ନୂଆଦିଲ୍ଲୀ: ଆଜି ଗୁରୁଦିବସ। ପୂର୍ବତନ ରାଷ୍ଟ୍ରପତି ଡା. ସର୍ବପଲ୍ଲୀ ରାଧାକୃଷ୍ଣନଙ୍କ ଜନ୍ମଦିନକୁ ଗୁରୁଦିବସ ଭାବେ ପାଳନ କରାଯାଏ। ଏହି ଦିନରେ ଛାତ୍ରୀଛାତ୍ରମାନେ ନିଜର ଗୁରୁଙ୍କୁ ମନେପକାଉଛନ୍ତି। ଏହି କ୍ରମରେ ସର୍ଚ୍ଚ ଇଞ୍ଜିନ୍ ଗୁଗଲ ମଧ୍ୟ ଡୁଡଲ କରି ଏହି ଦିନକୁ ପାଳନ କରୁଛି।
ବର୍ତ୍ତମାନ ସମୟରେ କରୋନା ଭାଇରସକୁ ନେଇ ସ୍କୁଲ କଲେଜ ବନ୍ଦ ରହିଛି। ଫଳରେ ଶିକ୍ଷାର ସ୍ବରୂପ ମଧ୍ୟ ବଦଳିଛି। ଏବେ ସ୍କୁଲ କଲେଜ ଯିବା ପରିବର୍ତ୍ତେ ଛାତ୍ରମାନେ ଘରେ ବସି ଅନ୍ଲାଇନ୍ରେ ପାଠ ପଢ଼ୁଛନ୍ତି। ଏଣୁ ଗୁଗୁଲ କରିଥିବା ଡୁଡଲରେ ଏହାର ଝଲକ ଦେଖିବାକୁ ମିଳୁଛି। ଏଥିରେ ବହି, ଲ୍ୟାପଟପ୍, ସ୍କେଲ, ବଲ୍ବ, ସ୍କୁଲର ଘଣ୍ଟି, ପେନ୍ସିଲ, କଲର୍ ବୋର୍ଡ, ପୃଥିବୀ ଏବଂ ପିଲାମାନଙ୍କୁ ରେଖାଙ୍କିତ କରି ଶିକ୍ଷକଙ୍କ ପ୍ରତି ସମ୍ମାନ ଜଣାଯାଇଛି।
