ଚକ୍ରାନ୍ତକାରୀଙ୍କ କବ୍‌ଜାରେ ଗୋରେଖନାଥ ପୀଠ

ରଘୁନାଥପୁର,୮ା୪(ଡି.ଏନ୍‌.ଏ.): ରଘୁନାଥପୁର ବ୍ଲକ କେରେକେରାସ୍ଥିତ ବିଭୂତି କ୍ଷେତ୍ର ପ୍ରଭୁ ଗୋରେଖନାଥ ପୀଠରେ ୭ ଦିନ ହେଲା ଭୋଗ ଓ ଦୀପ ଦୋକାନ ବନ୍ଦ ରହିଛି। ଏହାର ସୁଯୋଗରେ ବାହାରେ ଥିବା ଦୋକାନୀ ଅଧିକ ମୂଲ୍ୟରେ ଭୋଗ ବିକ୍ରିକରି ମୁନାଫା ଉଠାଉଛନ୍ତି ବୋଲି ଭକ୍ତଙ୍କ ପକ୍ଷରୁ ଅଭିଯୋଗ ହେଉଛି। ଏଥିରେ ଏକ ଚକ୍ରାନ୍ତକାରୀ ଗୋଷ୍ଠୀ ସାମିଲ ହୋଇଥିବା ଅଭିଯୋଗ ହେଉଛି। ଦୋକାନ ବନ୍ଦ ହେବା ପଛରେ ମନ୍ଦିର ସହ ଜଡିତ ଥିବା କେତେଜଣ ବ୍ୟକ୍ତିଙ୍କ ହାତ ରହିଥିବା କୁହାଯାଉଛି। ସେମାନେ ନିଜର ସ୍ବାର୍ଥକୁ ଚରିତାର୍ଥ ପାଇଁ ଦେବୋତ୍ତର ବିଭାଗ ପାଖରେ ମିଥ୍ୟା ତଥ୍ୟ ରଖି ପ୍ରଭୁଙ୍କ ଆୟରେ ଲକ୍ଷାଧିକ ଟଙ୍କା କ୍ଷତି କରି ଚାଲିଛନ୍ତି। ଦୋକାନ ବନ୍ଦ ହେବା ଦିନଠାରୁ ମନ୍ଦିର ଗେଟ ସମ୍ମୁଖରେ ଭୋଗ ଓ ଦୀପ ଆଦିକୁ ଚଢ଼ା ଦରରେ ବିକ୍ରି କରି ବ୍ୟବସାୟୀମାନେ ଲକ୍ଷାଧିକ ଟଙ୍କା ରୋଜଗାର କରିଛନ୍ତି।
ସୂଚନାଯୋଗ୍ୟ, ୨୦୨୧-୨୨ ବର୍ଷରେ ଭୋଗ ଓ ଦୀପ ଦୋକାନ ନିଲାମ ହୋଇ ପାରି ନ ଥିଲା। ଫଳରେ ସହମତି ଭିତ୍ତିରେ ସ୍ଥାନୀୟ ଜଣେ ବ୍ୟକ୍ତିଙ୍କୁ ୩୦ ଲକ୍ଷ ଟଙ୍କାରେ ଭୋଗ ଓ ୧୮ ଲକ୍ଷ ଟଙ୍କାରେ ଦୀପ ଦୋକାନ ଦିଆଯାଇଥିଲା। ଏହି ମୂଲ୍ୟକୁ ଆକଳନ କଲେ ପ୍ରଭୁଙ୍କ ଆୟରେ ଦୈନିକ ୧୩,୩୬୪ ଟଙ୍କା କ୍ଷତି ଘଟୁଛି। ଏହାଛଡ଼ା କରୋନା କଟକଣା ପୂର୍ବରୁ ବିଗତ ବର୍ଷଗୁଡିକରେ ଭୋଗ ଓ ଦୀପ ଦୋକାନକୁ ମାତ୍ରାଧିକ ଟଙ୍କାରେ ନିଲାମ ନେଇ ନିଲାମଧାରୀମାନେ ସମ୍ପୂର୍ଣ୍ଣ ଅର୍ଥ ପରିଶୋଧ କରି ନ ପାରିବାରୁ ସେମାନଙ୍କ ନାମରେ କୋର୍ଟରେ ମାମଲା ଚାଲିଛି। ଏଣୁ ଇଚ୍ଛୁକ ବ୍ୟକ୍ତି ନିଲାମରେ ଅଂଶଗ୍ରହଣ ନ କରିବା ପଛରେ ଏହା ଅନ୍ୟତମ କାରଣ ବୋଲି ଆଲୋଚନା ହେଉଛି। ନିଲାମୀ ଭୋଗ ଦୋକାନରେ ଉଖୁଡାକୁ ଛାଡି ଫେଣି ଓ ଅନ୍ୟ ଭୋଗ ୧୬୦ ଟଙ୍କାରେ ବିକ୍ରୟ ପାଇଁ ନିୟମ ରହିଛି। ହେଲେ ୭ ଦିନ ହେଲା ଭୋଗ ଓ ଦୀପ ଦୋକାନ ବନ୍ଦ ରହିବା ଯୋଗୁ ପୀଠ ବାହାରେ ଥିବା ବ୍ୟବସାୟୀମାନେ ଭୋଗ ବିକ୍ରି କରି ଲାଭବାନ ହେଉଛନ୍ତି। ଏହାକୁ ନେଇ ଶ୍ରଦ୍ଧାଳୁ ଭକ୍ତ ତଥା ଅଞ୍ଚଳବାସୀଙ୍କ ମନରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ଏ ସମ୍ପର୍କରେ ମନ୍ଦିର ମୁଖ୍ୟ ପୂଜକ ଦିଲୀପ କୁମାର ପଣ୍ଡା କହିଛନ୍ତି, ଭୋଗ ଓ ଦୀପ ଦୋକାନ ବନ୍ଦ ନେଇ ଅଧିକାରୀଙ୍କ ନିକଟରେ ଖବର ନାହିଁ। ଏପରି ଅବ୍ୟବସ୍ଥା ଲାଗି ରହିଥିବା ଯୋଗୁ ପୀଠକୁ ଯାତ୍ରୀଙ୍କ ଆଗମନ ହ୍ରାସ ପାଇଛି। ଫଳରେ କରୋନା କଟକଣା ଯୋଗୁ ଦୀର୍ଘ ଦୁଇବର୍ଷ ଧରି ଦୁଃଖ କଷ୍ଟରେ ଜୀବନ ବିତାଇଥିବା ସେବକମାନେ ଏବେ କଟକଣା ହଟିବା ପରେ ବି ନିଜର ଜୀବିକା ନିର୍ବାହ ପାଇଁ ହନ୍ତସନ୍ତ ହେଉଛନ୍ତି। ଏହାଛଡା ପୀଠ ମଧ୍ୟରେ ଭୋଗ ଓ ଦୀପ ଦୋକାନ ବନ୍ଦ ଖବର ଶୁଣି ବହୁ ଯାତ୍ରୀ ଆସୁ ନ ଥିବାରୁ ପରୋକ୍ଷରେ ସେବକମାନଙ୍କ ରୋଜଗାର ଉପରେ ଆଞ୍ଚ ଆସିଛି। ଏହାର ପ୍ରଭାବ ମଧ୍ୟ ସ୍ଥାନୀୟ ବ୍ୟବସାୟୀଙ୍କ ଉପରେ ପଡିଥିବା ଦେଖାଯାଇଛି। ଶୁଭ ଚିନ୍ତକ ଭାବେ ପୀଠରେ ଜଡିତ ହୋଇ ପ୍ରଭୁଙ୍କ ଆୟରେ ବାଧକ ସାଜି ନିଜ ପକେଟ ଗରମ କରୁଥିବା ଚକ୍ରାନ୍ତକାରୀଙ୍କୁ ତୁରନ୍ତ ବିଦା କରାଯିବା ସହ ଦେବୋତ୍ତର ବିଭାଗ ନିୟମାନୁଯାୟୀ ଭୋଗ ଓ ଦୀପ ଦୋକାନ ଖୋଲିବାକୁ ଦେବୋତ୍ତର ଆୟୁକ୍ତଙ୍କ ନିକଟରେ ଭକ୍ତ ସମାଜ ତଥା ଅଞ୍ଚଳବାସୀଙ୍କ ପକ୍ଷରୁ ଦାବି ହେଉଛି। ଏ ସମ୍ପର୍କରେ ଦେବୋତ୍ତର ଅତିରିକ୍ତ ଆୟୁକ୍ତ ସୁମନ ଜେନାଙ୍କୁ ପଚାରିବାରେ ସେଠାରେ ଉପୁଜିଥିବା ପରିସ୍ଥିତି ଉପରେ ଅବଗତ ଅଛୁ ଏବଂ ସରକାରୀ ବିଧିବ୍ୟବସ୍ଥା ଅନୁସାରେ ଆଗାମୀ ମହାବିଷୁବ ସଂକ୍ରାନ୍ତି ପୂର୍ବରୁ ସମସ୍ୟାର ସମାଧାନ କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଦ୍ୱିତୀୟ ବିବାହର ସନ୍ତାନଙ୍କୁ ବି ମା’ଙ୍କ ସମ୍ପତ୍ତିରେ ମିଳିବ ଅଧିକାର: ସୁପ୍ରିମକୋର୍ଟଙ୍କ ବଡ଼ ରାୟ

ନୂଆଦିଲ୍ଲୀ,୧୯।୧୧: ସାଧାରଣତଃ ପରିବାରର ସଦସ୍ୟଙ୍କ ମଧ୍ୟରେ ସମ୍ପତ୍ତିକୁ ନେଇ ବିବାଦ ଦେଖିବାକୁ ମିଳେ। ବିଶେଷକରି ଜଣେ ମହିଳାଙ୍କ ବିବାହ ପରେ ତାଙ୍କ ସ୍ବାମୀଙ୍କ ମୃତ୍ୟୁ ହୋଇଯିବା ଏବଂ…

ସରକାରଙ୍କ ବଡ଼ ଘୋଷଣା: ୧ କୋଟି ପରିବାରଙ୍କୁ ମିଳିବ…

ନୂଆଦିଲ୍ଲୀ,୧୯।୧୧: ଘରର ଆର୍ଥିକ ଦାୟିତ୍ୱ ସମ୍ଭାଳୁଥିବା ସଦସ୍ୟ ଯଦି ହଠାତ୍‌ ଆଖି ବୁଜିଦିଅନ୍ତି, ତେବେ ପରିବାର ଉପରେ କେବଳ ମାନସିକ ଆଘାତ ନୁହେଁ, ଆର୍ଥିକ ସମସ୍ୟାର ପାହାଡ଼…

ଖାଇବାକୁ ଯାଉଥିବା ବେଳେ ପିକଅପ୍ ଭ୍ୟାନ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ; ଅଞ୍ଚଳରେ ଶୋକ

ଭଞ୍ଜନଗର,୧୯।୧୧(ବାବୁଲା ପ୍ରଧାନ): ଭଞ୍ଜନଗରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ପିକ୍‌ଅପ୍ ଭ୍ୟାନ୍ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ ହୋଇଛି । ଜଣାଶୁଣା କଂଗ୍ରେସ ନେତା ତଥା…

ସଫେଇ ଦେଲେ ଟିମ ଇଣ୍ଡିଆର ବ୍ୟାଟିଂ କୋଚ୍‌: ସିରାଜଙ୍କୁ ଦଳରୁ ବାଦ ଦେବାକୁ ନେଇ କହିଦେଲେ ଭିତିରି କଥା

ୱେଲିଂଟନ,୧୯।୧୧: ୱେଲିଂଟନ ଟେଷ୍ଟରେ ଭାରତୀୟ ଦଳର ପ୍ରଦର୍ଶନ ଅପେକ୍ଷା ଚୂଡ଼ାନ୍ତ ଏକାଦଶ ଚୟନକୁ ନେଇ ଅଧିକ ଚର୍ଚ୍ଚା ହେଉଛି। ପ୍ରଥମ ଟେଷ୍ଟରେ ରବୀନ୍ଦ୍ର ଜାଡେଜା ଓ ମହମ୍ମଦ…

ମ୍ୟାଚର ମୋଡ଼ ବଦଳାଇଦେଲେ ନ୍ୟୁଜିଲାଣ୍ଡର ଏହି ଖେଳାଳି: ଶତକ ମାରି ହାସଲ କଲେ ବଡ଼ ଉପଲବ୍ଧି , ଦଳକୁ ଦେଲେ ନୂଆ ଜୀବନ

ନୂଆଦିଲ୍ଲୀ,୧୯।୧୧: ୱେଲିଂଟନର ବେସିନ ରିଜର୍ଭ ଷ୍ଟାଡିୟମରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜର ପ୍ରଥମ ମୁକାବିଲା ଆରମ୍ଭ ହୋଇଛି। ଏହି ମ୍ୟାଚରେ ଟିମ ଇଣ୍ଡିଆ ଟସ…

ମହିଳା ଆଇଆଇସିଙ୍କ ମାନବିକତା, ବର୍ଷାରେ ଫସିଥିବା ଯାତ୍ରୀଙ୍କୁ ଉଦ୍ଧାର କରି…

ଗଞ୍ଜାମ,୧୯ା୧୧(ବିଦ୍ୟାଧର ସାହୁ): ବାତ୍ୟା ‘ଅକ୍ୱାନ’ ପ୍ରଭାବରେ ବୁଧବାରଠାରୁ ଆରମ୍ଭ ହୋଇଛି ବର୍ଷା। ଲଗାଣ ବର୍ଷା ଯୋଗୁ ଘରୁ ବାହାରକୁ ବାହାରି ପାରୁନାହାନ୍ତି ଲୋକେ। ଏଭଳି ପରିସ୍ଥିତିରେ ଗଞ୍ଜାମ…

ଧନତେରସ୍ ପରଠାରୁ ୧୪ହଜାର ଶସ୍ତା ହେଲା ସୁନା, ୧ ଲକ୍ଷ ଟଙ୍କାକୁ ଖସିବ….

ନୂଆଦିଲ୍ଲୀ,୧୯।୧୧: ଦେଶର ଫ୍ୟୁଚର୍ସ ବଜାର ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ସୁନା ଦରରେ ଲଗାତାର ଚତୁର୍ଥ ଦିନ ପାଇଁ ହ୍ରାସ ଦେଖିବାକୁ ମିଳିଛି । ଧନତେରସ ପରଠାରୁ…

ଉପକୂଳମୁହାଁ ବାତ୍ୟା ‘ଅକ୍ୱାନ’: ମହାକାଳପଡ଼ାରେ ହାଇଆଲର୍ଟ, ଫେରିଘାଟ ବନ୍ଦ ସହ ଯୁଦ୍ଧକାଳୀନ ଭିତ୍ତିରେ…

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ବାଇଁ): ବଙ୍ଗୋପସାଗରରେ ଘନୀଭୂତ ବାତ୍ୟା ଅକ୍ୱାନ ଧିରେ ଧିରେ ବଳ ଗୋଟାଇ ସ୍ଥଳଭାଗ ମୁହାଁ ହୋଇ ଆଗକୁ ବଢୁଛି ବୋଲି ପାଣିପାଗ ବିଭାଗ ସତର୍କତା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?