି ଦାବି ଜୋର୍‌ ଧରିଥିଲେ ହେଁ ଗୋଟାବାୟା ଇସ୍ତଫା ଦେବାକୁ ମନା କରିଥିଲେ। ଦେଶରେ ସରକାର ବିରୋଧୀ ବିକ୍ଷୋଭ ତେଜିବାରେ ଲାଗିଥିବାବେଳେ ସଦ୍ୟ ରାଜନୈତିକ ଘଟଣାକ୍ରମ ଦ୍ୱୀପରାଷ୍ଟ୍ରର ଭବିଷ୍ୟତକୁ ଅନ୍ଧାର ଭିତରକୁ ଟାଣିନେଇଛି।
୨୦୨୦ ସାଧାରଣ ନିର୍ବାଚନରେ ୨୨୫ ଆସନ ବିଶିଷ୍ଟ ପାର୍ଲାମେଣ୍ଟରେ ଶାସକ ଏସ୍‌ଏସ୍‌ପିପି ନେତୃତ୍ୱାଧୀନ ମେଣ୍ଟ ୧୪୬ ଆସନ ଦଖଲ କରିଥିଲା। ମହିନ୍ଦା ରାଜପାକ୍‌ସେଙ୍କ ସରକାରରେ ପ୍ରତିରକ୍ଷା ସଚିବ ଥିବା ତାଙ୍କ ଭାଇ ଗୋଟାବାୟାଙ୍କୁ ରାଷ୍ଟ୍ରପତି କରାଯାଇଥିଲା। କିନ୍ତୁ ଡଲାର ରିଜର୍ଭର ଅଭାବ ଓ ଆର୍ଥିକ ସଙ୍କଟ ଯୋଗୁ ଇନ୍ଧନ, ଏଲ୍‌ପିଜି, ବିଦ୍ୟୁତ୍‌, ଔଷଧ ଏବଂ ଖାଦ୍ୟ ସଙ୍କଟ ଦେଖାଦେଲା। ଏହାର ମୁକାବିଲା କରିବାରେ ଗୋଟାବାୟାଙ୍କ ଅକ୍ଷମତା ଯୋଗୁ ଦେଶରେ ଆର୍ଥିକ ସଙ୍କଟ ଘନେଇବାରେ ଲାଗିଛି। ରାଷ୍ଟ୍ରପତିଙ୍କ ଇସ୍ତଫା ଦାବିରେ ଲୋକେ ରାସ୍ତାକୁ ଓହ୍ଲାଇଥିବାବେଳେ ସୋମବାର ରାତିରେ ଗୋଟାବାୟା ପଦ ଛାଡ଼ିବାକୁ ମନା କରିଥିଲେ। ଇତିମଧ୍ୟରେ ସରକାର ୪ ନୂଆ ମନ୍ତ୍ରୀଙ୍କୁ ନିଯୁକ୍ତ କରିଥିଲେ। ତେବେ ଶପଥ ନେବାର ୨୪ ଘଣ୍ଟା ନ ପୂରୁଣୁ ଅର୍ଥମନ୍ତ୍ରୀ ଅଲୀ ସବ୍ରି ଇସ୍ତଫା ଦେଇଛନ୍ତି। ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌)ଠାରୁ ଋଣ ଆଣିବା ନେଇ ଏକ ଗୁରୁତ୍ୱପୂର୍ଣ୍ଣ ଆଲୋଚନା ପୂର୍ବରୁ ଅର୍ଥମନ୍ତ୍ରୀ ନିଜ ପଦ ଛାଡ଼ିଛନ୍ତି। ତାଙ୍କ ଇସ୍ତଫା ଅନ୍ତରୀଣ ସରକାର ଗଠନ ପାଇଁ ବାଟ ଫିଟାଇବ ବୋଲି ସବ୍ରି କହିଛନ୍ତି। ମଙ୍ଗଳବାର ନିଜକୁ ସ୍ବାଧୀନ ଘୋଷଣା କରିଥିବା ୪୨ ଏମ୍‌ପିଙ୍କ ମଧ୍ୟରେ ଅଛନ୍ତି ଶ୍ରୀଲଙ୍କା ଫ୍ରିଡମ୍‌ ପାର୍ଟିର ୧୪, ଶାସକ ମେଣ୍ଟର ୧୦ ଏବଂ ଏସ୍‌ଏଲ୍‌ପିପିର ୧୨ ସଦସ୍ୟ।


Enter your email to get our daily news in your inbox.

All Right Reserved By Dharitri.Com

ମଦ ପାଇଁ ଘର ଛାଡି ୧୪ ବର୍ଷ ହେଲା ରହୁଛନ୍ତି ବିମାନବନ୍ଦରରେ

ବେଜିଂ,୧।୪: ମଦ, ସିଗାରେଟ ଛାଡ଼ିଲେ ଘରେ ରହିବୁ। ପରିବାର ଲୋକଙ୍କ ଏଭଳି ଚେତାବନୀ ପରେ ଚାଇନାର ୬୦ ବର୍ଷୀୟ ବୃଦ୍ଧ ଘର ଓ ପରିବାର ଲୋକଙ୍କୁ...

ସର୍ବସାଧାରଣ ସ୍ଥାନରେ ସ୍ତ୍ରୀଙ୍କ ସହ ଦେଖା ଦେଲେ କିମ୍‌

ପ୍ୟୋଙ୍ଗୟାଙ୍ଗ୍‌,୨ା୨: ଉତ୍ତରକୋରିଆର କ୍ରୁର ଶାସକ କିମ୍‌-ଜୋଙ୍ଗ-ଉନ୍‌ ତାଙ୍କ ସ୍ତ୍ରୀ ଏବଂ ଖୁଡ଼ୀଙ୍କ ସହ ବୁଧବାର ଗଣମାଧ୍ୟମ ସାମ୍ନାକୁ ଆସିଛନ୍ତି। କରୋନା ମହାମାରୀ ସମୟରେ ଶାସକ ପରିବାର...

ଆଇଏସ୍‌-କେ ମୁଖ୍ୟଙ୍କୁ ଧରାଇଦେଲେ ୧୦ ନିୟୁତ ଡଲାର

ନ୍ୟୁୟର୍କ,୯।୨: ଆଫଗାନିସ୍ତାନରେ ତାଲିବାନ ପାଇଁ ଚ୍ୟାଲେଞ୍ଜ ସୃଷ୍ଟି କରିଥିବା ଇସ୍‌ଲାମିକ୍‌ ଷ୍ଟେଟ୍‌ର ଖୋରାସାନ୍‌ ଗୋଷ୍ଠୀ ଆଇଏସ୍‌-କେ ମୁଖ୍ୟ ସନାଉଲ୍ଲା ଗଫାରି ଓରଫ ସାହାବ ଅଲ୍‌-ମୁଜାହିରଙ୍କୁ ଧରାଇଦେଲେ...

କାନାଡ଼ାରେ ପୁଣି ସଂଖ୍ୟାଲଘୁ ସରକାର

ଓଟାଓ୍ବା, ୨୦।୯: କୋଭିଡ୍‌ ମହାମାରୀ ଭିତରେ କାନାଡାରେ ଶେଷ ହୋଇଛି ୩୬ ଦିନିଆ ନିର୍ବାଚନ ପ୍ରଚାର। ଆଗୁଆ ପାର୍ଲାମେଣ୍ଟ ଭଙ୍ଗ ପାଇଁ ପ୍ରଧାନମନ୍ତ୍ରୀ ଜଷ୍ଟିନ୍‌ ଟ୍ରୁଡୋ...

ସ୍ବପ୍ନକୁ ବି କରିହେବ ହ୍ୟାକ୍‌

ଓ୍ବାଶିଂଟନ,୪।୧: ସ୍ବପ୍ନ ମଣିଷର ନିୟନ୍ତ୍ରଣ ବାହାରେ ରହିଥାଏ। ତେବେ ଏହାକୁ ନିୟନ୍ତ୍ରଣ କରିବା ଏବେ ସମ୍ଭବ ହେବ। ମଣିଷ ନିଜ ପସନ୍ଦ ଅନୁସାରେ ଏବେ ସ୍ବପ୍ନ...

ଭାରତ ସହ ଏକାଠି କାର୍ଯ୍ୟ କରିବାକୁ ପ୍ରସ୍ତୁତ: ଚାଇନା

ବେଜିଂ, ୧୮।୮(ପି.ଟି.): ରାଜନୈତିକ ଆପୋଷ ଆସ୍ଥା ବଢ଼ାଇବା ଓ ମତପାର୍ଥକ୍ୟକୁ ଦୂର କରିବା ତଥା ଦ୍ୱିପାକ୍ଷିକ ସମ୍ପର୍କର ଦୀର୍ଘମିଆଦୀ ବିକାଶ ବଜାୟ ରଖିବା ଲାଗି ଭାରତ...

ବିଶେଷଜ୍ଞଙ୍କ ଦାବି ସବୁଦିନ ପାଇଁ ରହିବ ନାହିଁ କରୋନା, ଖୁବଶୀଘ୍ର ହେବ ଶେଷ

ୱାଶିଂଟନ,୧୬ ।୧: ସାରା ବିଶ୍ୱ କରୋନା ମହାମାରୀର ନୂଆ ନୂଆ ଭାରିଏଣ୍ଟକୁ ଦେଖି ସାରିଲାଣି । ଏହାର ଭୟାବହତାକୁ ବି ଅଙ୍ଗେ ଲିଭାଇଲାଣି । କରୋନା...

ବୁଡିଗଲା ପର୍ଯ୍ୟଟନ ଡଙ୍ଗା: ୧୧ ମୃତ, ୧୫ ଏବେ ବି ନିଖୋଜ

ଟୋକିଓ,୨୫।୪:ଜାପାନରେ ଏକ ପର୍ଯ୍ୟଟନ ଡଙ୍ଗା ବୁଡି ୧୧ ଜଣଙ୍କର ମୃତ୍ୟ ଘଟିଛି। ମୃତକଙ୍କ ମଧ୍ୟରେ ୭ ଜଣ ପୁରୁଷ,ତିନିଜଣ ମହିଳା ଏବଂ ଜଣେ ଶିଶୁ ଅଛନ୍ତି।...

Advertisement
Archives

Model This Week