ଜଳପଥରେ ଟାଟା ଷ୍ଟିଲର ପ୍ରଥମ ପରିବହନ

ଯାଜପୁର ଅଫିସ,୬ା୪: କଳିଙ୍ଗନଗର ଟାଟାର ସମ୍ପ୍ରସାରଣ ପ୍ରକଳ୍ପ ନିମନ୍ତେ ଭାରି ମେଶିନ୍‌ ଆଣିବାକୁ ଓଡ଼ିଶାରେ ପ୍ରଥମ ଥର ଅନ୍ତର୍ଦ୍ଦେଶୀୟ ଜଳପଥକୁ ବ୍ୟବହାର କରାଯାଇଛି। ଟାଟା ଷ୍ଟିଲ୍‌ ଇଞ୍ଜିନିୟରିଂ ଆଣ୍ଡ୍‌ ପ୍ରୋଜେକ୍ଟ ଡିଭିଜନ୍‌ ପକ୍ଷରୁ ପ୍ରାୟ ୧୦୦୦ କ୍ୟୁବିକ୍‌ ମିଟର୍‌ (ସିବିଏମ୍‌) ପଣ୍ୟ ଜଳପଥ (ଲୁଣା ନଦୀ) ଜରିଆରେ ମଲ୍‌ଟିମୋଡାଲ୍‌ ଲଜିଷ୍ଟିକ୍‌ସ ପରିବହନ ହୋଇଛି। ସାଂଘାଇରୁ ଚାର୍ଟାର୍ଡ ଜାହାଜରେ ପାରାଦୀପ ବନ୍ଦର ପର୍ଯ୍ୟନ୍ତ ଉକ୍ତ ମାଲ ଆସିଥିଲା। ପରେ ଲୁଣା ନଦୀରେ ପରିବହନ ଲାଗି ତାହାକୁ ବାଜର୍‌ରେ ରଖାଯାଇଥିଲା। ସେଠାରୁ କେନ୍ଦ୍ରାପଡ଼ା ଜିଲା ମାର୍ଶାଘାଇ ପର୍ଯ୍ୟନ୍ତ ଜଳପଥରେ ମାଲ ପରିବହନ ପରେ ସଡ଼କପଥରେ କଳିଙ୍ଗନଗର ପହଞ୍ଚିଥିଲା।
ଉପସଭାପତି, ଟିକ୍ୟୁଏମ୍‌ ତଥା ଇଞ୍ଜିନିୟର ଆଣ୍ଡ ପ୍ରୋଜେକ୍ଟ ବିଭାଗର ଅବନିଶ ଗୁପ୍ତା କହିଛନ୍ତି, ଖର୍ଚ୍ଚ ହେଉଥିବା ମୂଲ୍ୟରେ ଲାଭ ସହ ନିରବଚ୍ଛିନ୍ନ ଲଜିଷ୍ଟିକ୍ସ ମଡେଲ୍‌ ପାଇଁ ଏହା ପଥ ପ୍ରଦର୍ଶନ କରିବ। ଯାହାଆସେମ୍ବଲ୍‌ଡ ସ୍ଥିତିରେ ପ୍ଲାଣ୍ଟ୍‌ ଓ ମେଶିନ୍‌ ଆମଦାନୀ ଏବଂ ଏକତ୍ରୀକରଣ ଜରିଆରେ ହାସଲ କରାଯାଇପାରିବ। ଇସ୍ପାତ୍‌ ଶିଳ୍ପ ଓ ଦେଶର ଅଙ୍ଗାରକାମ୍ଳ ହ୍ରାସ ସହ ସଡ଼କ ସୁରକ୍ଷାରେ ଉନ୍ନତି ଆଣିବ। ଆସିଥିବା ପଣ୍ୟ ସାମଗ୍ରୀରେ ୪ ସୁପର୍‌ ଓଭର୍‌-ଡାଇମେନ୍‌ଶନାଲ୍‌ କାର୍ଗୋ (ଏସ୍‌ଓଡିସି) ରହିଛି। ପ୍ରତିଟିର ଓଜନ ୧୦୦ ମେଟ୍ରିକ୍‌ ଟନ୍‌ । ଚଉଡା ୮ ମିଟର୍‌ ହେବ। ଏହି ପ୍ରକଳ୍ପ ପଣ୍ୟଗୁଡ଼ିକ ସ୍ଲାଗ୍‌ ଗ୍ରାନୁଲେଶନ୍‌ ପ୍ଲାଣ୍ଟର ଅଂଶ। ଯାହାକୁ ଟାଟା ଷ୍ଟିଲ୍‌ର କଳିଙ୍ଗନଗର କାରଖାନାରେ ସ୍ଥାପନ କରାଯାଉଛି। ଦୁନିଆର ଅନ୍ୟ ପ୍ରାନ୍ତ ସହ ଯୋଡ଼ି ହେବା ଲାଗି ଅନ୍ତର୍ଦ୍ଦେଶୀୟ ଜଳପଥରେ ରହିଥିବା ସମ୍ଭାବନାକୁ ଉଜାଗର କରି ଅଧିକ ଚଉଡ଼ା ପଣ୍ୟ (ଓଡିସି), ଅଧିକ ଓଜନ ବିଶିଷ୍ଟ ପଣ୍ୟ (ଓଡବ୍ଲ୍ୟୁସି), ସୁପର୍‌ ଓଡିସି ପ୍ରକଳ୍ପ ପଣ୍ୟ ପାଇଁ ଟାଟା ଷ୍ଟିଲ୍‌ ପକ୍ଷରୁ ଏହାର ଲଜିଷ୍ଟିକ୍ସ ଦକ୍ଷତା ବଢ଼ାଇବା ଲାଗି ମଲ୍‌ଟିମୋଡାଲ୍‌ ଲଜିଷ୍ଟିକ୍ସ ଅଭିଯାନକୁ କାର୍ଯ୍ୟକାରୀ କରାଯାଇଛି। ଜଳପଥ ପରିବହନ ଟ୍ରାଫିକ ସମସ୍ୟାକୁ କମ୍‌ କରି ଏହା ଲଜିଷ୍ଟିକ୍‌ ପ୍ରତିବନ୍ଧକକୁ ଦୂର କରୁଛି। ଫଳରେ ସଡ଼କ ସୁରକ୍ଷା ବୃଦ୍ଧି ପାଉଛି ଓ ଅନ୍ତର୍ଦ୍ଦେଶୀୟ ଜଳପଥ, ଉପକୂଳ ଚଳପ୍ରଚଳ ଓ ସଡ଼କ ପଥ ପରିବହନର ମିଶ୍ରଣ ଜରିଆରେ ଭାରତର ବିଭିନ୍ନ ବନ୍ଦର ସହ ଯୋଡ଼ି ବିଦେଶୀ ରାଷ୍ଟ୍ରଗୁଡ଼ିକୁ ଜାହାଜର ନମନୀୟ ବିକଳ୍ପ ପ୍ରଦାନ କରାଯାଉଛି। ଏହି ଜଳପଥ ମାଧ୍ୟମ ସଡ଼କ କଟକଣା ସହିତ ଜଡ଼ିତ ଥିବା ଭବିଷ୍ୟତର ଆହ୍ବାନ ଓ ଅନିଶ୍ଚିତତାଗୁଡ଼ିକୁ ଦୂର କରି ସୁପର୍‌ ଓଡିସି ପ୍ରକଳ୍ପ ପଣ୍ୟର ପରିବହନ ପାଇଁ ନୂଆ ମାଧ୍ୟମ ଖୋଲିଛି। ପ୍ରକଳ୍ପ କ୍ଷେତ୍ରକୁ ସିଧାସଳଖ ବଡ଼ ଆକାରର ଆସେମ୍ବଲ୍‌ଡ ଉପକରଣ ଆମଦାନି କରିବା ଦ୍ୱାରା କାର୍ଯ୍ୟ କ୍ଷେତ୍ରରେ ଫେବ୍ରିକେଶନ୍‌, ଆସେମ୍ବ୍‌ଲି, କାର୍ଯ୍ୟର ନିରୀକ୍ଷଣ ଆଦି ହ୍ରାସ ପାଉଛି।
ଗତ ମାସରେ ପଶ୍ଚିମବଙ୍ଗ ହଳଦିଆ ବନ୍ଦରରୁ ଆସାମର ପାଣ୍ଡୁ ବନ୍ଦର ପର୍ଯ୍ୟନ୍ତ ଇଣ୍ଡୋ-ବାଲାଂଦେଶ ପ୍ରୋଟୋକଲ୍‌ ରୁଟ୍‌ (ଆଇବିପି)କୁ ବ୍ରହ୍ମପୁତ୍ର ନଦୀ ମାଧ୍ୟମରେ ବ୍ୟବହାର କରି ୧୮,୦୦୦ ଟନ୍‌ ଫିନିସ୍‌ଡ୍‌ ଇସ୍ପାତ୍‌ ଉପତ୍ାଦ ପଠାଇ ଟାଟା ଷ୍ଟିଲ୍‌ ନିଜର ପ୍ରତିବଦ୍ଧତାକୁ ଦୋହରାଇଥିଲା। ଟାଟା ଷ୍ଟିଲ୍‌ର ଫିନିସ୍‌ଡ୍‌ ଉପତ୍ାଦ ବୋଝେଇ ହୋଇଥିବା ବାର୍ଜ କଳ୍ପନା ଚାୱଲାକୁ କେନ୍ଦ୍ର ବନ୍ଦର, ଜାହାଜ ଓ ଜଳପଥ ମନ୍ତ୍ରୀ ସର୍ବାନନ୍ଦ ସୋନାୱାଲ୍‌ ପତାକା ଦେଖାଇ ଲୋକାର୍ପଣ କରିଥିଲେ। ଆଇବିପି ପଥକୁ ବ୍ୟବହାର କରିବା ଟାଟା ଷ୍ଟିଲ୍‌କୁ ୩ କାର୍ବନ୍‌ ନିର୍ଗମନ ହ୍ରାସ କରିବାରେ ସହାୟକ ହେବ। ୨୦୨୧ ଜୁଲାଇରେ କମ୍ପାନୀ ପକ୍ଷରୁ କିଛି ନିର୍ଦ୍ଦିଷ୍ଟ ସ୍ଥାନ ପର୍ଯ୍ୟନ୍ତ ଫିନିସ୍‌ଡ୍‌ ସାମଗ୍ରୀ ପହଞ୍ଚାଇବା ଲାଗି ଇଲେକ୍ଟ୍ରିକ୍‌ ଯାନ ବ୍ୟବହାର କରିବାରେ ଅଗ୍ରଦୂତ ଭୂମିକା ଗ୍ରହଣ କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀଙ୍କ ବାତ୍ୟା ଅକ୍ବାନ୍ ସମୀକ୍ଷା ; ଓଡ଼ିଶାରେ ଲ୍ୟାଣ୍ଡଫଲ୍‌! ୪୬ ହଜାରରୁ ଅଧିକ ଲୋକ ସ୍ଥାନାନ୍ତର

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି ସରକାର। ଏହାରି ଭିତରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ SRCଙ୍କ କାର୍ଯ୍ୟାଳୟରେ ବାତ୍ୟା ସମୀକ୍ଷା କରିଛନ୍ତି…

ବାତ୍ୟା ‘ଅକ୍ୱାନ’ ଭୟ: କଳାହାଣ୍ଡି ଜିଲାର ସମସ୍ତ ବିଦ୍ୟାଳୟ ଛୁଟି ଘୋଷଣା,ଜାଣନ୍ତୁ…

ଭବାନୀପାଟଣା,୧୮।୧୧ (ଉତ୍ତମ କୁମାର ଦାଶ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ପ୍ରଭାବକୁ ଦୃଷ୍ଟିରେ ରଖି ଆସନ୍ତାକାଲି (ଗୁରୁବାର) କଳାହାଣ୍ଡି ଜିଲାର ସମସ୍ତ ବିଦ୍ୟାଳୟ ବନ୍ଦ ରହିବ। ଛାତ୍ରଛାତ୍ରୀଙ୍କ ସୁରକ୍ଷାକୁ…

ଜିନ୍‌ପିଙ୍ଗ, ପୁଟିନ୍‌ଙ୍କ ବଡ଼ ନିଷ୍ପତ୍ତି: ମୁକ୍ତ, ଅବାଧ ବାଣିଜ୍ୟକୁ ସମର୍ଥନ

ସେନ୍‌ଝେନ୍‌,୧୮ା୧୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ସହ ତ୍ରିପାକ୍ଷିକ ଆଲୋଚନାର ଦିନକ ପୂର୍ବରୁ ଚାଇନା ରାଷ୍ଟ୍ରପତି ଶି ଜିନ୍‌ପିଙ୍ଗ୍‌ ଏବଂ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ପାଶ୍ଚାତ୍ୟ…

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?